الموضوع: معروض عليا m11

هي فعلا عربية جميلة جدا حتى الان وحصلي موقف بيها خلاني احبها اكتر واتاكد انها عربية كويسة ... كنت بوصل واحد صاحبي 6 اكتوبر وكنا قاعدين 4 في العربية وكنا الساعه 2 صباحا والطريق فاضي وماشي على 100 وفجأة لقيت مطب قدامي فدوست فراااامل على الاخر وجبت الدواسة والحمد لله العربية مزحفتش نهائي حتى صوت الكاوتش مطلعش وكل اللي في العربية لاحظو الموضوع ده ده بخلاف طبعا العربيات اللي كانت معايا قبل كده وعارف كان بيحصل ايه............ واقصى سرعة وصلتلها بيها حتى الان 140 وثابته جدا بالنسبة للعربيات اللي كانت معايا قبل كده نيو اكسنت 2008 ولانوس 2002

المشاركة الأصلية كتبت بواسطة huss2000

هي فعلا عربية جميلة جدا حتى الان وحصلي موقف بيها خلاني احبها اكتر واتاكد انها عربية كويسة ... كنت بوصل واحد صاحبي 6 اكتوبر وكنا قاعدين 4 في العربية وكنا الساعه 2 صباحا والطريق فاضي وماشي على 100 وفجأة لقيت مطب قدامي فدوست فراااامل على الاخر وجبت الدواسة والحمد لله العربية مزحفتش نهائي حتى صوت الكاوتش مطلعش وكل اللي في العربية لاحظو الموضوع ده ده بخلاف طبعا العربيات اللي كانت معايا قبل كده وعارف كان بيحصل ايه............ واقصى سرعة وصلتلها بيها حتى الان 140 وثابته جدا بالنسبة للعربيات اللي كانت معايا قبل كده نيو اكسنت 2008 ولانوس 2002

ربنا يباركلك فيها ويكفيك شرها...

انا جبت بيها 160 وثبات فوق الممتاز عربية تقيلة وماسكة نفسها وكمان جربتها فى الفرامل وانقذتنى مرتين ده كله طبعا بعد فضل ربنا ولطفه

الف مبروك

احب انقل لكم اوائل تجاربي مع العربية ومشاكلها والتوكيل عشان كده محبتش اكتب كتير عن العربية الا لما اجربها فترة معقولة من الوقت واروح التوكيل عشان الصيانة
كما تعلمون انا اشتريت العربية مستعملة عاملة 27 الف كيلو وطبعا مادامت العربية مستعملة بيكون دايما في احتمال ان صاحب العربية الاصلي مهمل مثلا او مش بيعمل الصيانه في مواعيدها او بيسترخص في قطع الغيار عشان كده محبتش اقيم آداء العربية الا لما اروح بنفسي التوكيل وكانت كل مشاكلي مع العربية
1- صوت تزييئ كده خفيف بيصدر من العفشة طول ما العربية ماشية .
2- صوت تزييئ خفيف بيصدر احيانا في المطبات من العجلة الخلفية يمين .
3- لما افرمل على سرعه عالية الدركسيون بيرعش .
4- التكيف كان محتاج شحن فريون .
5- فرامل اليد ضعيفة ومحتاجة تتربط.
المهم اتصلت بتوكيل ابو رواش في الكيلو 32 يوم السبت واخدت معاد 8 صباحا يوم الاحد
ودي كانت اول مرة اطلع على الطريق السريع بالعربية والدنيا كانت صبح بدري والطريق فاضي ...فطلعت على الصحراوي وجيبت بالعربية 180 كم وبجد بسم الله ما شاء اللله العربية ثبات فوق الممتاز وباخد كمان غرز على الواسع على هذه السرعة ودي كانت اول مرة اجيب السرعة دي اساسا مقارنة بالنيو اكسنت 2008 اللي مع والدتي اللي بسوقها كتير وسافرت بيها كتير واللانوس الكوري ال 2002 اللي كانت معايا وعامتا العربيتين دول لما بتزود عن 120 يبقى لازم تمشي في خط مستقيم وتمسك الدركسيون بايدك الاتنين ....وطبعا نتيجية الحركة دي وصلت متأخر الساعه 8:40 وكان طبعا زحمة .... انتظرت حوالي 20 دقيقة ونادى على اسمي واعدت مع المهندس قلتله على المشاكل اللي كانت عندي .....
وطبعا زي ما توقعت صاحب العربية معملش في التوكيل غير صيانة ال 10000 بس والباقي بره ومالوش اي وجود على السيستم عندهم فالمهندس قالي يفضل اننا نعمل صيانة ال 20 الف وال30 الف فيها تغيير زيت الفتيس والفلاتر ومية الرادياتير ودورة التبريد وكام حاجة كده عشان احنا كده منعرفش زيوت العربية دي نظامها ايه وماشي بيهم أد ايه وبالنسبة لمشكلة رعش الفرامل فده محتاج تغيير ديسكات وتيل امامي ... وطبعا عشان اطمن على العربية وافقت على طول كان اجمالي الحساب 2043 جنيه
225 زيت فتيس
562 ديسك امامي
183 طقم تيل امامي
صيانة 20 و30 الف
غسيل دورة التبريد وغيار مياه الرادياتير
55 مياه الراديتير
60 بوجيهات
27 فلتر زيت
42 فلتر هوا
29 فلتر بنزين
دي اسعار بعض قطع الغيار بدون مصنعيات
روحت النهارده الساعه 8 الصبح كنت هناك اخدت العربية يوم الاتنين 11-7-2011 الصبح وطلعت على الطريق تاني
1- صوت التزييئ الاول اختفى وده كان اكتر حاجه منغصة عليا
2- الفتيس اصبح انعم كتير
3- التكيف محتاج خرطوم وهو ليس موجود عندهم وقالي لما يتواجد حيتصلوا بيا
4- الفرامل اتظبطت تماما
5 – سحب العربية اصبح افضل
المرة دي على الطريق جيبت 185 وتعمدت اناور على الطريق واحدف من اليمين خالص وارجع شمال وما شاء الله والله ماسك الدركسيون بايد واحدة ومش حاسس ان انا قلقان
6- الحاجة اللي متظبطتش هي صوت التزييئة الخفيفة اللي بتصدر احيانا في المطبات من العجلة الخلفية
تقييمي الشامل للتوكيل جيد جدا والمعاملة جيدة جدا
تقيمي للعربية
العربية كأداء ممتازة حتى الان
ده ملخص اول تجاربي

ربنا يباركلك فيها ويبغد عنك كل سوء ويفرحك بيها دايما .. وفى انتظار باقى تجاربك ياباشا

شكرا على المعلومة القيمة دي وان شاء الله حعمل كده