استفسارات كتير اوي, نداء إلى الخبراء

السلام عليكم و رحمة الله و بركاته

انا عضو جديد في المنتدى لكني بحترمه جدا و شايف انه افضل خيار لأي حد معاه او عاوز يجيب عربية في مصر

انا معجب جدا بسيارات بروتون كلها بلا استثناء عشان شكلها و ادائها جميل و قوي, بس عندي استفسارات كتير عشان عاوز اجيب عربية قريب ان شاء الله

اولا: اسئلة عن السيارات الموجودة حاليا

انا حابب اعرف اسعار السيارات: جين 2 و برسونا موديل 2011 الاوتوماتك, و إذا فيها فئات و ايه مميزاتها بالتفصيل الممل تماما, يعني اداء و مميزات و سبل راحة و جوة و برا يعني تفصيل ممل اوي لو ممكن :) و اسعار كل واحدة طبعا

ثانيا: اسئلة عن السيارات الي سمعت عنها
انا مش متأكد انها موجودة في مصر, بس سمعت عن جين 2 فيس ليفت و برسونا ايليجانس, و حابب اعرف و افهم ايه مميزاتهم و إذا متوافرين في مصر و لا لأ و سعرهم لو موجودين, طبعا اوتوماتك و اخر موديل منهم

ثالثا: اسئلة عن سيارات مستقبلية
انا شايف ان الموديل الحالي هو 2011 بس حابب اعرف لو 2012 نازل قريب او حاجة, يعني لو في امل و اسعاره و كدة

رابعا: اسئلة عن التوكيل و المعارض
دا مربط الفرس... انا حابب اعرف التوكيل عنده كل الموديلات و لا لأ؟ و لو ما لقيتش مثلا العربية الي عاوزها بالظبط عنده, يعني مثلا معندوش لون او فئة معينة عند التوكيل و قالي استنى, حستنى قد ايه؟ و ايه المقدم؟ او عربون الحجز؟ و هل في معارض تابعة للتوكيل؟ يعني تبع عز العرب؟ و هل في معارض بتبيع البرسونا مش تبع التوكيل؟ و لو في هل في معاها ضمان؟ و هل هلاقي مثلا في معارض مش تبع التوكيل حاجة مش عند التوكيل؟

خامسا: الانذار في سيارات بروتون
هل فيها انذار؟ او سبل امان و لا لأ؟ و لو مافيهاش ايه افضل حل عشان اركب انذار؟ و فين حركبه عشان مش اي حد يلعب في الضفيرة اظن مش كدة؟ و هل التوكيل يرضى يركب انذار انا جايبه من برا؟ و هل التوكيل نفسه عنده انذارات بيبيعها؟
سؤال صغير كمان, ايه هو الايموبلايزر و ايه كفائته و تركيبه و تفاصيله؟

سادسا: التأمين
دي اول عربية ليا و حابب ابقى في الامان على الأقل في اول سنة, فسمعت عن التأمين الشامل ضد السرقة و الحوادث و الحريق, فحابب اعرف افضل اسعار و افضل شركات بتقدم التأمين دا و تفاصيلها.. طبعا انا لازم اكلم الشركة نفسها لما ارسى على واحدة عشان اشوف تفاصيل تنفيذ شروط التأمين بس ادوني نبذة كدة

سابعا: الترخيص
طبعا اول مرة ارخص فحابب اعرف ايه هية تفاصيل الترخيص و هل صعب و لا سهل (حرخص تبع مرور الوايلي) و كام المبلغ الكامل الي حيدفع (بالإكراميات) و ايه خطواته و تفاصيله


بجد انا متشكر جدا لطول بالكم و قرائتكو و حبقى ممنون جدا لأي حد يرد و يجاوبني عشان انا محتاج اعرف كل الحاجات دي

الف شكر ليكم جميعا

كل دى اسئله؟ دا امتحان

فيه اختيارات ولا كله اجبارى؟

اهلا بيك وسطينا منورنا وانشاء الله هنرد على كل اسئلتك بالتفصيل المفصل الممل زى مانت عاوز واكتر

بس ادينا فرصه لبكره

مع خالص تمنياتى بحسن الاختيار والتوفيق

اقتباس:

