السلام عليكم و رحمه الله و بركاته
ازيكم شباب
العربيه عندي دخلت في ال 80 الف كيلو و بقول ادور ليها علي مكان اعمل فيه صيانه بعيد عن التوكيلات
ياتري حد يعرف اي حاجه عن الموضوع ده؟
عرض للطباعة
السلام عليكم و رحمه الله و بركاته
ازيكم شباب
العربيه عندي دخلت في ال 80 الف كيلو و بقول ادور ليها علي مكان اعمل فيه صيانه بعيد عن التوكيلات
ياتري حد يعرف اي حاجه عن الموضوع ده؟
اولا السلام عليكم ...
هو انت بتشتكي منها في حاجه ولا الصيانه العاديه لان انت فاضل لك 90 و 100 وعلي فكره 100 هامه جدا
فلو لسه الوقت ماعداش لان هي 100 او 5 سنوات يبقي كمل لو خلص الضمان يبقي اعرف ايه الحاجات الي بتتعمل واعملها عند ميكانيكي ثقه لان لو مافيش مشكله يبقي هتغير
1-البوجيهات
2-الفلتر الهواء
3-فلتر البنزين وده هام وفيه مشاركات كثيره تقدر تعرف ازاي
4-السيور
5-تيل الفرامل
6-ضبط علي الجهاز
7-كشف عام
ودي حاجات سهله يعملها
اذيك يا امير علما ايه يا عم .. فينك !! موقوف و لا محشور و لا ايه بالظيط ههههههههههههههههههههه .. وحشتنا بس
بص يا عم .. صيانة الـ 80 ديه عامله زي صيانة الـ 40 علي اساس ان العربية عملة 40000 كيلو تاني و بيتم تغيير زيوت و سيور و بوجيهات
لو انت واثق انك ممكن تجمع كل اللي بيحصل في الصيانة عند ميكانيكي يكون "محتررررررررررررررررررررر رررررررم و بيفهم"
يبقي هتوفر علي الاقل مبلغ الصيانة و ضريبة المبيعات
صيانة الـ 80000 كيلو : اجور عمالة 300 جنيه + قطع غيار 246 جنيه + ضريبة مبيعات = حوالي 600 جنيه
دا طبعا غير مثلا لو اكتشفوا ان التيل عايز يتغير او فلتر الهواء
و كمان المبلغ اللي فوق ده غير متضمن اسعار الزيوت و السوائل يعني هتدخل في مبلغ محترم
عايز رأيي بقي الشخصي بعد كل اللي قولته ده :
برده اعمل صيانة العربية جوا التوكيل لأن مهما كان هما في الصيانة بيربطوا العربية و انت عارف ان العربية ديه بتحب التربيط كل صيانة و كمان لو حصل حاجه و هما بيصلحوا يبقي هما هيبقوا المسئولين عن اي حاجه تحصل لأنك طبعا بيعملوا تقرير عن العربية قبل ما تدخل الصيانة عشان لو طلعت و فيها مشكلة يبقوا هما اللي عملوها
انما مهما كان الميكانيكي مش هيبقي فاضي لعربيتك لوحدك عشان يعملك صيانة و كلام من ده و ممكن صنايعي غبي عند الميكانيكي يعمل حاجه غلط
و رأيي برده انك بعد كده تعمل صيانة العشرينات طبعا بعد الخروج من الضمان و طبعا تلاقيك خرجت من الضمان من زمان
و اي خدمة يا باشا
ملحوظة كابتن سامي :
الضمان 100000 كيلو او 3 سنوات ايهما اقرب
شكرا شباب و شكرا بجد بيشوي بس انا اتصلت اسئل لقيت الموضوع 1600 جنيه!!!
فبصراحه مستحرم المبلغ قوي
اتصلت من كام يوم بالسبع و ذهلت من الرقم و كنت سايق و مشغول فمتصلتش تاني اصلا
انا كنت بسئل علي صيانه ال 80 الف علشان ابقي عامل حسابي بس بجد لما فضيت كده حسيت ان الموضوع كتير قوي قوي انا كنت فاكرها حاجه تانيه
ياباشا صيانة 80000 كم اقل من كده وفي
موضوع شامل لحسين عن كل الحاجات دي
http://www.nilemotors.net/Nile/216963-a.html
وياريت نسال يمكن في تغير او حاجه مش واضحه..