التكييف و ما أدراك ما التكييف

**mff_629** · 26-06-2011 08:59 AM

المشاركة الأصلية كتبت بواسطة egypt0777

ريحت الكمكمه ده نتيجة فصل الكومريسور

طيب و الريحة دي ملهاش حل

المشاركة الأصلية كتبت بواسطة samsong

كان فيه موضوع عن كده وطلع مشكله في السنسور

في أي سنسور يا باشا

المشاركة الأصلية كتبت بواسطة samsong

لا تقلق

أنا قلتلك يا عزيزي أنا مش من الناس اللي بتقلق الحمد لله (يا واد طنش خالص)

المشاركة الأصلية كتبت بواسطة peaceman

انا برده رأيي شيل الفلتر و جرب لو التكييف رجع كويس تاني يبقي خلاص متحطش الفلتر تاني و غالبا كده يعني الفلتر في الصني مش موجود في الياباني الخليجي 2001 زي ما شاف عضو معانا هنا في القسم .. فجرب كده و قولنا و بلاش الطناش الغير عادي ده هههههههههههههههههههههه .. وحشتنا يا محمد بجد

شكرا يا بيشو
و إن شاء الله أجرب أشيله بنفسي زي ما واحد من زمايلنا شرح هنا في القسم الجبار
و أنت يا بيشو واحشنا قوي قوي قويييييييي

المشاركة الأصلية كتبت بواسطة fbiahmed

العربيات الياباني كلها مفيهاش فلتر تكيف للعلم و شاكلي هاشيله لان التكيف ضعف فعلا عندي كمان في الحر

+1+1+1+1

المشاركة الأصلية كتبت بواسطة ahmed.tv

.. ولو لسه يبقا كدا محتاج ظبط فريون او يكشفوا على الترموستات

أنا كنت مع سونة (الصقر حسين) في الصيانة و كان بيشكي إن التكييف بعد المسافات الطويلة بيجيب هواء سخن و قالولو محتاج ضبط فريون فممكن يا أبو حميد فعلا يكون هو ده السبب
شكرا يا أحمد

المشاركة الأصلية كتبت بواسطة ahmed_52869

اتاكد ان الزرار اللى علية a/c منور

طبعا يا باشا بتأكد من الموضوع ده لأن أول ما جبت العربية ماكنتش دايس على الزرار ده و الحمد لله واحد ابن حلال قالي عليه
أصل دي أول عربية للعبد لله فيها تكييف

**SonaSteel** · 26-06-2011 10:56 AM

ابو رقيــــــــــة ....... كيف حالك يا هندسة
دماغي صدعت من كتر فرقعة اللبان ده ..... ومش عيب واحد يبقي ابو رقية وياكل كمية اللبان ديه كلها ... سيبت ايه لرقية :)))
المهم
قبل الصيانة
تكييف كويس جدا بس علي المسافات الطويلة والجو حر ....... بيفصل (انا استغربت جدا لما روحت الصيانة وقالولي التكييف كان معدوم ) مع اني كنت بتلج منه علي 2
بعد الصيانة
شحنوا التكييف .... وركبوا الفلتر .. واعتقد ان كفاءته قلت سنه .... بس الريحة رااااااااااااااااااحت نهائي بفضل الله والتبريد كويس
ممكن كان الجو في الاول لطيف ....... لكن الايام ديه حرررر اوي ... علشان كده مش عارف احكم

لو عرفت تروح التوكيل كده ياهندسة يشحنوه كان بيها ... وروح مودرن اللي جنبك في الدقي
مش لازم السبع

**BassamHafez** · 26-06-2011 04:10 PM

ابو رقيه كيف حالك

واحشني والله

هربت انت على طول المرة اللي فاتت

انا رايي لو تعرف تفك الفلتر لوحدك وتشوف ايه النظام يبقى احسن

وحته تشغيل التكييف على الاخر دي والباب مفتوح حرقت دمي بصراحه لا انا اساسا كل ما بروح صيانه في الصيف لازم السي دي والتكييف الاقيهم شغاليين مع الكونتاكت بعد استلام العربيه

انا شايف ان ده قمه الاهمال لان مش كويس ان افضل سايب الحاجات دي شغاله بالشكل ده

اما وجهه نظري اللي تعرف تعمله بعيد عن الصنايعي اعمله لان ما حدش هايخاف على حاجتك قدك الا من رحم ربي

**FBIAhmed** · 27-06-2011 03:05 AM

السيرفس مانيوال فيه فلتر تكيف و طبيعي يعوق شويه سرعة مروحة التكيف يعني مش هايرجع زي ما كان الا لو شيلته لان السيرفس مانيوال بيقول انه بيفلتر الهواء سواء كان جاي من بره العربيه او بيلف جوه العربيه