سؤال لأهل الخبرة والفن

**Eros_mada** · 25-06-2011 06:21 PM

السلام عليكم يأقوى منتدى تعديلات بجد

أنا عندى سيارة بلونيز بترولى موديل 89 قبل اى شئ انا عارف ان السيارة دى صعب تتعدل بس أكيد مش مستحيل انا مهتم بأساسيات السيارة وفعلاً هيا محترمة جداً وعملية وبتاعة شغل بس طبعاً شكلها وحش اوى ومحتاج خبرتكم فى مجال التعديل أنا غيرت ليها طارة الدركسيون بطارة دايو أصلية وشكلها عليها تحفة نفسى بقى أجيب ليها طقم جنوط أسبور يكون لذيذ وانا عندى الكاتوتش تيوبلس حالتة جيدة وعايز اضيف عليها اللمسات الخارجية حتى لو بسيطة بس فعلاً انا نفسى يكون شكلها احسن شوية ياريت تسعدونى فى ردودكم وأفضل شئ شايفينو مناسب فى التعديل الخارجى ومحدش يقولى غير ربع من ورا او من قدام طبعاً حقول الفلوس لأ انا أتمنى تسعدونى فى التعديل على شكل العربية زى ماهيا كدا يعنى ممكن الجلد اللى بيتحط على الكبود لو انتو شايفينو مناسب ولو عداد ار بى ام لو ينفع والزوائد الجانبية والأمامية لو شايفينة مناسب وألستيكرات اللى بتضاف على السيارة بجد انا عاجز عن شكركم وعارف ان دا صعب بس أكيد مش مستحيل يعنى ياريت اللى ينصحنى بشئ يقولى حيتكلف تقريباً كام وأعملة عند مين لو يعرف انا من القاهرة وكل اللى عايز تعديل الشكل الخارجى للسيارة والف شكر ليكم

**graffittiii** · 25-06-2011 08:36 PM

دي شوية صور من النت لإقتباس بعض الأفكار :
أنا بميل للشغل الهادي اللي زي أول صورة دي ... مافيش غير جنوط وفوج لايت بس شكلها محترم جدا ...
رأي الشخصي متخليش جنوط العربية دي بالذات تكون بارزة عن البودي لان هيخلي شكلها ضخم أوي وهيخلي الجنط شكله تقيل علي العربية ...
بص علي الجنوط دي

[url=http://www.nileup.com//uploads/images/domain-d09f0fd2a1.jpg][/url]

أنت بقي ممكن تزود عتب يخلي العربية شكلها أوطي شوية .....وسبويلر ورا ...
واستني ردود بقيت الشباب ...

**Eros_mada** · 26-06-2011 06:44 AM

المشاركة الأصلية كتبت بواسطة taiwo

دي شوية صور من النت لإقتباس بعض الأفكار :
أنا بميل للشغل الهادي اللي زي أول صورة دي ... مافيش غير جنوط وفوج لايت بس شكلها محترم جدا ...
رأي الشخصي متخليش جنوط العربية دي بالذات تكون بارزة عن البودي لان هيخلي شكلها ضخم أوي وهيخلي الجنط شكله تقيل علي العربية ...
بص علي الجنوط دي

[url=http://www.nileup.com//uploads/images/domain-d09f0fd2a1.jpg]

[/url]

أنت بقي ممكن تزود عتب يخلي العربية شكلها أوطي شوية .....وسبويلر ورا ...
واستني ردود بقيت الشباب ...

ألف شكر لدرك الرائع والسريع كمان دا بجد مش عارف أشكرك أزاى بس اسف لو حتعبك معايا الصور دى لبولونيز موديل 2002 انا بتكلم على موديل 89 أما بالنسبة للجنوط دى جميلة اوى ياريت تقولى اسمها اية ونوعها وسعرها التقريبى لو جديدة او مستعملة وكمان ياريت تفدنى فى مسئلة العتب دى انا عايز أعملة بس بصراحة خايف حد ينصب عليا يعنى فى الشكل يعملة وحش او السعر فياريت برضوا تقولى تقريباً حيتكلف كام وفين انسب حتة فى القليوبية ممكن أعملة فيها لو تعرف انا عارف انى حتعبك معايا بس معلش انا حابب اشد شكل العربية اليومين دول وياترى تنصحنى اعمل عتب جانبى وخلفى بس ولا أمامى كمان ولو عايز ادى العربية كلها لون جديد علشان لونها ابتدى يتعب وفية جروح ياترى يتكلف كام وهل ممكن انى اعمل الجروح بس ولا لازم كلها أسف لو حتعبك معايا بس انتا بجد كلك زوق

**samsong** · 26-06-2011 10:23 AM

متابع ونشوف ممكن ايه

**Eros_mada** · 26-06-2011 03:42 PM

المشاركة الأصلية كتبت بواسطة bodaaa

ent nawe tsrf 3leha kam

يعنى أنشاء الله ممكن أصرف عليها تقريباً 2000 جنية وكنت عايز أسأل كمان على حكاية تغيير التابلوة دى وحتتكلف اد اية معلش انا عارف انى تاعبكم معايا بس عايز أشدها شادة حلوة حتى لو حتصرف اكتير شوية شكراً لردوكم المفيدة والسريعة

