فكره : أخفاء الخدوش بستخدام المنيكير بتاع المدام

**Survival** · 25-06-2011 06:28 AM

السلام عليكم

انا عندى خدش من نوع الفن المسمارى فى العربية مضيقنى قولت اجرب انى اجيب منيكير من اى محل و اجربه على الخدش و اهو لو منفعش ممكن يستخدم كهدية للمدام و جبت معاه كمان مقوى الاظافر الشفاف عشان احطه فوق طبقة المنيكير
كانت عندى المراية القديمة قولت اجرب عليها الاول و فعلا طلع كويس ومش ضعييف و ناوى اجربه ان شاء الله النهارده على الخدش و اصوره.
طبعا النتيجة مش هتكون مبهره لكن على الاقل مرضيه
دلوقتى بقى فى مشكلتين

اولا : لو المدام عجابها لون المنيكير هتاخده طبعا
ثانيا: لو حد شافنى ماسك ازازة منيكير فى الشارع بعمل بيها العربية يا ترى هيقول عليا ايه

وبفكر برده انى استعمل مقوى الاظافر الشفاف فى علاج خدوش الزجاج

عموما لو الموضوع منفعش نجيب مزيل طلاء الاظافر بتاع المدام و نشيل بيه اللى عملناه

يا ترى حد جرب الحاجات دى قبل كده

**TAMERHASSAN** · 25-06-2011 06:43 AM

بس اعتقد انى بينشف من الشمس ويقع لوحده

**romieh** · 25-06-2011 10:38 AM

المصيبة لو المدام شافتك ماسك المنيكير ومقوى الاظافر قبل لما تفهمها الموضوع

ساعتها لو حلفتلها ميت يمين انك جايبه للعربية هتفكرك مجنون

جد بقى : هى فعلا فكرة كويسة بس عايزين حد جربها وكمان يكون غسل العربية بعدها

علشان نكون متأكدين انه مش هيطلع فى الغسيل

**Ahmed Nasser** · 25-06-2011 12:49 PM

متاااااااااابع

**noga28** · 30-06-2011 11:04 AM

بصفتى بنت احب اوضح ان المونيكير مش بيطلع من غير ماء يجى عليه ولا حد يقرب منه يجرحه لكن لوحده صعب اوى يطلع او يقشر مع الغسيل هيطلع ابقى اعمله تانى انا عربيتى فضى وجربته فيها جبت لون فضى وجبت مقوى الاظافر علشان يلمع زى العربية ونفع فعلا الخدش مبقاش واضح على الاقل للعين المجردة من اول نظرة

**abdalah_hashem** · 30-06-2011 12:38 PM

فكرة حلوة الله المستعان

**Survival** · 08-07-2011 09:26 PM

بعد التجربة الموضوع شغال كويس على النقر و المنكيير ما طلعش من اسبوع اما فى الخدوش الطولية العريطة طلع منه حوالى 50 فى المية الجزء اللى فى نص الخدش

بس احب اذكر حاجة يفضل انك تغطى الخدش بقلم ماركر نفس لون العربية لان المنيكير عشان اللون يتظبط

**MNabeih** · 08-07-2011 09:32 PM

تصدق فعلا فكرة حلوة هاجربها

**إبراهيم المصرى** · 08-07-2011 09:58 PM

ممكن ف اللون الفضى الصريح جايز ينفع لكن باقى الالوان فى الوان اكيد ملهاش مثيل فى المونكير يبقى ايه الحل
اعتقد ان الحل العملى الصحيح ان فيه فكل عربيه رقم اللون بتاعها تحت غطاء الكبوت نروح لبتاع الالوان ويعملنا 100جرام مثلا او تمن كيلو مش هيعدى 15 ج بنفس الرقم ونبرم قطنه زى سن الدبوس ونبلها باللون ونمشى على الجرح طبعا بعد تقليب البويه كويس ويكون مخفوف بالتنر بالقدر المناسب وممكن نخلى بتاع البويه يعمل الحكايه ديه يعنى يخفه ويخليه جاهز على الشغل وبعد منخلص نقفل العلبه كويس ونشلها فى مكان امن بحيث متقعش او تتفتح وتلوث المكان اللى حتطحط فيه

**Survival** · 08-07-2011 10:52 PM

المشاركة الأصلية كتبت بواسطة ebrahemlaw

ممكن ف اللون الفضى الصريح جايز ينفع لكن باقى الالوان فى الوان اكيد ملهاش مثيل فى المونكير يبقى ايه الحل
اعتقد ان الحل العملى الصحيح ان فيه فكل عربيه رقم اللون بتاعها تحت غطاء الكبوت نروح لبتاع الالوان ويعملنا 100جرام مثلا او تمن كيلو مش هيعدى 15 ج بنفس الرقم ونبرم قطنه زى سن الدبوس ونبلها باللون ونمشى على الجرح طبعا بعد تقليب البويه كويس ويكون مخفوف بالتنر بالقدر المناسب وممكن نخلى بتاع البويه يعمل الحكايه ديه يعنى يخفه ويخليه جاهز على الشغل وبعد منخلص نقفل العلبه كويس ونشلها فى مكان امن بحيث متقعش او تتفتح وتلوث المكان اللى حتطحط فيه

كلامك مظبوط و مجرب و اغلب الناس اللى رشت عربياتهم بيبقى شايل شوية بوية لزوم الخدوش

و ممكن تستخدم كمان اقلام الدكو من اى مكتبة القلم ب 5 ج بس دور على لون قريب من لون عربيتك لان اللون بيخدع شوية.

انا عربيتى لونها أحمر غامق (نبيتى) و ده سهل تلاقية فى شنطة المدام وعلى فكرة المانيكيير فى منه كل الالوان
و عموما ازازة المنيكير ب 2 ج والفكرة مش انى اشتريها. انا اقصد انى استخدم الخامات المتوفرة حواليا (درج المكياج اللى فى التسريحة) فى حل مشاكلى.

الموضوع: فكره : أخفاء الخدوش بستخدام المنيكير بتاع المدام

LinkBack

أدوات الموضوع

عرض

-

-

-

-

المواضيع المتشابهه

قلم الخدوش و معجون quixx لازالة الخدوش

حد عنده فكره عن الusb مودم بتاع اتصالات

عربية المدام للبيع

عربية المدام

مش لاقية ال compound بتاع الخدوش فى اى حتة !!!!!

الكلمات الدلالية لهذا الموضوع

المفضلات

المفضلات

ضوابط المشاركة