سؤال بخصوص فيرنا اوتوماتيك

**sVerna** · 26-06-2011 06:21 AM

انا معايا فيرنا 2011 اوتوماتيك لسه ماكملتش 15 يوم
في حاجه بتحصل مش عارف هي طبيعية و لا انا عندي حاجه غلط ..
بحس بالنقلات و كان العربيه بتنتش نتشه بسيطه كده .. و حصل اكتر من مره اني بحس انها بتفضل على التالت حتى في سرعات عاليه اوي و مره ار بي ام وصل 5000 و صوت الموتور علي اوي و كانت سرعتها تقريبا 120

هل ده طبيعي ؟

**memo823000** · 26-06-2011 06:50 AM

طالما حاسس بحاجة مشطبيعية يبقى تطلع على التوكيل احجز اعطال وخليهم يشيكو على الفتيس
ومتقولش حاسس
قولهم الفتيس بينتش وعلق منى على النقلة التالتة وهما هيكشفو كمبيوتر ولو فيه حاجه يتغير فورا مفيش اى مشكلة
وبرده استنى راى بقيت اعضاء هيونداى هما اكثر منى درايه بالفيرنا
انا قولت اصبح وارد عليك لحسن تقلق او تروح لحد يلعبلك فى العربيه
وصباحك فل

**Screenplays** · 26-06-2011 07:15 AM

لحظه ال Shift بيحصل نتشه بسيطه ده طبيعي بس مش طبيعي انها تجيب 120 بالتالت فروح التوكيل افضل

**sVerna** · 26-06-2011 08:09 AM

المشاركة الأصلية كتبت بواسطة memo823000

طالما حاسس بحاجة مشطبيعية يبقى تطلع على التوكيل احجز اعطال وخليهم يشيكو على الفتيس
ومتقولش حاسس
قولهم الفتيس بينتش وعلق منى على النقلة التالتة وهما هيكشفو كمبيوتر ولو فيه حاجه يتغير فورا مفيش اى مشكلة
وبرده استنى راى بقيت اعضاء هيونداى هما اكثر منى درايه بالفيرنا
انا قولت اصبح وارد عليك لحسن تقلق او تروح لحد يلعبلك فى العربيه
وصباحك فل

صباحك ورد

متشكر اوي على ردك السريع و اهتمامك ...

المشاركة الأصلية كتبت بواسطة Screenplays

طالما لحظه ال Shift بيحصل نتشه بسيطه ده طبيعي بس مش طبيعي انها تجيب 120 بالتالت فروح التوكيل افضل

هو الموضوع حصل مره واحده بس .. مش عارف استنى لحد صيانة الالف (انا عامل 600 لحد دلوقتي) و لا دي ممكن تبقى حاجه خطيره و لازم اروح حالا ؟؟ و هو خطر ان ال الار بي ام تعلى لحد 4 و 5 ؟

شكرا

**Screenplays** · 26-06-2011 08:29 AM

المشاركة الأصلية كتبت بواسطة sverna

صباحك ورد

متشكر اوي على ردك السريع و اهتمامك ...

هو الموضوع حصل مره واحده بس .. مش عارف استنى لحد صيانة الالف (انا عامل 600 لحد دلوقتي) و لا دي ممكن تبقى حاجه خطيره و لازم اروح حالا ؟؟ و هو خطر ان ال الار بي ام تعلى لحد 4 و 5 ؟

شكرا

مقدرش احكم علي حاله الفتيس لان مشفتش حاجه بعيني بس عموما روحلهم قبل معاد صيانه الالف بس احجز الاول و طالما عداد ال rpm مدخلش في الRed Zone يبقي مفيش خطوره

**HOSSAM99** · 26-06-2011 08:38 AM

حصل معايا قبل كده حاجه شبه كده في الماتريكس أوتو (نفس موتور و فتيس الفيرنا )
و كانت المشكله متمثله في نتشه في الثبات بين الغيار الـn و الـd و الـn و الـr و كمان نتشه في الحركه و العربيه بتنقل للـغيار الثاني
أما أر بي أم يعلي فمكنتش موجوده