---

المشاركة الأصلية كتبت بواسطة medosarwat4

سادسا: التأمين
دي اول عربية ليا و حابب ابقى في الامان على الأقل في اول سنة, فسمعت عن التأمين الشامل ضد السرقة و الحوادث و الحريق, فحابب اعرف افضل اسعار و افضل شركات بتقدم التأمين دا و تفاصيلها.. طبعا انا لازم اكلم الشركة نفسها لما ارسى على واحدة عشان اشوف تفاصيل تنفيذ شروط التأمين بس ادوني نبذة كدة

ا

---

يا ريت تسأل حد من الفقهاء المتخصصين في الموضوع ده علشان في كلام من ناحية حرمانيته
ممكن تسأل دار الافتاء
اتصل بالرقم 107
عنهم خدمة جميلة أوي للفتاوى

من غير اتصال هو يحكم عقله

حضرتك هتدفع مبلغ ثابت كل فترة محددة

وإن شاء الله ربنا يحميهالك وماتحصلش حوادث ولا غيره

يبقى الفلوس اللى انت تعبان فيها راحت فين ؟؟

ولا قدر الله لو حصل حادث او غيره واحتجت التأمين

طبعا التأمين هيدفعلك مهما كان عدد الاقساط اللى دفعتها ....

يبقى الفلوس اللى صلحت بها عربيتك او إتصرفت على عربيتك فلوس مين ؟؟؟؟

إستشر عقلك وقلبك وكما راعيت الله فى مالك وسيارتك

سيرعاك الله وسيارتك بفضله ورحمته

بسم الله الرحمن الرحيم
بص يا سيدى
اولا اسعار موديلات 2011
جين 2 مانيوال 87900 اوتوماتيك 92900
بيرسونا مانيوال 88900 اوتوماتيك 94900

كل الموديلات فيها نفس الاوبشنز ماعدا البيرسونا الاوتو فيها مثبت سرعة

وده لينك هتعرف منه أغلب مميزات وعيوب سيارات بروتون
http://www.nilemotors.net/Nile/58282-gen2-persona.html

وده

http://www.nilemotors.net/Nile/forum132/

ثانيا بالنسبة للفيس ليفت لو قصدك على الجين اللى بسقف اسود فى دى منزلتش مصر لكن البيرسونا اليجانس نزلت وممكن تشوفها فى الشارع

ثالثا بالنسبة لموديلات 2012 مقدرش افيدك لانى معرفش عنهم حاجه

رابعا بالنسبة لسؤالك عن التوكيل ممكن حد هنا تانى يجاوبك لانى متعملتش معاه قبل كده ربنا يكتبهالى واتعامل معاه قريب ان شاء الله

خامسا سيارات بروتون فيها انذار وكمان فيها اتنين اير باج وايه بى اس واي بى دى وعربية عضمها ناشف والامبولايزر ده عبارة عن شريحة فى مفتاح العربية مبتخليش العربية تدور الا بمفتاحها

سادسا بالنسبة للسؤال عن التأمين مشعارف برضه بصراحه

سابعا بالنسبة للترخيص شوف اللينك ده
http://www.nilemotors.net/Nile/163242-a.html

اقتباس:

---

المشاركة الأصلية كتبت بواسطة megarekab

من غير اتصال هو يحكم عقله

حضرتك هتدفع مبلغ ثابت كل فترة محددة

وإن شاء الله ربنا يحميهالك وماتحصلش حوادث ولا غيره

يبقى الفلوس اللى انت تعبان فيها راحت فين ؟؟

ولا قدر الله لو حصل حادث او غيره واحتجت التأمين

طبعا التأمين هيدفعلك مهما كان عدد الاقساط اللى دفعتها .... يبقى الفلوس اللى صلحت بها عربيتك او إتصرفت على عربيتك فلوس مين ؟؟؟؟

إستشر عقلك وقلبك وكما راعيت الله فى مالك وسيارتك

سيرعاك الله وسيارتك بفضله ورحمته

---

الله يبارك ليك وفيك:16::16::16:

متشكر لكم جميعا على ردودكم, و عموما انا لم اطلب حكم الدين و لا الشرع في التأمين... و مع اني اختلف معكم لكم متشكر على العموم, و شكرا على التفاصيل من الاخ midosalah و انا حابب اعرف اكتر برضه, معلش يا جماعة الي حابب يكتب و يجاوب على الأسئلة ماشي, لكن كفاية احكام عن التامين و خلافه دي مش نقطة اساسية اوي يعني, غير كدة انا شايف ان معظم المواضيع الموجودة هنا قديمة نوعا ما و عن موديلات 2008 و 2009 و عشان كدة سالت عشان اشوف انطباعات و اراء عن 2011, غير كدة انا حابب اعرف حاجة صغيرة كمان, هل كرسي السائق و وضعيته كويس و واسع؟ عشان انا ضخم البنية حبتين و الحتة دي مهمة عندي

