التكييف و ما أدراك ما التكييف
السلام عليكم و رحمة الله و بركاته
أنا عايز أعرف رأيكم كده في حاجة صغيرة و إن شاء الله بسيطة
أنا لما استلمت العربية (نيسان صنى 2011 ) و بعد أول 1000 جربت التكييف و كان تلااااااجة:16: بجد تلاجة لدرجة إني ماكنتش بستحمله و أنا عامله على 1
المهم لما كنت بشغله شويه كده كان في ريحة وحشة زي الكمكمة كدة قلت يا واد طنش خالص:Ka_che1[1]: و أنا مش من النوع اللي كل صوت أدور بتاع إيه و بسمي الحاجات دي أصدقاء البيئة يعني صوت صديق للبيئة و ريحة صديقة للبيئة و هكذا و بكبر دماغي (طبعا الموضوع ده ممكن يكون خطير:praying: )
و بعدين شركتنا حبيبتنا نيسان أم الدنيا -زي طنطا كده:tongue06: - عملت موضوع الفلتر المجاني و بالفعل ركبته و بعد ما ركبته التكييف ضعف شوية رحت قايل يا واد طنش خالص:Ka_che1[1]: ده أكيد من الفلتر و دي حاجة منطقية و بصراحة جت على هوايا عشان أنا كنت حاسس إن 1 جامد قوي صحيح بعد الفلتر 1 بقت مابتعملش حاجة خالص و بقيت دايما عامله على 2 بس قلت يا واد طنش خالص:Ka_che1[1]:
المهم ريحة التكييف المكمكمة دي قلت قوي أو بمعنى تاني راحت قلت يبقى الفلتر شغااااااال يونيفرسال:16:
و في يوم من زاك الأيام الحر إياها و أنا مشغل التكييف بعد حوالي 10 أيام من تركيب الفلتر الموعود لقيت التكييف ضعف قلت يا واد طنش خالص:Ka_che1[1]: و رحت عامل المروحة على 3 و كملت مشواري لقيت التكييف ضعف أكتر قلت يا واد طنش خالص:Ka_che1[1]:و عملته على 4 و بعدين بدأت ريحة سيئة جدا بين قوسين ريحة قميئة تطلع من التكييف كمكمة برده و بس
و من ساعتها التكييف دايما فيه ريحة و بقى ضعيف جدا جدا جدا مابيشتغلش معقول و بكرر معقول إلا لما أزود السرعة على 65 كم في الساعة تقريبا:8954[1]:
قولولي بقى برده أطنش خالص:Ka_che1[1]: ولا كفاية طناش لحد كده:majd(4):
أنا العربية أوتوماتيك عاملة حوالي 6700 كم لحد دلوقتي
في حاجة صغيرة كده لاحظتها و هما بيركبوا الفلتر إنهم كانوا مشغلين التكييف جامد و البابين الأماميين مفتوحين على أخرهم أنا قلت أقولكم يمكن المعلومة دي تفرق مع صقر من صقور نيسان إياهم اللي احنا عارفينهم و بنعزهم
أشيروا علي أيها الناس