غطا قربة الميه

**HAMADA_PEGO** · 25-06-2011 09:23 AM

ممكن غطا قربة الميه يخلى القربة تفور و تغلى ولا دا ممكن يكون عيب تانى لانى انا لما بذود مية فى القربة و بعد مشوار بسيط الاقى ان القربة بتغلى و بتفور و المية بتنقص دا ممكن يكون بسبب لغطا لان الغطا بتاع الاعربية الاصلى باظ و غيرت بالمصرى

**asas630** · 25-06-2011 11:43 AM

انا حاليا عندي نفس المشكلة وديه اعتقد اعراض تلف جوان وش السلندر

**elpasha1** · 25-06-2011 11:37 PM

شيك على المروحة الغطاء ملوش دعوة بالفوران

**kagawa** · 25-06-2011 11:51 PM

صديقي

غطا القريه مش سبب الفوران سبب الفوران ان دوره الميه واخده هوا لو عربيتك انجكشن
وده بيحصل لو فتحت غطاء القربه والعربيه سخنه
انا الموضوع ده حصل معايا وواحد الله يطرمه فهمني الحدوته دي
شوف اولا غير ماء الردياتير من اول وجديد بالطريقه المعروفه وبغدين اوغي تفتح الغطا بتاع القربه والعربيه سخنه لما تحب تشييك
علي الميه يبقي الصبح قبل ما تدور العربيه كده بيقي لو العربيه سليمه مش ها يحصل فوران تاني
تحياتي

**HAMADA_PEGO** · 26-06-2011 09:24 AM

طعلت جوان وش سلتدر

**MMamdouh** · 26-06-2011 01:32 PM

غطاء القربة لو تالف حيسبب غليان مية التبريد نتيجة نقص الضغط داخل دورة التبريد (دورة التبريد تعمل تحت ضغط لرفع درجة غليان المياه من 100 الى 130 درجة تقريبا)

غالبا العيب دة حيظهر اول ما تبطل العربية حتسمع صوت بقللة و فوران و لما تفنح الكابوت حلاقى القربة بتجيب مية من عند الغطاء... دة بيحصل لانك لما بتبطل العربية الطلمبة و المراوح بتقف لكن الموتور مازال بينقل حرارتة للمية و مع غياب الغط داخل دورة التبريد المية بتوصل الى 100 درجة بسهولة و تبداء تغلى

دة برضة نفس السبب اللى بيخللينا نحذر من فتح القربة و العربية سخنة لان فتح الغطاء حيسبب هبوط مفاجىء للضغط داخل الدورة و دة حيسبب غليان المية بسرعة و حدندفع من فتحة القربة و ممكن تحرق وشك و ايديك

MMamdouh