-
الحل فى البلطجة !
يا جماعه البلطجه زادت اوى اليومين دول عن ايام ما بعد الثوره كمان الى كانت الدنيا سايبه فيها
تتوقعوا ده ليه وللاسف الشرطه ولا هى هنا
من 3 ايام على طريق المنصوره جمصه عصابه طلعت على وكيل نيابه هو وخطيبته وقطعوا عليه الطريق و قتلوه بالرشاشات و كرروا الحركه دى بعدها بشويه على نفس الطريق وسرقوا واحد تانى و قتلوه
وامبارح واحد صاحبى مسافر نزل يصلى الجمعه على الزراعى عند بلد اسمها طوخ وركن العربيه ودخل يصلى طلع لقى ازاز العربيه متكسر و شنطه وفلوسه و موبيلاته وهدومه وكل حاجه اتسرقت
اول امبارح واحد رايح يجيب عفش بيته من دمياط وراجع هو واهله على طريق جمصه برضه عصابه طلعت عليه هو واهله كانوا 5 سرقوا فلوسهم 50 الف جنيه و 5 موبيلات وكل الى معاهم والعربيه وسابوهم مرميين على الطريق للصبح لحد ما عبرهم و ووصلهم بلدهم
طب الشرطه وتتحرق بجاز باعونا خلاص يبقى مع السلامه و يتلغى الجهاز ده ويتعمل جهاز تانى محترم طالما على نفس الطريق فى اقل من اسبوع يحصل البلاوى دى كلها و هم ولا هم هنا
ويتعمل لجان شعبيه مسلحه و يتلم ليها فلوس من اهل كل بلد و يتعمل نباتشيات على الطرق و فى الشوارع الموضوع ده اتعمل فى نبروه و قبضوا على ناس كتير والى يتمسك الاهالى يعدموه فى اكبر ميدان فى كل مدينه
الواحد ماعادش مامن على نفسه ولا على اهله
يعنى نسيبها ونمشى
انا كل الناس الى بشوفها دلوقتى بيقولوا ولا يوم من ايام مبارك وفعلا عندهم حق وانا معاهم ايه الى اتغير من يوم ما مبارك مشى اهم حاجه وهى الامن والامان فقدناها
اكيد كلكم بتمروا بنفس الظروف دى فى كل حته فى مصر
تخيلوا واحد صاحبى مندوب ادويه مروح بيته طلعوا عليه وثبتوه خدوا كل الى معاه لقوه جايب فطيره لاولاده اولاد الحرام قالوله حتى دى هاتها خساره فيك
حسبنا الله ونعم الوكيل
-
المشكله ان حالا ها يطلع ليك واحد يقوللك الكلام ده كان موجود والحجات دي
انا من 25 يناير ما دخلش جيبي مليم ------- وضيف علي ذللك مش عار ف اخد العيال واروح اي حته
خايف من الي بيحصل
اه ونسيت كمان في الثورات بيحصل كده----- حسبي الله ونعم الوكيل
-
اقتباس:
ولا يوم من ايام مبارك
طب مانجيب من الآخر ونقول كده وخلاص
-
خدوا دى
عمال بيتهجموا على مديرة مستشفى الباطنه التخصصى فى المنصوره مستشفى كلها مرضى قلب وكبد وسكر وحالات حرجه جداا وواحد صاحبى لسه مكلمنى لا حكيمه موجوده فى المستشفى و المعامل اتقفلت و الاشعات اتقفلت
:: اعتصام موظفي مستشفى الباطنة التخصصي بالمنصورة بعد إهانتهم من المديرة
-
الحل ..ولو انه مش مفيد اوى ..
الواحد يمشى بسلاح حى ..
انا بسافر على طريق جمصه ده كتير
بس اليومين دول مش بسافر عشان الامتحانات
بمشى قافل الازاز و السنتر ..ومستعد اهرس اى واحد "يفكر" يطلع ادامى ...
ومعايا بعض الاستعدادات داخل العربيه :(
انا عاوز اعمل زجاج مصفح
-
ربنا يستر بس الحي غالي أوي !!
انا هأجيب البلي الحديد أرخص و مش محتاج رخصه
-
انا معاك انه غالى ..بس مش اغلى من حياه الواحد ..ولا اغلى من فلوسه و عربيته ...
نفسى اقع على حد بيبيع آلى :)
وهثبته على سقف العربيه
-
يا استاذ خالد ما هى كده تبقى باظت وبعدين المشكله مش هتبقى فى انك تدوس حد فيهم العيال دى بتقطع الطريق بعربيات ربع نقل يعنى مستحيل هتعدى
-
إخواني: الحذر كل الحذر من أخذ مثل هذه المواضيع كأمر مسلم به
-
الطبنجه الحي عامله 17,000 و انت طالع !!!
هو ايه حضرتك اللي أمر مسلم بيه ؟
Content Relevant URLs by
vBSEO 3.6.0 PL2