المشاركة الأصلية كتبت بواسطة zalpany2000
مرة باغسل عربية في بنزينة موبيل .... واداني فاتورة ب 20 جنيه ... دفعت ... ورجعت لاقيت الواد مش منظف حتة في العتب فباقولو ليه كده قالي عنيا وغسلها المهم طلعت 5 جنيه وباديهالو بيقولي امال بس بتتنك والعتب و مش العتب قلتله تصدق عندك حق احنا اسفين صح هات الخمسة ... خدت الفلوس منه ورخت قافل ازاز العربية وماشي .... نازل علي مدير البنزينة ... قلتله علي الموقف و قلتله اقل حاجه انك خسرت زبون ده لو ما حكيتش و 5 او 6 من صحابي برضو ما رضيوش يجوالكم .... الراجل جاب الواد ... المهم شد مع الواد فالواد قل ادبه .... فالراجل مشاه .... الغريب الناس بيقولولي قطعت عيشه منك لله، ساعتها افتكرت حكاية جحا والحمار .... عمرك ما هاتعرف ترضي كل الناس ...الخلاصة ... حضرتك كنت كلمت مدير البنزينة وعملت اللي عليك وما تحطش المواقف دي في بالك بقي علشان هاتبقي كتير اوي فيه فئة في الناس معاييرها مختلة ومش هاتفهمك ... تحياتي