الموضوع: وجدت حل لمشكلة ايهما اولا دستور ام انتخابات

المشاركة الأصلية كتبت بواسطة skybird

مع احترامي ليك
و لا حد هيعمل اي حاجه

اللي قال نعم ملوش غيران المواد اللي وافق عليها تتحط في الدستور الجديد وشكرا

لا يا باشا
اللي قال نعم لييه انه عايز رئيس جديد و مجلس شعب جديد و بسرعه
بعدين يبقى الدستور يتعمل براحته
هوه ده تفكير كل اللي قالوا نعم

انتم ليه عاوزين دستور الاول؟؟؟؟؟

وليه عاوزين اي حل توافقي ؟؟

وليه مقتنعين انكم انتم الصح؟

يا سيدي احنا قلنا نعم وحتي ان كان قرارنا خطأ يبقي تحترمه

خصوصا ان الفرق بين الاصوات مش قليل

الفرق كبير وباكتساح

يبقي نحترم الراي والطريق اللي اخترناه حتي لو هانعمل 100 انتخابات و 1000 استفتاء جديد

احسن ما نعمل دستور يتفصل علي دماغ واحد زي الجمل او اي حد شبه من البهوات ونلبس كلنا في الحيطة

وبدل ما تفضلوا تحكوا وترغوا وتتخوفوا من الاخوان انهم ياخدوا نسبة برلمانة عالية في المجلس الللي جاي

وهما كدا كدا اصلا كانت نسبتهم كبيرة في مجلس 2005 الشبه ديموقراطي

وتفضلو تلفوا وترجعوا وتعملوا زي النخبة المحترمة سنة 53 وكانت هيا السبب ان الجيش يحكم مصر

علشان قالوا ان الاخوان هما اللي هايمسكوا البلد
لا استني وقالوا كمان ان الاحزاب القديمة من العهد البائد هايمسكوا الحكم
والناس مش هاتعرف تمثل نفسها


وبقالنا 60 سنة محدش عارف يعمل حاجة علشان بهوات النخبة المفكرة قالوا نفس الكلام اللي بيتقال دلوقتي

يبقي ان شاء الله نعملنا في كل قرن ثورتين والجيش يشيل الرئيس ويمسك الحكم وهكذا

ممكن نتكلم عمليا شوية و بعيد عن التيارات السياسية و مين هيسيطر و مين الأغلبية و مين الأقلية

هو حضرتك متخيل إن الدستور ده ياخد وقت قد إيه علشان يتعمل و يحصل توافق مجتمعي عليه و مناقشات و حوارات و استفتاء عليه

مش أقل من سنتين

هل حضرتك عايز تفضل في فترة انتقالية لمدة سنتين ؟؟؟

فترة انتقالية سنتين , يعني مفيش استثمارات جادة و لا حقيقة هتكون موجودة في البلد , يعني مفيش شغل , يعني مفيش تنمية , يعني تأجيل معظم أحلام التطوير لمدة سنتين قدام
علشان مفيش مستثمر واحد مستعد يحط فلوسه في مشاريع و هو عارف ان البلد لسه في فترة انتقالية

هل انت شايف ان البلد تستحمل كده و هي خارجة من فترة دمار اقتصادي طويل و ممنهج على ايدي النظام السابق

ثم لو تم وضع دستور بعد انتخابات مجلس الشعب القادمة , هل الدستور ده مقدس ؟؟؟
ممكن جدا يتم عليه اي تعديلات قد تطرا طبقا لأي مستجدات مستقبلية طول ما فيه توافق مجتمعي على الحاجة للتغيير و التعديل

الدستور اولا

ينفع تبني بيت من غير أساسات سليمه ؟؟؟

طنطاوي دلوقت فهم واقتنع ان الدستور لازم الأول

المشاركة الأصلية كتبت بواسطة memo_p910

الدستور اولا

ينفع تبني بيت من غير أساسات سليمه ؟؟؟

يعني عايز تهد العمارة كلها؟ علشان تحط الأساسات؟
ده معلش أسمه خراب مستعجل
والكلام ده فات أوانه خلاص أنتهت
في أستفتاء حتما ولابد نلتزم بيه جميعاااااااااا

المشاركة الأصلية كتبت بواسطة SkyBird

و الرد ده كمان




(ايه التناقض ده
انت قلت قبل كده ان انتم صوتم بنعم علشان المجلس العسكري يمسك الفترة الانتقالية
اما ان فئة تسيطر على وضع الدستور فده محصلش في اي دستور في العالم لان كل طوائف المجتمع اغلبيته باقليته يضع الدستور والدستور لا يخضع لاغلبية واقليه

واذا كنتم صوتم بنعم علشان فئة تضع الدستور فده في المشمش يعني مستحيل يحصل اصلا
والله حتى لو الاخوان وحلفائهم خدوا 100% في مجلس الشعب +الشورى)

(قلت الكل متفق على اسلامية الدوله
ليه بقى المصاريف والوقت اللي ملوش لازمه
يعني الكل موافق على الماده الثانية مش معناها انها منظر
لا في قوانين هتحصل على اساسها حسب التيار اللي يشكل اغلبية في مجلس الشعب
يعني لو اسلاميين براحتهم يسنوا القوانين اللي هما عايزينها حسب الماده الثانية
ولو علمانيين هيركنوها زي حسني مبارك
اذن القوانين هيحددها مجلس الشعب ولا علاقه لذلك بالدستور اولا او اخيرا
يعني في فرق بين الدستور والقانون)

رابط المشاركة
اقتباس
المشاركة الأصلية كتبت بواسطة skybird




ايه التناقض ده
انت قلت قبل كده ان انتم صوتم بنعم علشان المجلس العسكري يمسك الفترة الانتقالية
اما ان فئة تسيطر على وضع الدستور فده محصلش في اي دستور في العالم لان كل طوائف المجتمع اغلبيته باقليته يضع الدستور والدستور لا يخضع لاغلبية واقليه

واذا كنتم صوتم بنعم علشان فئة تضع الدستور فده في المشمش يعني مستحيل يحصل اصلا


ومين بس قال أن الأقلية مش هاتشارك في الدستور
مجلس الشعب مش متوقعله تيار أسلامي بالكامل لكن من كل الأطياف بس أن شاء الله بس بعدد أعضاء أسلاميين مؤثرين في القرار
أي مادة أو قانون يتعارض مع الشريعة يعارض ولا يرى النور
مش عارف أيه أعتراضك على كده
حكم بمرجعية أسلامية يراعي كل طوائف المجتمع
هي دي الدولة الدينية في الأسلام(مدنية بمرجعية أسلامية تراعي حقوق جميع الطوائف بالمجتمع)عدالة