سيناريو كل يوم جمعة في مصطفى محمود
اليوم السابع | اشتباكات بين مؤيدى "مبارك" وقوات الجيش والشرطة بالمهندسين
اشتباكات بين مؤيدى "مبارك" وقوات الجيش والشرطة بالمهندسين
من 25 يناير و الواحد متعود علي مظاهرات كل يوم جمعة في مصطفى محمود ،، بحكم أني ساكن علي بعد مئات الأمتار من الميدان .... كانت معظمها سلمية ممكن يحصل شوية اشتبكات بس عادي ، لكن إلي حصل امبارح كان مهزلة ،،،، عيال صيع و ماشيين عريانين من فوق سن 15 و 18 سنه ......... ضرب طوب و زجاج ، ربنا ستر و نقلت العربية من شارع جامعه الدول و دخلتها في شارع داخلي ، بس فيه عربيات إتدغدغت و الزجاج نزل علي الأرض لحد ما الشرطة دخلت و قفلت الشارع ....
العيال الصيع عيارها فلت ........حاله تسيب ، عاوزين البلد تولع ...
إلي حصل امبارح فكرني بيوم 28 يناير و ألي شفته من نهب و سرقة علني في جامعه الدول ، الحرامية كانو بيشطبوه علي المحلات شارع شارع ..... حتي الحرامية كانو بيقلبوة بعض بالسنج و المطاوي .... مسلسل بدء يومها من الساعة 11 مساء لحد 5 صباحاً
كانوا بيسرقوة كل حاجة و أي حاجة ، حتى الكراسي و فكوا اللمض و كمان التكيفات .. الفانا و الكمبرسور ..... كان فاضل ياخدوا سراميك المحلات .......عربيات الربع نقل كانت بتعمل كذا نقلة ،، أنا شفت عربية شيفورليه دبابه عملت 3 نقلات ،،، دول حتى كانو مطلعيين عربيات الزجاج إلي فيها حمل خشب علشان يخدوا الأبواب الزجاج إلي فتحوها و متكسرتش ............الموتسكلات كانت مغرقة الشارع و شغالين ناضورجية يشوف المحلات إلي لسة سليمة و يبلغوا العربيات علشان تجي تشيل
.. ربنا يستر عليكي يا مصر