1- نيسان تيدا هاتشباك.
2- نيسان تيدا سيدان.
انا ان شاء الله ناوي خلاص على واحده من دول وان شاء الله خلال شهر اكون جبتها بس محتار مستعمل كسر زيرو ولا اجيب زيرو ولو كسر زيرو هلاقي م 2011 ولا لأ ولو حد يعرف اي حد بيبيع انا بجد جاهز وبجد...
1- نيسان تيدا هاتشباك.
2- نيسان تيدا سيدان.
انا ان شاء الله ناوي خلاص على واحده من دول وان شاء الله خلال شهر اكون جبتها بس محتار مستعمل كسر زيرو ولا اجيب زيرو ولو كسر زيرو هلاقي م 2011 ولا لأ ولو حد يعرف اي حد بيبيع انا بجد جاهز وبجد...
اولا ربنا يوفقك ان شاء الله
ثانيا الاختيار الان بقي اسهل لك لانه بقي في الشكل وليس المضمون فشوف الي يناسبك اكتر ويريحك في احتياجاتك وقرر
عن نفسي اخترت الهاتشباك .
التيدا سيدان فيها نوعين فول اوبشن و فول اوبشن بلس والتيدا هاتشباك فيها فول اوبشن وفول اوبشن بلس وفول اوبشن بلس فتحة سقف
انا بنصح بتيدا هاتشباك فتحة سقف زيرو
بالتوفيق
الامكانيات واحده حضرتك فى الاتنين ولكن على حسب احتياجات حضرتك يعنى لو عايز شنطه كبيره يبقى خليك فى السيدان اما لو موضوع ان الشطنه كبيره او صغيره ميفرقش مع حضرتك يبقى خليك فى الهاتشبالك
شكرا للاهتمام يا ناس يا فل انا بردو ميال للهاتشباك اكتر وروحت شوفتها عند السبع وعجبتني جدا بس اللي عاوز استقر عليه اجيب كسر الزيرو حاله نضيفه يعني موديل 2010 او 2011 ولا اجيب موديل 2011 جديد وخلاص انا ناوي اجيب توب لاين اللي بتفحة سقف دي اللي عاجباني. لاني بجد بقيت محتار من كلام الناس ناس تقول هات زيرو وناس تقول هات مستعمل وده ليه اسبابه وده ليه اسبابه.
الجديد جديد يا باشا يكفى انك تكون اول واحد يستعملهااقتباس:
المشاركة الأصلية كتبت بواسطة mekhemaar
انا في رأيي الشخصي شايف ان الهاتش باك شكلها اجمل و بالذات ان حضرتك هتجيب اعلي فئة فهتكون تحفة
الحاجه التانية اللي حاسس اوي بيها ان الهاتش باك هتكون ارسي كتير عن السيدان .. دا احساس فقط مش معلومة
اقتباس:
المشاركة الأصلية كتبت بواسطة peaceman
بحب فيك يا بيشوي أمانتك العلمية
تحياتي ليك يا بيشو
ماشي انا معاكم ان الجديد ليه رونق مختلف ومميز وشعور جامد لما تكون انت اول واحد يستخدمها بس أنا لما سألت السبع قالي انها ب 131.5 الف ولما سألت المصرية قالولي ب 126 ألف ايه الفرق مع ان الاتنين بفتحة سقف للعلم.
السلام عليكم
اخي الكريم .. كيف حالك
اولا اهلا بيك وسط اخوانك وحبايبك الصقور وان شاء الله تستلم بكل خير .... !!!
بصراحة اجابوا ووفوا ... ماشاء الله عليهم
والزيرو زيرو برده ماشاء الله
والهاتشباك جميلة ماشاء الله واحلي لون فيها الازرق السماوي
حميل حميل ماشاء الله
1-مبروك اختيارك الموفق باذن الله للهاتش باك.اقتباس:
المشاركة الأصلية كتبت بواسطة mekhemaar
2-جديد احسن ولكن لو امامك فرصه في مستعمل بسعر مناسب طبعا اكيد هيكون افضل بشرط وكمان مره تانيه بشرط فحص العربيه بالتوكيل واخذ تقرير شامل .
