لخبراء الجنوط ارجو تسعير الجنوط دي.16 و14 بالكاوتش بتاعهم

جنوط تايواني مقاس 16 شبه بتوع السيراتو كوبيه اسود في فضي +كاوتش سرعات فيدرال تايواني مقاس 205/45/16
مستعملين شهر وعاملين الف كم فقط...المفروض اشتريهم بكام؟؟؟
ارجو الاجابه على الاسئله التاليه"ياريت تجاوبوني عليها كلها بس لو حد يعرف سؤال وميعرفش الباقي يرد وانا هاعمله لجنه رأفه واديله الدرجه كامله ...بس ياريت الرد سريعا عشان ارد على صاحب الجنوط دي "

1-هل المقاس دا يركب عندي في الاكسنت rb 2011
"مكتوب على القايم بتاع العربيه مقاس الكاوتش 14-175-70
او ....16-195-50

يعني المطلوب 195/50 ولكن المعروض عليا 205/45
فهل فرق المقاسات دا يؤثر على العفشه؟؟

2-الكاوتش والجنوط الاصلي(حديد مش اسبور) بتاعة عربيتي تتباع بكام علما باني عامل بالعربيه 2000 كم فقط."الكاوتش كومهو 14/175/70
3- هل الموضوع يستاهل تغيير الجنوط...يعني ايه الميزه اللي هاحسها في العربيه.

4- الجنوط المعروضه عليا:: تايواني مقاس 16 +كاوتش سرعات v فيدرال تايواني مقاس 205/45/16 (هو بيقولي واقفين عليه ب4400 جنيه وهايبعهم ب3500)
مستعملين شهر وعاملين الف كم فقط...المفروض اشتريهم بكام؟؟؟
5- هل الجنوط ال16 بتعمل بالونه زي السيراتو 17؟؟؟
6- اسم الموقع اللي تديله مقاس الكاوتش بتاعك يقولك البدائل المتاحه للمقاس
7- افضل كاوتش سرعات ايه مقاس 16 وجنوط مقاس 16 لو السعر بتاع الراجل دا طلع غالي.
ارجو الرد سريعا
وشكرا مقدما لكل اللي هيتفضل عليا بالرد

هو يا باشا الجنوط الحديد اللى راكبين فى العربيه مخليين العربيه مش ثابته ولا ايه ؟؟

لحد دلوقتي مازودتش السرعه عن 120 لو راجع متأخر والطريق فاضي لاني مش بحب الجري والحمد لله اداءها كويس ولكن الفكره كل ماحد يشوفني يقولي ياسلام لو عربيتك دي ركبلها جنوط هتبقى تمام ....فانا اللي بسألكم لاني اثق في ارائكم هل فعلا هاحس بالعربيه افضل ولا خليها كدا احسن بالاصلي.

......وبعدين حضرتك مارديتش على سؤال واحد حتى ليييييه؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

اقتباس:

---

المشاركة الأصلية كتبت بواسطة dramir1

جنوط تايواني مقاس 16 شبه بتوع السيراتو كوبيه اسود في فضي +كاوتش سرعات فيدرال تايواني مقاس 205/45/16
مستعملين شهر وعاملين الف كم فقط...المفروض اشتريهم بكام؟؟؟
ارجو الاجابه على الاسئله التاليه"ياريت تجاوبوني عليها كلها بس لو حد يعرف سؤال وميعرفش الباقي يرد وانا هاعمله لجنه رأفه واديله الدرجه كامله ...بس ياريت الرد سريعا عشان ارد على صاحب الجنوط دي "

1-هل المقاس دا يركب عندي في الاكسنت rb 2011
"مكتوب على القايم بتاع العربيه مقاس الكاوتش 14-175-70
او ....16-195-50

يعني المطلوب 195/50 ولكن المعروض عليا 205/45
فهل فرق المقاسات دا يؤثر على العفشه؟؟

2-الكاوتش والجنوط الاصلي(حديد مش اسبور) بتاعة عربيتي تتباع بكام علما باني عامل بالعربيه 2000 كم فقط."الكاوتش كومهو 14/175/70
3- هل الموضوع يستاهل تغيير الجنوط...يعني ايه الميزه اللي هاحسها في العربيه.