متشكر مرة ثانية و مستني الردود (حاسس بخمول شوية بس يمكن عشان ماتش الأهلي و ماتش الزمالك )

بص ياأخى انا هجاوبلك على جزئيه التأمين بفكره
انت بدا ما تدفع كل شهر قسط التأمين طلع على السياره مبلغ كل شهر لله (يتامى - أرامل - مساعده محتاج - الخ) والمبلغ اللى هطلعه ان شاء الله هيحمى السياره من كل سوء وشر وحسد وغيره وكمان تبقى أخدت حسنات و دعوات من اللى بتساعدهم - انا شايف ان ده افضل وانا شخصيا كنت عاوز اعمل التأمين وبعدين لما واحد صاحبى نصحنى بالفكره دى لم اتردد - والكلام لكل الأعضاء مش ليك لوحدك - ايه رأيكم فى الفكره دى؟

يا جدعااااااااااان و الله خلاص خلاص متشكر على الفتوى الي عمالين تقولو عليها, مش حأمن عليها يا جدعان انا اسف, المشكلة ان فوق ال 100 واحد دخلو اجابة واحدة شبه مفيدة و الباقي أكني طالب فتوى في موضوع التأمين, يا ريت الي يجاوب يجاوب على بقيت الأسئلة خلاص اطمنو مش حهد الدنيا بإني اأمن على عربيتي, انا اسف و شكرا على المساعدة الكبيرة

u can check the web site www.ezz-elarab.com or visit the nearst branch to ur home , to ride it
and see it in front of ur eyes , check the old subjects,
Gen 2 2009 is the same 2010 the same 2011, so any subject with model 2009 s the same of 2011.
my point of view to see it in any show room.

اقتباس:

---

المشاركة الأصلية كتبت بواسطة Medosarwat4

يا جدعااااااااااان و الله خلاص خلاص متشكر على الفتوى الي عمالين تقولو عليها, مش حأمن عليها يا جدعان انا اسف, المشكلة ان فوق ال 100 واحد دخلو اجابة واحدة شبه مفيدة و الباقي أكني طالب فتوى في موضوع التأمين, يا ريت الي يجاوب يجاوب على بقيت الأسئلة خلاص اطمنو مش حهد الدنيا بإني اأمن على عربيتي, انا اسف و شكرا على المساعدة الكبيرة

---

تصدق اننا ندمت على الرد عليك:angry06:

اقتباس:

---

المشاركة الأصلية كتبت بواسطة sindibad

تصدق اننا ندمت على الرد عليك:angry06:

---

يا اخي العزيز انا وصلي الموضوع و وصلت الاراء فعشان كدة كنت مضايق من التكرار الكتير, المشكلة ان الكل ساب كل الاسئلة و ركز على نقطة انا كدة كدة مش مهمة عندي اوي قد العربية نفسها, فشايف ان الكل بيتكلم اكني رايح اعمل جريمة ام حرام, كل واحد حر و كل واحد يا ياخذ النصيحة او لأ, بس المشكلة ان الكل بيتجاهل كل الأسئلة و بيركزو على النقطة دي, انا كل الي طالبه ان الناس تعرف اني متشكر جدا, النقطة وصلت و الحمد لله و انا ليا حرية الاختيار, و عموما الف شكر

بالنسبة لموضوع اني اشوف في المعرض دا اساسي بس بما اني برا البلد دلوقت فحبيت اسأل و اعرف قبليها مش اكتر

اقتباس:

---

المشاركة الأصلية كتبت بواسطة Medosarwat4

السلام عليكم و رحمة الله و بركاته

وعليكم السلام ورحمة الله وبركاته

انا حابب اعرف اسعار السيارات: جين 2 و برسونا موديل 2011 الاوتوماتك


جين 2 مانيوال 87900 اوتوماتيك 92900
بيرسونا مانيوال 88900 اوتوماتيك 94900


ثانيا: اسئلة عن السيارات الي سمعت عنها
انا مش متأكد انها موجودة في مصر, بس سمعت عن جين 2 فيس ليفت و برسونا ايليجانس, و حابب اعرف و افهم ايه مميزاتهم و إذا متوافرين في مصر و لا لأ و سعرهم لو موجودين, طبعا اوتوماتك و اخر موديل منهم