**graffittiii** · 26-06-2011 05:06 PM

بص يباشا هي المشكلة أن الأفكار كتير لكن الحاجات المتوفرة السوق والميزانية هي اللي بتحكم نعمل إيه ...
مش لازم تعمل الحجات كلها مع بعض ... ممكن تتسلي فيها كل شهر مثلا تعمل حاجة ......
شغل العتب عشان التهبيط والزوائد الأمامية عشان تبقي حلوة محتاجة صنايعي دماغة كويسة ...
حكاية زوائد العتب بس أو أكصدامات سبور دي هتتوقف علي الميزانية ...
الجنوط لوحدها هتكلفك كتير إلا لوعرفت تلقط حاجة مستعملة ..............
تغير اللون هيكلفك كتير ومحتاج إجرائات ف المرور.....خليها بلونها الأصلي وروح لحد بتاع دوكو يعملها تلقيط للخدوش ويلمعها بالبولش أو يشمعها هتبقي زي الفل .....
مجرد إقتراحات :
_ أنا رأيي تبدأ بإنك تروح لبتاع الدهانات يضبطلك الخدوش ويلمعها وبعدين تشوف حد بتاع إكسسوارات دماغه حلوة كده يظبطلك ستيكرز سبور تكون خطوطها متماشيه مع العربية ...
_ وفيم الشراعات اللي ورا ....
اللي فات ده تكلفته مش هتعدي 500 جندي إن شاء الله ...
وتبدأ رحلة البحث عن الجنوط وأنت وحظك فإنك توقع حاجة بسعر مناسب المهم ف الجنوط إبعد عن الصيني لو هتجيب جديد ... هات أندونيسي أو تايواني والأسعار فيهم بتبدأ من 1200 تقريبا وأنت طالع ...
لولقيت حاجة إستيراد فرنساوي أو أسباني أو إيطالي أي حاجة من ريحة أوروبا يبقي تمام وهيعملو ف حدود 800 جندي أو أقل ...

وانت كنت بتقول عاوز عداد أر بي إم ... في عدادات قايم بيقي شكلها زي كده
(الصورة منقولة من صورة لسيارة زميل ف المنتدي ):

وبعدين تفوت شهر كده ترتاح من الصداع وتبدأ بقي شغل الفايبر علي رواقة عشان تعمل حاجة Top زي دي :

الأماكن بقي للأسف ف محافظتك مش عارف لكن ده رابط لأشهر محلات وورش تعديل السيارات لكن أغلبهم ف القاهرة
http://www.nilemotors.net/Nile/25966-a.html

يارب مكنوش صدعتك ولاأحبطتك .... أعمل كل حاجة علي رواقة وكل لما تعمل حاجة إرفعلنا الصور والناس هنا مش هيتاخرو عنك ف أي حاجة ....

**Eros_mada** · 26-06-2011 05:42 PM

المشاركة الأصلية كتبت بواسطة taiwo

بص يباشا هي المشكلة أن الأفكار كتير لكن الحاجات المتوفرة السوق والميزانية هي اللي بتحكم نعمل إيه ...
مش لازم تعمل الحجات كلها مع بعض ... ممكن تتسلي فيها كل شهر مثلا تعمل حاجة ......
شغل العتب عشان التهبيط والزوائد الأمامية عشان تبقي حلوة محتاجة صنايعي دماغة كويسة ...
حكاية زوائد العتب بس أو أكصدامات سبور دي هتتوقف علي الميزانية ...
الجنوط لوحدها هتكلفك كتير إلا لوعرفت تلقط حاجة مستعملة ..............
تغير اللون هيكلفك كتير ومحتاج إجرائات ف المرور.....خليها بلونها الأصلي وروح لحد بتاع دوكو يعملها تلقيط للخدوش ويلمعها بالبولش أو يشمعها هتبقي زي الفل ..

...
مجرد إقتراحات :
_ أنا رأيي تبدأ بإنك تروح لبتاع الدهانات يضبطلك الخدوش ويلمعها وبعدين تشوف حد بتاع إكسسوارات دماغه حلوة كده

يظبطلك ستيكرز سبور تكون خطوطها متماشيه مع العربية ...
_ وفيم الشراعات اللي ورا ....
اللي فات ده تكلفته مش هتعدي 500 جندي إن شاء الله ...
وتبدأ رحلة البحث عن الجنوط وأنت وحظك فإنك توقع حاجة بسعر مناسب المهم ف الجنوط إبعد عن الصيني لو هتجيب جديد ... هات أندونيسي أو تايواني والأسعار فيهم بتبدأ من 1200 تقريبا وأنت طالع ...
لولقيت حاجة إستيراد فرنساوي أو أسباني أو إيطالي أي حاجة من ريحة أوروبا يبقي تمام وهيعملو ف حدود 800 جندي أو أقل ...