و المشكله بكل بساطه زي ما شرحت مهندسة الصيانه إن في حاساسين للفتيس مبيدوش الأوردر صح أو بتزامن مناسب و علي فكره العربيه عندي كانت عامله كيلو متر قليل (8000) كم _ و إستنتجت منها إن تلف الحساسين ملوش علاقه بالكيلومتر أو الإستخدام

و أنصح حضرتك تحجز و تطلع علي التوكيل

و الكلام يبقي بالتأكيد يعني (فيه نتشه في الفتيس في الحالات كذا و كذا و الأر بي أم بيعمل كذا و العربيه مكنتش كده )
و إن شاء الله هايتغيروا في الضمان
و أهم شئ قبل العربيه ما تخش الورشه و المهندس بيستلمها تجربها و توريله العيب و يكتب في الإستلام إنه شاف العيب
و و العربيه طالعه تجرب العربيه قبل التسليم و تشك عليها كويس جدا إن العيب راح و تخلي المهندس يكتب إن العيب كان من كذا و كذا و تم علاجه بتغيير كذا
و لا تقلق إن شاء الله خير
بالتوفيق

**bentrewsha** · 26-06-2011 09:16 AM

شيك كويس على العربيه قيل ماتطلع من عندهم

**verna2008auto** · 26-06-2011 09:36 AM

لو سمحت....
قبل ما تروحلهم ... شيل الوساوس دي من دماغك وحاول تستنا شوية ( ماهى العربية في الضمان )

عن خبرة ...
ممكن تجرب اللي انا با قولهولك ده

السيناريو كالتالي

النهاردة الصبح اهه وركنت عربيتك في شارع مستقيم شوية ( دة انتا يعني لو حبيت تجرب كلامي )
1- دور العربية وهيا علي ال p وانتا شايل رجلك من كل حاجة ( يعني مش فرامل ولا بنزين )
2- استنا شوية يعني علي الساعة بتاعت العربية حوالي 2 الي 3 دقائق
3-ياريت تكون ركنتها علي طريق مستقيم علشان تحس باللي انا باقولهولك
4- دوس فرامل علي الاخر ( كل ده وانتا علي ال P ) وخليك دايس لغاية ما تشد الدراع الي ال D
5- شيل رجلك بالكامل من علي الفرامل ( طبعا قدامك طريق مستقيم ) سيب العربية تمشي سنة سنة بدون بنزين
6- ابتدي حط رجلك وحده وحدة علي البنزين وعينك علي الطريق وال RPM ها تلاقية بعد 10.000 وبين ال 15.000 لفة في الدقيقة وهوا في الطالع
7- حاول تخلي العربية دايما تاخد بنزين سنة سنة مش كبس
واخيرا عاوزك تظبط العربية علي سرعة 80 كم وتشوف العداد لازم ها يبقا علي 20.000 والعربية مستريحة
حاول تزود سرعتك شوية بسنة بنزين لعاية 90 او ال 100 كم هاتلاقي الRPM علي 30.000

لو انتا وصلت للمراحل دي من غير ما تشعر بنتشة في اي حتا (( يبقا اتكل علي الله عربيتك زي الفل ))

انصح بعدم الزهاب الي اي مكان لفك او تركيب او تصليح الفتيس
فقط الكشف بالكمبيوتر
وإنشاء الله خير .. وابقا طمني

**د.محمود صلاح** · 26-06-2011 10:28 AM

ما تنساش ممكن يكون زرار الاوفر درايف شغال .. لازم توقفه .

وهو الزر المسؤول عن تثبيت السرعة الثالثة للفتيس وعدم النقل للرابعة عشان يدي عزم قوي للسيارة في حالة التجاوز