4- الجنوط المعروضه عليا:: تايواني مقاس 16 +كاوتش سرعات v فيدرال تايواني مقاس 205/45/16 (هو بيقولي واقفين عليه ب4400 جنيه وهايبعهم ب3500)
مستعملين شهر وعاملين الف كم فقط...المفروض اشتريهم بكام؟؟؟
5- هل الجنوط ال16 بتعمل بالونه زي السيراتو 17؟؟؟
6- اسم الموقع اللي تديله مقاس الكاوتش بتاعك يقولك البدائل المتاحه للمقاس
7- افضل كاوتش سرعات ايه مقاس 16 وجنوط مقاس 16 لو السعر بتاع الراجل دا طلع غالي.
ارجو الرد سريعا
وشكرا مقدما لكل اللي هيتفضل عليا بالرد

---

هجاوب علي السؤال رقم 3 - طبعا هتحس بفرق كبير جدا في الثبات بس هتلاقي قصاده شويه نشوفيه وهتحس بالارض تحتك اكتر من الاول انا ليا صحابي بيشتكو من كاوتشات بتكون علي 55 و 50 ما بالك 45 بس كله يهون قصاد الثبات انتا طبعا هتحس بيه اوي لأنك مغير من 175 جنط 14 ل 205 جنط 16 طبعا فرق كبير اوي

السؤال رقم 4- تقريبا كدا سعرهم كويس نظرا لأرتفاع اسعار الكاوتش دلوقتي انا جبت من حوالي شهرين جنط 14 جديد تايلاندي و4 فرد كاوتش نيكسين سرعات 185/60 جنط عملو معايا الجنط بالكاوتش 2500 جندي

وظبطني بقا في الرأفه عايز أنجح :grin54:

اقتباس:

---

المشاركة الأصلية كتبت بواسطة dramir1

جنوط تايواني مقاس 16 شبه بتوع السيراتو كوبيه اسود في فضي +كاوتش سرعات فيدرال تايواني مقاس 205/45/16
مستعملين شهر وعاملين الف كم فقط...المفروض اشتريهم بكام؟؟؟
ارجو الاجابه على الاسئله التاليه"ياريت تجاوبوني عليها كلها بس لو حد يعرف سؤال وميعرفش الباقي يرد وانا هاعمله لجنه رأفه واديله الدرجه كامله ...بس ياريت الرد سريعا عشان ارد على صاحب الجنوط دي "

1-هل المقاس دا يركب عندي في الاكسنت rb 2011
"مكتوب على القايم بتاع العربيه مقاس الكاوتش 14-175-70
او ....16-195-50

يعني المطلوب 195/50 ولكن المعروض عليا 205/45
فهل فرق المقاسات دا يؤثر على العفشه؟؟
عادي يركب .. بس هيأثر علي العداد حاجة بسيطة جدا
أوزن فردة العربية بتاعتك بكاوتشها والفردة اللي هتشتريها بكاوتشها
عشان متأثرش علي العفشة يبقي وزن الجديد زي بتاعك ونوع الكاوتش يكون كويس
2-الكاوتش والجنوط الاصلي(حديد مش اسبور) بتاعة عربيتي تتباع بكام علما باني عامل بالعربيه 2000 كم فقط."الكاوتش كومهو 14/175/70
معرفش اسعار
3- هل الموضوع يستاهل تغيير الجنوط...يعني ايه الميزه اللي هاحسها في العربيه.
ثبات خرافي .. من 175 ل 205 ده فرق شديد :grin54:
4- الجنوط المعروضه عليا:: تايواني مقاس 16 +كاوتش سرعات v فيدرال تايواني مقاس 205/45/16 (هو بيقولي واقفين عليه ب4400 جنيه وهايبعهم ب3500)
مستعملين شهر وعاملين الف كم فقط...المفروض اشتريهم بكام؟؟؟
معرفش
5- هل الجنوط ال16 بتعمل بالونه زي السيراتو 17؟؟؟
45% من 205 أحسن من 45% من 225
بتاعك هيبقي أفضل
6- اسم الموقع اللي تديله مقاس الكاوتش بتاعك يقولك البدائل المتاحه للمقاس
Tire size calculator
بتديله مقاسك وتكتبله اللي عايز تقارنه بيه ويجيبلك المقارنه في كل حاجة مابينهم وفي الأخر بيديك الDifferece طبعا يا ريت يبقي 0
7- افضل كاوتش سرعات ايه مقاس 16 وجنوط مقاس 16 لو السعر بتاع الراجل دا طلع غالي.
معرفش برضه :grin54:
بس لو هتدفع جامد يبقي continental
ارجو الرد سريعا
وشكرا مقدما لكل اللي هيتفضل عليا بالرد

