عندى مشكلة مع التوكيل ياريت لو حد شغال فية او يعرف حد شغال فية
السلام عليكم
انا عندى مشكلة مع التوكيل عربيتى سيراتو الجديدة انا الزجاج فى باب السواق فية مشكلة فى الطلوع والنزول بطىء جدا وبيعلق روحت التوكيل 3 مرات والمشكلة ماتحلتش اول مرة اشتكيت منه كانت فى صيانة العشرين الف و استلمت العربية لقيتهم راشين حاجة علية وشغال كويس مع تخوفى انه يرجع زى مكان بس انا ليا الى قدامى و مفيش 24 ساعة تانى يوم بجرب لقيت نفس العيب بنفس المشكلة ادايقت جدا و روحت التوكيل تانى طبعا كل دة بروح ابو رواش لانهم قالولى اى مشكلة فى الزجاج ابو رواش وانا من مصر الجديدة المهم قالولى متقلقش هنظبطه ونفس الحكاية لقيتهم راشينه مادة برضو وزى ميكون فية مية كدة المهم قولتلهم هما عملوا كدة المرة الى فاتت قالى لا دة كان فى زيت او تراب ونفضناه وبقى كويس اهو قولتله مهو كان كدة قالى طيب جرب المرة دى وان شاء الله مش هيرجع طبعا تانى يوم نفس الحكاية ابطىء من الاول وبيعلق روحت اخر مرة وصممت ادخل للمدير وفعلا وصلت لاستاذ خالد فاروق واهتم جدا بالكشف و بعد كدة قالوا الكاوتش الى حولين الزجاج لازم يتغير بس هوا مش موجود فعتذر لى وقالى ان شاء الله هيجيلنا قريب وهنبقى نكلمك الكلام دة من شهرين او اكتر وانا حاليا ماشى بعلب wd 40 علشان كل ميعلق اديله بخة تخيلوا والاسم العربية فى الضمان دة لو توكيل محترم حتى لو وصلت لتغير الباب لان مش ذنبى ان قطع الغيار مش موجودة فى التوكيل .
المطلوب:
لو حد بيشتغل فى التوكيل يقدر يساعدنى انى احل مشكلتى او لو حد يعرف حد فى التوكيل يوصلنى بيه
لو حد يعرف حد ممكن يحل المشكلة دى برة التوكيل لانى مش عايز اروح اى حد يلعب فى باب السواق خصوصا وان فية السنتر وخايف يبوظ حاجة تانية
لو حد عنده فكرة ازاى ابعت شكوى فى شركة كيا الام فى كوريا
وشكرا جزيلا