حكاية استهلاك البنزين في صني 2011
السلام عليكم ورحمة الله
انا عضو جديد في المنتدي واسمي محمد
اشتريت الصني 2011 وعامله حتي الان 1350 كم تقريبا
بعد ما ربنا رزقني بيها بدات اخش علي المنتدبات وقريت كتير عن مشكلة استهلام البنزين دي
ولقيت الاتي......
1-استهلاكي في البنزين زي عمنا الي بيشتكي من استهلاك عربيته واسمه mazm2000 وهو من 130 ل150 في الصفيحه
2-قررت اني لما اروح صيانة الالف اشتكي من الموضوع ده زي اخونا وهنا كانت المفاجاة.........
انا ساكن في بورسعيد (حبيبتي) والمسافه بيني وبين مركز الهايكستب الي في طريق القاهه اسماعيليه 187 رايح وزيهم راجع بلدي
ولما سافرت ماكنتش مشغل التكييف وسايق علي 100 فقط ووصلت ومعايا باقي 2\3 من التانك وكانت بانسبالي مفاجاه انا التنك كله بيخلص لو فولته في 300 كم فقط لا اكثر بدون تكييف جوا بورسعيد ولما روحت بورسعيد كان فاضل معايا 1\3 التانك تقريبا........
مش معقول يعني رايح جاي قطعت في حدود 380 كم ولسه معايا 1\3 التانك (شغلت التكييف وانا جاي)
نرجع لمركز الهايكستب الي قالي امشي علي 90 في طريق طوالي وقولنا الاستهلاك ازايعشان نقدر نقيم (اصلي قلت اشتكيله علي اي حال يمكن في حاجه يشوفها بالمره من كتر المشاكل اللي سمعتها في المنتدي)
النتيجه النهائيه....التانك بفوله بنزين 92 بياخد ب70 ج بالعافيه ده لو التانك مشطب يعني38 لتر بيعملو علي الطريق 530كم تقريبا وجوا البلد 300 كم بدون تكييف وباتكييف اظن هيبقي 500برا البلد وفعلا 260 كم جوا البلد وده اخر رقم فعلا جوا البلد بالتكييف( فرق غريب)
خواطر وتساؤلات حول هذا الموضوع............
1-اخوانا اللي في النتدي بيقولو جوا البلد في حدود 200 كم في الصفيحه مع ان انا 140 مثلا
2-بيشوي غير الضفيره عشان كان عنده مشكله في الاستهلاك ياتري انا عندي انا واخونا الي بيشتكو من الاستهلاك ولا لا
3-هوا ممكن يبقي في مشكله في العربيه او الضفيره وبتظهر جوا البلد بس مش علي الطريق السريع؟
الردعلي هذه التساؤلات مني كشخص ماعندوش خبره في السيارات الي هوا انا......
اما رقم 1ان في بعضنا ساكن في حتت شوارعها مفتوحه فممكن يسوق علي 80 او 70 جوا البلد لفترات طويله عشان كده استهلاكهم كويس جوا البلد مش زيي انا ماباعديش 40 جوا البلد الا في الفجريه (وانا رايح الشغل عشان الشوارع بتبقي فاضيه) وبقف كتيييييييييييييير يعني موضوع استهلاك جوا البلد ده بيختلف من بلد لاخر حسب طبيعة السير فيها
اما رقم 2 ان بيشوي غير الضفيره مع ان استهلاكه كان مقارب ليا جوا البلد فيمكن عشان بلده الطرق فيها طوالي مش زي عندي زي ما قال واحد من الاعضاء تعليقا علي موضوع بيشوي فيعتبر كده استهلاكه عالي
اما رقم 3 اترك جوابها لاصحاب الخبره لاني مش عارف
والا فاستنتاجاتي كلها غلط وياريت تردوني فيها عشان اعرف في مشكله عندي ولا لا واسف علي الاطاله