الأهرام : سيارات يابانية مشعة قادمة لمصر .... اشاعة سببها ايه ؟

ملحق الأهرام للسيارات امبارح و في الصفحة الأولى و الصفحة 4 و مقالين لنفس الكاتب ( ناجي الجرجاوي )
المقالين بيتكلموا عن وجود 180 ألف سيارة يابانية موجودة في جبل علي يتم تصليحهم و تسويقهم لتجار السيارات الخليجية المصريين و كمان بيقول ان فيه مدير مبيعات احد الوكلاء في الخليج موجود حاليا في مصر و كمان حدد انه هندي و انه من اسابيع في مصر بيحاول يقنع التجار بالشراء منهم ... و كمان بيقول ان فيه تاجر وافق و انه هيشتري العربيات المشعة ....
البيه الصحفي عمال يهاجم تجار الخليجي و يدافع عن الوكلاء اللي مبرطعين براحتهم في البلد و رافعين الأسعار زي ما همه عايزين .. و تقدر حضرتك تقارن بين سعر الوكيل و سعر الخليجي لنفس السيارة و انت هتشوف الفرق بين العربيتين في السعر و في الكماليات ..
و بيطالب الحكومة بتفعيل قانون استيراد السيارات و ده في الغالب هدفه من الموضوع لأن القانون هيدي الوكلاء المصريين الفرصة الكاملة لفرض الاسعار براحتهم لأن محدش هيقدر يستورد سيارات غيرهم ...

لو الوكيل عايز يمنع استيراد سيارته من الخليج ما يبيعها بسعر عادل و يكسب 15 و لا 20 في المية بس مش لازم يكسب 100 في المية ...........

متقراش ملحقين الأهرام و الأخبار علشان اأتنين أزبل من بعض و طول عمرهم موجهين لمصلحة التجار الحرامية الكبار

I think the agents are using all of us by putting high prices on the cars they import

I forgot to say that the name of the game as I believe is spare parts if the original spare parts are in the market then there is no problem

للاسف الكلام دة هيعمل قلق جامد جدا من سوق السيارات الخليجى و المفروض يكون فى جهة تتحقق من الكلام دة .

لا وكمان بيقول ان فيه سيارات اتكسرت من زلزال اليابان فراحت مكان فى الامارات اسمه جبل على وهناك فيه ناس
من امهر الصنايعيه بيظبتوا العربيات دى علشان تتصدر لدول تانيه ........يعنى يا ابو الذكاء الامارات حتسمح بدخول عربيات بايظه من الزلزال بتاع اليابان لاراضيها ؟؟؟؟ .....استحاااااااااله دول بيهتموا بالمواطن بتاعهم اساسا ...حتى لو العربيات دى حتتصدر لدول تانيه هو ايه عرفه ماممكن تتباع فى بلده مع ان ده عمره ماحيحصل ابدااااااا...الصحفى ده والجريده بقالهم فتره فى الحوار ده بتاع العربيات الخليجى .......بس المره دى عملوا فيلم هندى علشان يحبكوا الليله
وكل ده علشان خاطر عيون الوكلاء اللى بينهبوا فلوس الناس

اقتباس:

---

المشاركة الأصلية كتبت بواسطة hish_hummer

لا وكمان بيقول ان فيه سيارات اتكسرت من زلزال اليابان فراحت مكان فى الامارات اسمه جبل على وهناك فيه ناس
من امهر الصنايعيه بيظبتوا العربيات دى علشان تتصدر لدول تانيه ........يعنى يا ابو الذكاء الامارات حتسمح بدخول عربيات بايظه من الزلزال بتاع اليابان لاراضيها ؟؟؟؟ .....استحاااااااااله دول بيهتموا بالمواطن بتاعهم اساسا ...حتى لو العربيات دى حتتصدر لدول تانيه هو ايه عرفه ماممكن تتباع فى بلده مع ان ده عمره ماحيحصل ابدااااااا...الصحفى ده والجريده بقالهم فتره فى الحوار ده بتاع العربيات الخليجى .......بس المره دى عملوا فيلم هندى علشان يحبكوا الليله
وكل ده علشان خاطر عيون الوكلاء اللى بينهبوا فلوس الناس

---

صح و الله يا اخى نفس الاحساس جالى لما قريت المقال

والعربيات المشعة هتخش الخليج كده عادي يعني ده مرة بسبب بلاغي عن عبوة منتهيه الصلاحيه في السوبر مركت السوبر مركت دفع غرامة وإتحول نس الي فيه للتحقيق من وزارة الصحة!!!!!

بس برضه هو عارف ان في ناس حتصدق

انا قرأت من كام يوم كده ان عندنا شحنة قطع غيار جاية من اليابان أتمنع دوخولها مصر لإحتوائها علي الاشعاع
يعني احنا برضه عندنا رقابة
مش لازم نفقد الثقة أوي كده
وخصوصا ان بعد الثورة كل مسئول بيخاف لحسن يتحط اسمه علي الفيس بوك ويتشال من منصبه

الاشعاع بيصيب العربيات اللى راحة الخليج
لو جاية مصر الاشعاع بيبعد
تيت وستين تيت

الصحافة المأجورة

حرب لصالح التوكيلات رخيصة جدا ومكشوفه والمشكله ان الصحفيين دول عمرهم ما كتبو حاجة لصالح المستهلك عشان لما يكتبو موضوع بالخطورة دى حد يصدقهم لانهم ملهمش رصيد عند القارىء اصلا

والخليج بيدخلها عربيات مشعه عادى كده :36_1_50[1]:

ولو افترضنا ان الخليج اضحك عليهم اليابان استحالة حتخرج عربيات فيها اى نسبة اشعاع بره بلدهم دى ناس عندها ضمير وبيخافو على سمعتهم

شوف الاعلان اللى فى اليمين فى صفحه 4 برضه وهتعرف لمصلحه مين
وهو لمح ان فيه عربيه بتبيع جامد دلوقتى وجايه من الخليج برضه
شخصيات زباله

بصفتى طبيب اشعة و دارس معظم انواع الاشعاع كويس
اقدر اقولكوا الكلام ده كلوا غلط
و عمر العربيات حتى لو اتعرضت لاشعاع رهيب متنقلوا
لانها اتعرضت لاشعاع خلاص
لكن هى مش مصدر ليه