ليه كل مااقول لواحد عايز فيرنا يقولي اوعي؟

**osama.m** · 25-06-2011 10:17 PM

الفيرنا على السرعات العالية مش هتبقى متطمن فيها .. يعني احساسك بالانوس على ال 140 غير الفيرنا
عربية جراية بغباوة بس مش هتعرف توقفها .. انما لو جوة البلد هتبقى ممتازة
حاجة تانية .. اللانوس و الفيرنا نفس الفئة لو هتغير مش هتحس بفرق ولا حاجة !

**MIVEC.A92** · 25-06-2011 10:42 PM

لأ فيرنا لأ لو خايف علي نفسك !

شوف ال Renault Sandearo اللون الأزرق الملوكي ... تحفة .

**shaddadfalcon1** · 25-06-2011 11:45 PM

متشكر جدا لردودكم يعني اجماع علي ان الثبات بعد ال 100 اوحش من اللانوس
طيب بالنسبه لموضوع الموتور اللي بيروح في داهيه ومش بيتحمل زي اللانوس مثلا؟

موتور اللانوس بصراحه غبي وحمار شغل تحس انه ممكن يشتغل من غير زيت ولا مياه ولا حتي بنزين

والله انا فضلت اسبوع ماشي بمقاس الزيت مش في مكانه لحد ماالموتور مكنش فيه نقطة زيت ومفيش اي حاجه حصلت غير طقم كوتش صباب تقريبا لو فاكر الأسم صح
هل لو حاجه زي دي حصلت في الفيرنا الموتور هيستحمل؟
ده غير نقص المياه عادي جدا وياما مشيت من غير مياه في القربه وكذا مره سمعت ناس عربياتهم جابت وش سيلندر عشان المياه نقصت شويه

في انتظار ردود الخبراء

**mshmshm3** · 25-06-2011 11:48 PM

المشاركة الأصلية كتبت بواسطة beshomilan

هو حضرتك عايز تجرى بالعربية ليه على السرعات العالية دى؟؟؟هو الجرى بالعربية مهارة وشطارة زى ما ناس كتير فاكرة؟؟
فكر فى نفسك واسرتك وراعى ربنا فحياتك وفالنعمة اللى ادهالك وهى العربية
وربنا يوفقك للصح

احييك علي رأيك الجميل

**Screenplays** · 25-06-2011 11:55 PM

الكلام اللي حضرتك سمعته الفتي المعتاد من الشعب المصري و العربيه معايا ثبات جيد لغايه 120 بعد كده بتبقي مرجيحه و الافضل تركيب جنط اسبور 15 و كاوتش عريض و هيخلي ثباتها جيد حتي 140 و بعد كده برضه هتبقي مرجيحه و فراملها غير جيده علي السرعات العاليه

**elmkaneeki** · 26-06-2011 12:21 AM

المشاركة الأصلية كتبت بواسطة screenplays

الكلام اللي حضرتك سمعته الفتي المعتاد من الشعب المصري و العربيه معايا ثبات جيد لغايه 120 بعد كده بتبقي مرجيحه و الافضل تركيب جنط اسبور 15 و كاوتش عريض و هيخلي ثباتها جيد حتي 140 و بعد كده برضه هتبقي مرجيحه و فراملها غير جيده علي السرعات العاليه

ما انت بتقول نفس الكلام بردو:]:]....ولا قصدك على حوار الموتور

**Screenplays** · 26-06-2011 12:25 AM

المشاركة الأصلية كتبت بواسطة elmkaneeki

ما انت بتقول نفس الكلام بردو:]:]....ولا قصدك على حوار الموتور

الكلام عن الموتور فتي لان الموتور حمار شغل و اهي شغاله تاكسي زي الفل و العربيه فعلا متنفعش الشباب عشان خفيفه و الموتور كبير علي وزنها فده اللي مضيع الفرامل

**shaddadfalcon1** · 26-06-2011 12:57 AM

المشاركة الأصلية كتبت بواسطة beshomilan

هو حضرتك عايز تجرى بالعربية ليه على السرعات العالية دى؟؟؟هو الجرى بالعربية مهارة وشطارة زى ما ناس كتير فاكرة؟؟
فكر فى نفسك واسرتك وراعى ربنا فحياتك وفالنعمة اللى ادهالك وهى العربية
وربنا يوفقك للصح

الحمد لله براعي ربنا في كل شيء بعمله في حياتي
مش معني اني عايز اجيب عربيه سريعه اني دايما همشي مقفل عدادها والا كان اللي بيتشري ام 5 ولا فيراري يمشي بيها طاير طول النهار
انا بطبعي هادي ومش بحب اجري ولو جريت لازم ابقي لوحدي وعلي طريق نظيف ومستقيم ومش زحمه

انا عايز عربيه للأستخدام اليومي بس لما احب اجري بيها متقولش لا- يعني موقف زي اللي في الموضوع بتاع الأخ اللي اتثبت علي الصحراوي بعربيته ومعرفش يجري عشان عربيته علي قدها ياتري هو ساعتها مكنش يتمني ان عربيته تبقي طلقه ويدوس بنزين ويوفر علي نفسه الخساره والبهدله؟

اتمني تكون فهمت وجهة نظري واسف للخروج بره سياق الموضوع لان الموضوع اساسا سؤال علي الموتور والعربيه نفسها مش انا بحب اجري ولا لآ

**elmkaneeki** · 26-06-2011 01:05 AM

المشاركة الأصلية كتبت بواسطة shaddadfalcon1

الحمد لله براعي ربنا في كل شيء بعمله في حياتي
مش معني اني عايز اجيب عربيه سريعه اني دايما همشي مقفل عدادها والا كان اللي بيتشري ام 5 ولا فيراري يمشي بيها طاير طول النهار
انا بطبعي هادي ومش بحب اجري ولو جريت لازم ابقي لوحدي وعلي طريق نظيف ومستقيم ومش زحمه

انا عايز عربيه للأستخدام اليومي بس لما احب اجري بيها متقولش لا- يعني موقف زي اللي في الموضوع بتاع الأخ اللي اتثبت علي الصحراوي بعربيته ومعرفش يجري عشان عربيته علي قدها ياتري هو ساعتها مكنش يتمني ان عربيته تبقي طلقه ويدوس بنزين ويوفر علي نفسه الخساره والبهدله؟

اتمني تكون فهمت وجهة نظري واسف للخروج بره سياق الموضوع لان الموضوع اساسا سؤال علي الموتور والعربيه نفسها مش انا بحب اجري ولا لآ

مع الانتشار الرهيب للفيرنا فأكيد حوار الموتور ده هجص
وطبعا استنى اراء الناس اكتر واكتر

**easy2002** · 26-06-2011 01:14 AM

العربية عاملة معايا 80 ألف كيلو من سنة 2006 ومشاءالله أكتر من زيت وفلاتر معملتش
غير مرة غيرت طنابير بسبب التيل مكنش أصلي المكنة محترمة فوق ما تتصور وزي ما الناس قالت ثباتها فعلا وحش وفراملها كذلك بس أنا مركبلها جنط 15وكويسة معايا لحد 160 وعلى حسب سواقتك