الموضوع: مشكله في الدهان

المشاركة الأصلية كتبت بواسطة fady_anis

انا برضه عندى المشكله دى فى الاكصدام الخلفى
اكيد المصرى لازم يكون له لمسه فى التقفيل يعنى بس الحمد لله انها فى البلاستيك ممكن يوم ما شكله يبقى مش حلو يترش من اول وجديد

بس يعني الواحد بيصعب عليه حاجات زي كده بتبوظ شكل العربيه خالص وفعلا لازم المصري يكون ليه لمسه تنكد علي اخواته

المشاركة الأصلية كتبت بواسطة ahmed.tv

اطلع على التوكيل واقولهم عليها عشان يصوروها

انا عملتها لواحد زميل لينا فى التوكيل .ز مركز خدمة ابورواش .. والمهندس قالى ولا نصور ولا تستنى .. وحعملهالك ودى

بس قالى ان صاحب العربية كان حاكك الجزء اللى المتقشر ده وعشان كدا لما كان سابيه وده غلط قشر كله .. وده حال اى بلاستيك

او ما تلاقى حاجة اتحكت حاول تعملها ومتسبهاش عشان متجرش وتضف اللى حواليها

وانت بتعمل صيانة قولهم عليها

تحياتى

ان شاء الله يا ابوحميد مع اول صيانه هوريهلهم ان شاء الله واشوف هيقولوا ايه

المشاركة الأصلية كتبت بواسطة walidadel

هو عموما مالهاش علاقع بالتقفيل المصري انا عربيتي 2008 و تقريبا الاكصدام الامامي متكسر و متخرشم و متبهدل جااااااااااااامد و ليسه البويه ماطلعتش منه اصلا الحمد لله
دي مشكله فرديه سوء دهان الاكصدام بس حضرتك فعلا لو طلع من قوة المسدس بتاع البنزينه ممكن تروح التوكيل زي احمد ماقال و هما هايعملوه لانه سوء دهان منهم
انا عمري مابغسل العربيه بالمسدس ده و الدهان بتاع الاكصدام كويس

معلومه لحضرتك كده المسدس ده من اضر الاشياء علي العربيه عايز تعرف ازاي والعربيه مرفوع مثلا او بتغير زيت بص من خلال الاكصدام من عند النمره الاماميه و الحته اللي باينه من سربنتينة التكيييف هتلافي الريش بتاعتها متنيه من الميه علي اختلاف الجزء من سربنتينة التكييف اللي ورا صدر العربيه و اللي بيصعب وصول قوة اندفاع الميه لها
انا عندي لاقيتها مره وانا في التوكيل فبسال الفني ايه ده قالي دا طبيعي طالما بتغسل العربيه بالمسدس الغبي بتاع الميه اللي في البنزينه هو بيعمل كده فيها

معلومات حضرتك قيمه جدا وانا فعلا بخاف من المسدس ده بس ما توقعتش انه يكون ليه التأثير ده يالله الحمد الله وشكرا لمعلوماتك جداااااااا