عرض للطباعة
ازيكم يا شباب
اخباركم ايه؟
اتمنى تكونوا بصحة جيدة
قد تضطرني الظروف في الايام القادمة اني ازور المحافظات دي شغل
المنصورة
العريش
دمياط
السويس
السويس انا اعرف طريقها وروحتها قبل كدة بالعربية
يا ريت تقولولي همشي ازاي والسرعة القانونيةللطريق كام وهل فيه رادار اصلا واللا لا لكل واحد فيهم
وشاكر جدا ليكم
والمسافة طبعا كام كم من القاهرة من الدائري تحديدا ! :b4_611:
معرفش المنصوره تتراح ازاى
العريش و دمياط هتطلع من الدائرى على الاسماعيليه الصحراوى و تكمل لحد اسماعيليه و تمسك طريق بورسعيد ...
العريش: فى نص طريق بورسعيد قبل القنطره كوبرى السلام (هتشوف يفط و تعدى من تحته و تلف يوترن بعيد شويه و ترجع تاخده) بعد الكوبرى هتلاقى طريق العريش و فى يفط ... المسافه حوالي 120-130 كيلو للكوبرى و معرفش العريش بعد الكوبرى بكام بس حوالى 120-150
دمياط: هتكمل و قبل بورسعيد ب 10 كيلو هتلاقى يفط للدائرى بتاع دمياط (فى بنزينة موبيل على الشمال هتلف يوترن قريب و ترجع تاخد الدائرى ده) هيلف بيك حوالين بورسعيد و تمسك طريق دمياط ... المسافه لحد بورسعيد حوالى 180 كيلو و لدمياط 80
توصل بالسلامه
شكرا جدا يا محمد باشا
شاكر جدا لتعاونك يا جميل
الحمد لله الرحلة دي اتلغت واشكرك جدا على المعلومات القيمة دي
شكرا جدا ليك
المنصورة سيادتك هتاخد الدائري وتنزل نزلة اسكندرية الزراعي و تستلم الطريق على طوووووووووووووووووووووول مرورا بقليوب قها طوخ بنها وعند بنها سيادتك هتلاقي مصانع توشيبا على شمالك فتبدا من هنا تخلي بالك....هتلاقي كوبري من الكباري لافف بيك شوية شمال في مطلعه...الكوبري ده هتنزل منه وقبل آخر النزلة هتلاقيه بتتفرع تفريعة كبيرة لليمين ومكتوب عليها المنصورة....هتنزلها وتمشي جنب الكوبري وتعدي الطريق وتاخد شمال على طووووووووووووووول هتعدي على كفر شكر وميت غمر وأجا وبعد كده المنصورة....يعيب الطريق ده وجود مطب عند كل قرية وان هو شوية ضيق
ممكن تاخد سكة تانية هتبقى اطول بحوالي 20 كيلو....بانك تكمل الطريق بعد بنها على طول وتعدي على قويسنا بركة السبع طنطا وتنزل الكوبري العلوي اللي في مدخل طنطا وتدخل يمين وتمشي على طول وتعدي الطريق اللي تحت الكوبري وتاخد شمال...وتمشي على طول المحلة الكبرى سمنود المنصورة
اى خدمه يا باشا ... اديك عرفت الوصفه تحسبا ان الرحله تيجى تانى :)اقتباس:
المشاركة الأصلية كتبت بواسطة ashraf_ibrahim