---

اولا المقاسات كويسة بس انصحك بان انت تلتزم بلي مكتبوب علي القايم
16 195/50 علشان الشركة المصنعة ادرا بعربيتها تستحمل مقاسات اد اية
وانا الصراحة ارشحلك انك تجيب جنوط جديدة علشان تستمتع بيها
وانصح بجنوط hrs وعليها كاوتش هنكوك او كومهو
وهتنبسط جدا لما تركبهم وشكل عربيتك هيبقي وهم بس زى مقولتلك تلتزم بالمقاسات وكمان علشان لو العربية ف الضمان غبور ميتلككش ويقولك العفشة برة الضمان
وعلي فكرة الجنوط 2850
والكاوتش الفردة 425
يعنى كلو 4550 وطبعا دة مبلغ لو هتشتري جديد وانا افضل كدة ومفرقتش من الف جنية حتى لو كانت مستخدمة يوم واحد
الجديد جديد ياباشا ولة رونقة
وخصوصا لو كان الفرق مش عالي اوى
وبالتوفيق ف القرار السليم

دخلت على الموقع قالي الفرق هيبقى -1.7% >>>يعني ايه الكلام دا ؟؟؟كدا كويس ولا وحش؟؟

Specification Sidewall Radius Diameter Circumference Revs/Mile Difference
195/50-16:: 3.8in 11.8in 23.7in 74.4in 852 0.0%
205/45-16:: 3.6in 11.6in 23.3in 73.1in 867 -1.7%

اقتباس:

---

المشاركة الأصلية كتبت بواسطة dramir1

دخلت على الموقع قالي الفرق هيبقى -1.7% >>>يعني ايه الكلام دا ؟؟؟كدا كويس ولا وحش؟؟

specification sidewall radius diameter circumference revs/mile difference
195/50-16:: 3.8in 11.8in 23.7in 74.4in 852 0.0%
205/45-16:: 3.6in 11.6in 23.3in 73.1in 867 -1.7%

---

كدة في فيرق قراية عداد بسيط
طبعا يفضل ان الفرق يبقي 0

1 _ المقاس يركب يا باشا
معتقدش انه هيأثر على العفشه لأنه الجنط الـ 16 بالكاوتش الـ 205/45 هيكون فى حدود نفس المقاس والوزن الموصى به عـ القايم وفى الكتالوج
2- ده على حسب شطارتك بقى
3- اكيد طبعاً يستاهل .. الميزه ان الثبات هيفرق معااااك كتيييير لو العربيه على السرعات العاليه (140 فيما فوق) مكنتش ثابته
العيوب انه هينشفلك العربيه جداااا وهيوطى العربيه بنسبه كام ملى وهيكون معدل استهلاك البنزين اعلى
4- المفروض ان سعرهم بالمواصفات اللى قولتها دى .. حلو .. بس لو قدرت تنزل معاه شويه كمان هتكون انت المستفاد
5- معتقدش ان المقاس ده يعمل بلونات معاك لانه مناسب الى حداً ما
6_ اسم الموقع موجود ع جوجل والرجاله قاموا بالواجب ونزلوه اهو >
7_ انا والله محتااااااار فى الموضوع ده عشان كل واحد بيقول نوع معين هو مجربه
وانا نفسى احترت وناوى اجنط واركب كاوتش ان شاء الله سرعات .. الفتره دى
ولسه مستقرتش ع المقاس ولا النوع بسبب الحيره اللى انا فيها

انتظر اراء الخبراااااء فى الموضوع

بص يا سيدى بخصوص اسئلتك

الفرق بين المقاسين 0.5 سم فى ارتفاع جانب الكاوتش

او

1 سم فى القطر اجمالاٌ

يعنى التأثير بسيط فى العدادات وكمان فى السحب

ولاكن

انا لا اوافق على ال 205 كتير على العربيه وعلى العفشه

وكمان ماركة الكاوتش دى عمرى ما سمعت عنها والكاوتش رجلين العربيه وايضاٌ الجزء الوحيد من السياره المتصل بالارض

لذلك ابعد عن الجنوط والكاوتش المستعملين دول

وهات 195\50\16

والاهم من المقاس رقم الاوفست للجنط الجديد ميزيدش عن - 10 مم

وايضاٌ وزن الفرده من الجنط والكاوتش الجديد اقل من او يساوى وزن الفرده من الجنط القديم للسياره بكاوتشه

بالنسبه للكاوتش هات (Kumho Ecsta SPT ( KU31

بالنسبه للجنوط فكل الجديد صينى استنضف المستورد والتشطيب قدر المستطاع

يا اما لو الجنوط عندك 5 مسمار تنزل الحرفيين وتجيب طقم جنط بتاع BMW نضيف من شارع المرسيدس وهيبقى سعره حنين وكمان خامه نضيفه

ارجو ان اكون جاوبتك على تساؤلاتك

و تحت امرك فى اى استفسار

الف شكر لكل اللي تفضل بالرد على ...الواحد مش عارف من غيركم كان ممكن يعمل ايه من غيركم وربنا يديم المعروف