كوريك لرفع السيارة بتاع محطة غسيل

**elpasha009** · 30-04-2008 07:36 PM

يا جماعة أنا والدي عنده قطعة أرض في موقع متميز جدا وكان عاوز يعملها محطة بنزين بس للأسف طلعت مش مطابقة للمواصفات علشان عرضها ناقص حوالي 2 متر:)
المهم قرر إنه يعملها محطة خدمة كاملة يعني تغيير الزيت وغسيل وتشحيم واللازم منه.
المهم في معرض أخبار السيارات تقريبا أو الأهرام كان فيه شركات كتيير عندها المعدات اللازمة زي كوريك الرفع ومكن التشحيم والحاجات ده فهل ممكن حد يديلني على أي شركة متخصصة في الحاجات ده:) أو أي حد عنده خبرة في المواضيع ده ممكن يساعدنا.
وشكرا مقدما

**Mzeid** · 30-04-2008 08:17 PM

بص يا باشا خد عندك
RADI International
تجهيزات و معدات مراكز الخدمة و الصيانة
radi@radi.com.eg
http://www.radi.com.eg
ت : 22 / 44 / 37489533 - 02 - 002
5 / 6021260 - 010

و دة اللي أنا فاكره دلوقتي إن شاء الله لما أفتكر الباقي أبقى أضيفهم إن شاء الله ..
أتمنى أني أكون أفدتك ..
:):)

**crazylambada** · 30-04-2008 08:29 PM

بص معرض اوتوماك اخبار اليوم للسيارات يوم 8/6
روحه حضرتك و حتلاقي تحهيزات كاملة بكل هذه المعدات

**nasr-eldeen** · 30-04-2008 08:34 PM

السلام عليكم
ممكن ياباشا تنزل شارع الجمهورية بين رمسيس والعتبة هتلاقي حاجات كتير تهمك
منها الكمبروسر واحسنهم حجار وهتلاقي مكن الغسيل وأفضلهم كارشر الماني
ولو تحب كمان ممكن تنزل 6اكتوبر عند محطة ليلة القدر هتلاقي محلات بتبيع كل حاجة واسأل واتأكد لان الحاجات دي سألت عليها من فترة كانت الافضل في السوق
وربنا يوفقك انت والسيد الوالد
على فكرة احنا ماشيين في تجهيز محطة بنزين عندنا في الهرم وحصلنا على الرخصة والحمد لله

**elpasha009** · 30-04-2008 08:38 PM

مش عارف أقولك إيه يا أخ CAMARO بجد إنت أفدني جدا وياراب تفتكر الباقي قريب:)
على فكرة أنا كمان من طنطا من أخر البحر عند سنتر صلصة:)
أستاذ crazylambada شكرا ليك بس المشكلة إني هبقى خارج مصر في هذه الفترة وبعدين والدي معندوش خلق على الحاجات ده هو عاوزني أجهزله كل حاجة قبل ما أمشي.

**elpasha009** · 30-04-2008 08:41 PM

ألف مبروك يا أستاذ nasr-eldeen المحطة :) بس بالمناسبة هو عرض الأرض عند حضرتك قد إيه؟؟؟وخلصت تبع شركة إيه؟؟؟؟

**Mzeid** · 30-04-2008 08:49 PM

المشاركة الأصلية كتبت بواسطة elpasha009

مش عارف أقولك إيه يا أخ CAMARO بجد إنت أفدني جدا وياراب تفتكر الباقي قريب:)
على فكرة أنا كمان من طنطا من أخر البحر عند سنتر صلصة:)

يا عم متقلش أي حاجة إحنا أخوات برضه مع إني طبعاَ أصغر و إن شاء الله أفتكر لك الباقي .. :) .. و على فكرة أنا في آخر النادي جنب طنطا سكان ..
:):)

**اسلام المصرى** · 30-04-2008 08:50 PM

بسم الله الرحمن الرحيم
فكرة ممتازة و الله , ربنا يوفقكم و ان شاء الله نبقى نيجى عندكم :)

**elpasha009** · 30-04-2008 09:06 PM

يا أستاذ اسلام حضرتك تشرفني طبعا إنت وأعضاء نايل موتورز في أي وقت طبعا بس للأسف المكان هيبقى في بلد فلاحين جمب زفتى بس هي على طريق رئيسي جدااااااااااا.وطبعا الزيارة لن تخلو من واجب الضيافة وهو الفطير البلدي من صنع جدتي والجبنة المش والعسل ولو كنا في موسم الدرة يبقى درة مشوي وإنت قاعد في الغيط مباشرة على الحطب:)

**Karim_Monir** · 30-04-2008 09:50 PM

المشاركة الأصلية كتبت بواسطة elpasha009

يا أستاذ اسلام حضرتك تشرفني طبعا إنت وأعضاء نايل موتورز في أي وقت طبعا بس للأسف المكان هيبقى في بلد فلاحين جمب زفتى بس هي على طريق رئيسي جدااااااااااا.وطبعا الزيارة لن تخلو من واجب الضيافة وهو الفطير البلدي من صنع جدتي والجبنة المش والعسل ولو كنا في موسم الدرة يبقى درة مشوي وإنت قاعد في الغيط مباشرة على الحطب:)

يوووووب
فطير وعسل وبتقولها كدة في وش اسلام
عموما انا اخو اسلام الصغير
ممكن حتة بتاااااو وسيبك من الدرة ونفخ البطن وخليك في المفيد
ها ها ها
دايما عامر

الموضوع: كوريك لرفع السيارة بتاع محطة غسيل

LinkBack

أدوات الموضوع

عرض

-

-

-

-

-

المواضيع المتشابهه

غسيل موتور لانسر فى محطة البنزين

استخدام الكوريك لرفع السيارة

ماهو افضل كوريك لرفع السيارة من حيث الحجم والوزن والنوع ؟

سؤال عن غسيل العفشة فى محطة بنزين ؟

ما هى افضل محطة بنزين يمكن غسيل السيارة فيها بالكامل ؟

الكلمات الدلالية لهذا الموضوع

المفضلات

المفضلات

ضوابط المشاركة