3-الفرق في المبلغ كبير فتاكد من سنة الصنع والالوان المتوفره علشان تعرف فرق 5500 منين لان ممكن تفرق 2000 واكيد حد هيفدنا بالمعلومه
ومبروك مقدما...............
متشكر يا محمد علي محبتك الغالية و ده عشان انت انسان محترم بجداقتباس:
المشاركة الأصلية كتبت بواسطة mff_629
اقتباس:
المشاركة الأصلية كتبت بواسطة samsong
انا بجد سألت زي ما قولت قبل كده وكانو موديل 2011 فياريت لو حد يعرف السعر المحدد لينا يكون كتر خيره وربنا يبارك في مجهوده.
السعر اللى قالك عليه السبع مظبوط جدا .. سعر التيدا الهاتش باك اعلى فئة خالص بفتحة سقف ب131.500 .. وسعر المصرية للسيارات اللى اعطهولك اذا كان 126 الف يبقا تمام اذا كانت بفتحة سقف , والمهم تكون موديل السنة
بس اللى انا خايف منه ان اللى قالك السعر فى المصرية للسيارات اتلخبط , وارد جدا خالى بالك
وسعر التيدا الهاتش باك البلس ب128.500 وبيعملوا خصم فيها المعارض الف او الفين جنيه
المهم اللى يكون صادق معاك فى التسليم
وبخصوص التيدا الهاتش باك والسيدان .. قبل ما اتكلم عليهم .. احب اهنيك فى البداية على اختيارك لنيسان وبالاخص التيدا
عربية محترمة ماتورها بسم الله ماشاء الله .. روعة وقوى جدا
بخصوص الهاتش باك والسيدان
اذا كنت مهتم بالوسع فى القعد والسقف الاعلى والشنطة يبقا سيدان على طول .. وعيبها الثبات بعد 140 بيكون فى هزة خفيفة جدا مش محسوسة عند بعض الناس لما تعدى من جنب مقطورة على سرعة او اتوبيس .. بس ده اعتقد بيكون فى عربيات كتيرة حتى لو واطية .. استجابة الماتور رائع وقوى جدا بسم الله ماشاء الله
الهاتش باك عربية جميلة اوطى شوية فى الارتفاع بنسبة قليلة عن السيدان .. واثبت بردوا عنها بس مش الثبات الخرافى اللى هو حتكبلش فى الارض على سرعات عالية فوق ال160
بس شنطة الهاتش باك مش حقولك صغيرة لانك ممكن تحرك الكنبة لقدام والخلف وتاخد وسع .. بس بردوا مش زى وسع شنطة السيدان .. ولكن شنطة التيدا الهاتش باك اوسع شنطة فى العربيات الهاتش باك عموما
وفى الاخر لك الاختيار والقرار
وبعدين ليه مش دخلت معاهم نيسان ليفينا .. عربية ممتازة بردوا جدا .. وتقفيلها الصينى محترم جدا .. ولو ماقالوش انه تقفيل صينى اتحدى حد يعرف انها تقفيل صينى
تحياتى ليك بالتوفيق
واهلا بيك معانا
نصيحه حلوه تستحق التفكير .....اقتباس:
المشاركة الأصلية كتبت بواسطة ahmed.tv
سعر التيدا هاتشباك فتحة سقف نازل رسمى من نيسان 131000 مستحيل تكون بـ 126000 وزيرو
توكل علي الله وهات الزيرو بس انا من راي احمد مصطفي ....ليه مفكرتش في البلوبيرد ؟؟؟
دي عربية ممتازة
فكر وصلي استخارة وتوكل علي الله
هاتش باك لو انت لوحدك مش بتسافر كتير او لسة معندكش اسرة بتحتاج الشنطة
هي ان شاء الله يا جماعة هاتشباك وخلاص اخدت القرار وانا متجوز وعندي طفل وبسافر كتير بس بردو هي الهاتشباك ان شاء الله هنزل يوم الجمعه واشتريها واخلص الاجراءات المطلوبه وربنا يخليكو يا شباب جدعان بجد وفيتو وكفيتو.