الجين-2 موديلات 2006 - 2007 - 2008 كان شكلها كده


http://upload.wikimedia.org/wikipedi...),_Serdang.jpg

http://upload.wikimedia.org/wikipedi...),_Serdang.jpg

http://img2.netcarshow.com/Proton-GE...llpaper_07.jpg

http://a7.sphotos.ak.fbcdn.net/hphot..._4588080_n.jpg


اما بقى موديلات ( 2009 - 2010 - 2011 ) إسمها FaceLift ( تم تغيير شكل الإكصدام الأمامي و إضافة سبويلر خلفي كتجهيز أساسي بعد ما كان بينزل في الفئة السبورت فقط وتم تغيير شكل الصالون من الداخل ) شكلها بقى كده

http://a7.sphotos.ak.fbcdn.net/hphot..._4936357_n.jpg

http://2.bp.blogspot.com/_Kd6Zp_4e1e...dQ/s1600/2.jpg


http://a5.sphotos.ak.fbcdn.net/hphot...6_166857_n.jpg

http://www.product-reviews.net/wp-.....ps-spotted.jpg

ودي صورة مقارنه بينهم ( حقوق الصوره ل / وسام عرفه )
http://a5.sphotos.ak.fbcdn.net/hphot..._3138093_n.jpg

البيرسونا إليجانس موجوده بقالها شهرين
صورها في الموضوع ده
http://www.nilemotors.net/Nile/13409...-elegance.html


ثالثا: اسئلة عن سيارات مستقبلية
انا شايف ان الموديل الحالي هو 2011 بس حابب اعرف لو 2012 نازل قريب او حاجة, يعني لو في امل و اسعاره و كدة


من واقع زيارتنا للمصانع في ماليزيا في إتجاه لعمل Replacement للجين -2 علشان تبقى شكلها كده

http://a3.sphotos.ak.fbcdn.net/hphot..._5647050_n.jpg


بس ما فيش أي معلومات مؤكده لموعد تصنيعها أو نزولها الأسواق أو إحتمال تتغير أساسا و يتعمل شكل غير ده


رابعا: اسئلة عن التوكيل و المعارض
دا مربط الفرس... انا حابب اعرف التوكيل عنده كل الموديلات و لا لأ؟

و لو ما لقيتش مثلا العربية الي عاوزها بالظبط عنده, يعني مثلا معندوش لون او فئة معينة عند التوكيل و قالي استنى, حستنى قد ايه؟
=== إنت وحظك ... ناس إستلمت في ساعتها و ناس إستلمت بعد شهرين ... طبقا لحالة العرض والطلب

و ايه المقدم؟ او عربون الحجز؟
==== عربون حجز 1000 جنيه

و هل في معارض تابعة للتوكيل؟ يعني تبع عز العرب؟

==== أباظه أوتو تريد ( التجمع الخامس ) + أوتو ماجد ( مكرم عبيد ) + سيارات الطيران (شارع الطيران ) + فارايتي (الدقي امام نادي الصيد ) + فيرست كار ( المهندسين )

و هل في معارض بتبيع البرسونا مش تبع التوكيل؟ و لو في هل في معاها ضمان؟ و هل هلاقي مثلا في معارض مش تبع التوكيل حاجة مش عند التوكيل؟

==== مفيش عربيه بروتون في مصر مش تابعه للتوكيل او مش عليها ضمان يعني بالبلدي كده ما فيش بروتون خليجي :)


خامسا: الانذار في سيارات بروتون
هل فيها انذار؟
=== إنذار + سنتر لوك + ريموت كنترول + فتح الشنطه من الريموت



سؤال صغير كمان, ايه هو الايموبلايزر و ايه كفائته و تركيبه و تفاصيله؟

=== مانع إدارة السيارة بدون مفتاحها الأصلي



سابعا: الترخيص
طبعا اول مرة ارخص فحابب اعرف ايه هية تفاصيل الترخيص و هل صعب و لا سهل (حرخص تبع مرور الوايلي) و كام المبلغ الكامل الي حيدفع (بالإكراميات) و ايه خطواته و تفاصيله


http://www.nilemotors.net/Nile/163242-a.html

---

الف الف الف شكر لك يا استاذ عبد الرحمن, انت افدتني جدا و بجد متشكر جدا على كرمك و اجابتك :)

كالعادة ملكش حل :16::16::16: