طيب ما فكرتش لية في النوبيرا !!
بتجري وثابته جدا .. اعتمادية بردو و قطع غيار رخيصة و اي ميكانيكي فاهم فيها و غير كدا اوسع من الفيرنا و اللانوس
عرض للطباعة
طيب ما فكرتش لية في النوبيرا !!
بتجري وثابته جدا .. اعتمادية بردو و قطع غيار رخيصة و اي ميكانيكي فاهم فيها و غير كدا اوسع من الفيرنا و اللانوس
lanos topspeed 185
مشكله الشعب المصرى ده الفتى فى اى حاجه يعرفها وميعرفها ش وناس لا عمرها ركبت عربيات من اساسه تقلك سمعت واحد صاحبى !!!! مواتير هيونداى مواتير جودتها معروفه انا كان معيا اكسنت 1500 القديمه عملت 300000 وملعبتش فى الموتور وبعتها ولما بتسخن موتورها كان بيفصل وموتور الفيرنا كان قبل كده فى الماتركس والالنترا الشكل القديم والاخيره دى بالذات عليها الطلب والفيرنا بقالها 9 سنين اهو مسمعناش التخاريف دى
بصراحه في اراء كتير مش مظبوطه خالص يعني الكلام عن ماتور الفيرنا مش اكتر من فتي بدون وجهه علم احنا في الشركه الي شغال فيها جايبين 3 عربيات لانوس وعربيه فيرنا والاتنين قريبين من بعض بس بعد 150000 كم الفيرنا متفوقه بمراحل من حيث الاعطال وكمان الشكل الخارجي العربيه الانوس متعرفش فيه ايه بقه شكلها غريب انبعاجات غريبه في العربيه كلها مخليا شكلها مش تمام خالص وكما في حاجه انا مقيم في الغردقه وكل التاكسي هنا تقريبا بنسبه 95 % فيرنا وانا شوفت بعنيا عربيات فيرنا عامله 500000 كم وشغاله زي الفل وده الي شجعني اشتريها اما الكلام عن الثبات معقول بس لازم نفهم ان في حاجه اسمها فئه يعني شوف هتدفع كام واطلب من العربيه علي اد فلوسك وشكرااا
احيي اصدقائي على ردودهم جميعا
احب اضيف معلومة بسيطة بس
الفيرنا بداية من موديل 2010 بقت اعلى مما كانت عليه والشكمان بتاعها اترفع
فبالتالي الشكوى من ان العربية واطية وبتحك في المطبات اختفت مع موديلات 2010 و موديلات 2011 واكيد الموديلات الجاية
مع الوقت بيحاولا يعالجوا مشاكل العربية واحدة واحدة
نفس الموضوع كان بيحصل معايا قبل ما اجيب عربيتي ..
بس هقولك على حاجه اكتشفتها بعد تفكير بسيط و حسبة بسيطه جدا .. ( انا بجد حسبتها بالورقه و القلم )
- لقيت تقريبا 85% من الناس اللي بتقول كده --> معندهمش عربيات اساسا !! و كل علاقتهم بالفيرنا انهم شافوها او اجروها يوم او جربوها ساعه من واحد صاحبهم ... و طبعا عايزين في الساعه دي يعملوا بيها كل حاجه و العربيه تطير كمان بيهم و تلف الكره الارضيه في نص ساعه عشان تبقى عربيه جامده ( لاحظ ان الناس اللي بتبقى كل علاقتها بالعربيات مجرد تجارب من معارفهم بيبقوا برضوا مجربين عربيات عالية جدا .. اكيد الفيرنا مش هتنافس الحاجات دي في وجهة نظرهم )
-حوالي 5% من الناس بتبقى ناس ربنا كارمها و معاها بي ام و اوكتافيا او حتى لانسر (عربيات في الفئات العاليه يعني ).. طبعا الناس دي لما بتركب الفيرنا اكيد بتبقى في وجهة نظرهم زبااااله !! و ده شيء طبيعي .. تخيل واحد متعود ياكل كافيار كل يوم و جيت في يوم اديته ورك فرخه ... هيقولك ايه القرف ده ... مع ان الفراخ حلوة جدا على فكره يعني (:
- حوالي 8% بتبقى ناس بجد معلوماتهم عن العربيات زي معلومات عم عبدو البواب عن اللغه اليابانيه القديمه في العصر الجليدي ... فتي بشكل لا يمكن تخيله
- الباقي و دي نسبه قليله جدا بيبقوا فعلا ناس ليهم تجارب سيئه جدا مع الفيرنا و بيبقوا صادقين ... بس انا شايف ان ده شيء طبيعي جدا لان حتى ارقى الماركات اللي في العالم بتحصل فيها مشاكل في نسب قليله .. مفيش حاجه جودتها 100%
لاحظ كمان ان الشيء المنتشر جدا بتسمع عن عيوبه كتير لكن ماتسمعش عن مميزاته ... هقولك ازاي
تخيل ان من كل ميه جابوا فيرنا حصل لاتنين منهم مشاكل معينه ...
اللي هيحصل انك هتلاقي موضوعين زي الزفت عن الفيرنا ... لكن مستحيل هتلاقي 98 موضوع بيشكروا في الفيرنا .. ده حتى احنا في ثقافتنا بنحب ديما نبين ان حاجتنا مش حلوه اوي و فيها عيوب .. "يقولك عشان العين" !!
طيب تعالى احسبها معايا بقى لو قلنا ان مبيعات الفيرنا 20000 مثلا في السنه ( مجرد رقم عشان الحسبه )
و مبيعات عربيه تانيه هنفترض انها اسوا من الفيرنا 5000
بما ان العربيه التانيه اسوا من الفيرنا ازن هيبقى فيها اعطال اكتر نقول نسبة الاعطال 5%
5 * 5000 / 100 = 250 ... يعني هتسمع 250 رأي زي الزفت عن العربيه دي
تعالى بقى للفيرنا اللي المفروض انها احسن .. يعني نقول نسبة الاعطال 2.5% ( النص )
2.5 * 20000 / 100 = 500 !! يعني هتسمع 500 رأي زي الزفت عن الفيرنا ... مع انها في الحقيقه نسبة أعطالها أقل !!
من الاخر كده قارن ما بين كل العربيات في الفئه السعريه دي ... و بص لامكانياتها في حدود السعر ده .. و استخير ربنا و لو ارتحتلها هاتها اوتوماتيك لو تقدر ... صدقني احسن بكتير
و مش هتندم (:
معلش انا طولت اوي
+1111111111
والله انا كنت مستنيك ترد قبل ما اتكلم .. الله ينور يا دكتور :satelite:
فعلا الفيرنا افضل بكتيييير من اللانوس..واحب اقول للناس اللى بتقول انك مش هاتعرف تعدى 110 او 130 سرعة انى انا و ناس تانى كتييير بنقفل عدادها فى كل مشاوير السفر تقريبا و مش عايز اقول على انواع العربيات اللى بطلع منها (بسهولة) علشان مانفتحش باب الخناقة المعتادة :beatdeadhorse5: