الموضوع: حركة المرور فى المنصورة بزرميط

السلام عليكم و رحمة الله و بركاته

أنا كمان من المنصورة و فعلا و قطعا, المشى بالعربية فى شوارع المنصورة قبل الساعة 1 بالليل, هو عبارة عن قطعة كبيرة جدا من الجحييييييييييييييييم و أنا ساكن فى مساكن الجامعة و مابخرجش بالعربية قبل الساعة 1 بالليل و لو ليا مشوار بالنهار و ماينفعش أروحه مشى على رجلى, بآخد العربية و ربنا يستر عليا.

السواقة فى المنصورة هى عبارة عن قدر لا بأس به من القرف.

و خاصة أعداد التاكسيات, كل الناس عندها تاكسيات, بالنهار, تلاقى 70% من العربيات اللى بتعدى أودام عينك, أحمر * أبيض, تاكسى يعنى, هما فعلا, لازم يوقفوا تراخيص التاكسيات الجديدة تماما فى المنصورة لحد مانشوف المصيبة دى هتتحل ازاى !!!!!!!!!!!!!!!

المشاركة الأصلية كتبت بواسطة medododo

بلاش الرد على الفاضي وخلاص
ده واقع
وتابع ردود الزملاء
tiktaktok2008

amrico
وخصوصا بلد العضو الدولة: أحلم بمدينة بدون لانسر (بومة) في الشوارع


أه نسيت أقولك أنا اساسا من المنصورة
امتداد شارع أحمد ماهر
يعني مش بتكلم من غير معرفة
وبالمناسبة أغني المحافظات دي جت منين؟؟
برضه من الارض شوف الارض الزراعية لما اتحولت مباني المتر بئه بكام
واتباع وبئت أساس لأي نشاط تاني
يعني تضخم ثرورة نتيجة سمسرة مع ارتفاع سعر ارض بسبب المضاربات عليها وليس نشاط انتاجي حقيقي

انا كمان من المنصورة والمرور اصبح لعنة بكل المقاييس
اما عن اللانسر البومة فحدث ولا حرج

طيب يا جماعه خلينا ايجابيين شويه
في صفحة على الفيسبوك لمحافظة الدقهلية
خلينا كل واحد يبعت شكوته باللي هو شايفه
وانا هبعت ايضا ان شاء الله
وهما على فكره بيردوا على كل الشكاوي خلينا نبعت ونشوف النتيجة وان شاء الله تكون خير

خلااااااص تااااااهت ولقيناها من الواضح ان كلنا من المنصورة نبدأ نشوف حل بقى احنا عندنا في البلد كذا مشكلة
من المشاكل الموجودة في بالي دلوقتي مشكلة زحمة المدارس و الكليات
وانا عندي الحل وخاصة في المدارس الحكومية
بدل ما كل الطلاب يطلعوا كلهم في وقت واحد ليه المحافظ الهمام بتاعنا ميصدرش قرار أن المدارس تختار مواعيد معينة لخروج التلاميذ منها يعني مثلاً بدل ما كانوا بيخرجوا كلهم الساعة 2 لأ مدرسة تخرج 12 و مدرسة 1 و مدرسة 2 وهكذا ونتيجة التجربة دي ان شاء الله هتبان في الزحمة اوووووووي يعني مثلاً الاباء اللي مستنين ابنائهم معدوش كلهم هيقفوا يسدوا الشارع ويزحموا الدنيا و معدش هيبقى فيه ناس كتير هتكون موجودة في الشارع مش هيبقى فيه اتوبيسات كتير بتنقل الطلاب دول مش هيكون فيه تاكسيات كتير لزوم نقل الطلاب و ابائهم وهكذا
وطبعاً القرار ده مش هيتطبق علي كل المدارس ولكن هيبقى علي المدارس القريبة من بعضها وأفضل مثال عندنا هو شارع اداب و الثانوية
فيهم 7 مدارس اللهم لا حسد بالإضافة للكلية بتاعتي كليه اداب
انا خلصت الفكرة ومستنى نشوف اراء الزملاء و نتناقش