وانت كنت بتقول عاوز عداد أر بي إم ... في عدادات قايم بيقي شكلها زي كده
(الصورة منقولة من صورة لسيارة زميل ف المنتدي ):

وبعدين تفوت شهر كده ترتاح من الصداع وتبدأ بقي شغل الفايبر علي رواقة عشان تعمل حاجة top زي دي :

الأماكن بقي للأسف ف محافظتك مش عارف لكن ده رابط لأشهر محلات وورش تعديل السيارات لكن أغلبهم ف القاهرة

http://www.nilemotors.net/nile/25966-a.html

يارب مكنوش صدعتك ولاأحبطتك .... أعمل كل حاجة علي رواقة وكل لما تعمل حاجة إرفعلنا الصور والناس هنا مش هيتاخرو عنك ف أي حاجة ....

بجد ردك روعة الروعة وخلانى ابقى عايز اظبطها اكتر واكتر بس معلش يا جميل انا عارف انى بتقل عليك بس نعمل اية معلوماتى على أدى سيبك من الجنوط دى مزانية لوحدها مثلاً الأر بى ام دا حكاية ياريت تفدنى فى سعرة التقريبى علشان اظبط حسبانى وكمان الأكصدام الأمامى للعربية الحمرا دى وهم برضوا يريت اعرف سعرة لوحدة حتى من غير باقى العت الأكصدام والأر بى ام حيغيرو كتير فى شكل العربية ياريت تفدنى فى أسعار دول بالذات والف الف شكر لكل اللى بيسعدونى معلش متقل عليكم كتير يا جماعة

**graffittiii** · 26-06-2011 06:46 PM

العدادات إسمها عدادات قايم في منها حجات بتبقي مجموعة مع بعضها يعني مثلا 3 عدادات أر بي إم وحرارة وضغط زيت مثلا ... وممكن بتجيب الفارغة بس بتاعتها وتحط العدادات اللي أنت عاوزها .... في منها ديجيتال وفي analog ....
سعرهم بيتراوح من 250 ل 300 ....دول اللي قرائتهم مضبوطة ..........
في أرخص من كده ب 150 بس بيكونو منظر بس وقرائتهم مش صحيحة ...
موجودين ف شارع دمشق أو في التوفيقية ....
شغل الفايبر الأمامي ف العربية الحمرا أعتقد يتكلف ف حدود 350 ج ....

**Eros_mada** · 26-06-2011 08:33 PM

المشاركة الأصلية كتبت بواسطة taiwo

العدادات إسمها عدادات قايم في منها حجات بتبقي مجموعة مع بعضها يعني مثلا 3 عدادات أر بي إم وحرارة وضغط زيت مثلا ... وممكن بتجيب الفارغة بس بتاعتها وتحط العدادات اللي أنت عاوزها .... في منها ديجيتال وفي analog ....
سعرهم بيتراوح من 250 ل 300 ....دول اللي قرائتهم مضبوطة ..........
في أرخص من كده ب 150 بس بيكونو منظر بس وقرائتهم مش صحيحة ...
موجودين ف شارع دمشق أو في التوفيقية ....
شغل الفايبر الأمامي ف العربية الحمرا أعتقد يتكلف ف حدود 350 ج ....

بجد واللهى مش عارف أقولك اية على ردوك السريعة والمفيدة اوى دى ربنا يباركلك بجد ويبعد عنك شر زعل العربيات وبجد أتشرفت بيك وأكيد أهل طنطا مش محتاجين اى كلام وأنشاء الله حعدى على بتاع الفيبر اظبط معاة وانزل بكرة بأذن الله اخد فكرة عن عدادات الأر ى ام الثلاثية والف شكر ليك مرة ثانية

**Eros_mada** · 28-06-2011 10:01 PM

السلام عليكم
أزيك يا Taiwo
معلش انا حتعبك معايا تانى انا نزلت عزبة شلبة شوفت ألأسعار ولقيت التابلوة عامل 300 وفى ب 350 بس كنت عايز أسئلك معلش سؤال ياترى كام بياخد الكهربائى ثمن خلع وتركيب التابلوة الجديد معلش انا اصلى اتنصب عليا كذا مرة وكمان عندى استفسار انا شوفت هناك ابواب تسعينات بصراحة حكاية عايز اعرف لو حبيبت اشترى اربع ابواب وابيع الأربعة اللى عندى تقريباً ادفع فرق كام ومفتاح الباب بطلع علية جديد عادى ولا بيجى الأبواب بفتاحهم وكمان معلش كلبة الدركسيون عندى ملخلخة وحالتها مش اوى عايز برضو اشترى علبة دركسيون تكون تمام بس قولى اجيب نوعها اية وياترى ممكن اجيب حاجة احسن من البولونيز مثلاً انا مركب عليها طارة دركسيون دايو وشكلها حلو اوى تنصحنى اجيب علبة دركسيون بمفتاح الكونتاكت بتاعها اية وتعمل تقريباً كام معلش يا زعيم بس شجعنى خبرتك فى المجال دا