شكرا ع المعلومات ديه ياعم حماده وانا ان شاء الله اعرف كهربائى هعمل زيك واروحله جايز يشوف ليا حل فى المشكله ديه وربنا يسهل ويكون خير ان شاء الله
عرض للطباعة
يا جماعة أنا لسه شاري العربية ومازالت من غير نمر لسه!! ماتخوفونيش منها لو سمحتم!! وشكرا
السلام عليكم
تكييف الاوبترا ضعيف و عن تجربة و انا عندي نفس الموضوع بالضبط و لما تقارنه بتكييف الهيونداي علي سبيل المثال تلاقيه اقل بكتير
مش عارف بس اكيد فى مشكلة عند حضرتك فى الفلتر او فى الفريون انا عندى التكيف تلاجة و فى عز الحر من الساعة 2 ل 4 مبقدرش اجيب الدرجة التالتة فيه علطول على 2 و 4 بصراحة لسه مجربتهاش و لو جربتها حتجمد .و بالليل التكيف كبيره على واحد لو جبت اتنين حتتجمد برضه .
علي فكره تكييف الاويترا ممتاز بس السياره بتحب الصيانه الدوريه في كل الاوقات و قطع غيار اصلي عمرها متهينك بس المهم في حكايه التكييف اللي بتقول عليها جرب امشي في طريق مفتوح و شوف لو بروده جتلك و انت علي درجه 1 يبقي التكييف تمام لو مجبش يبقي فعلا البلف عايز يتغير و انصحك متعملش اي حاجه في العربيه بره لان لو اكتشفوا في التوكيل ممكن تلاقي عربيتك بكل بساطه خرجت من الضمان شوف انت تروح التوكيل تاني بعد متجرب و اعملهم قتل و هددهم انك هتبعت شكوي لمركز جنرال موتوز اللي في دبي و ده المركز الاقليمي المسئول عن الشكاوي في الشرق الاوسط كله هيخربوا بيتهم و مش هيسبوك لو الشكوي محلوله
كان عندى نفس المشكلة، التكييف فى البلد ممتاز و على الطوالى بيفصل و يعمل ثلج و انا بانزل من شرم مرة كل شهر تقريبا و بسافر فى عز الضهر و بنتعذب،المهم رحت النهاردة منصور مدينة نصر، الباشمهندس كبير الكهربائية كشف و قال الصبى روح هاتلى بلف كمبريسور من المخزن، راح و رجع قاله مفيش، راح مفرغ دورة الفريون و شحنها اقل، يعنى طلعت 640 راح شحنها 410 و قالى كده هيتعدل علشان المشكلة كانت فريون زيادة، انا كنت مزهول، ده انا واقف جنبك و سامع كل الحوار، يعنى استهبال رسمى، رحت لمدير المركز و قلبت الدنيا، عمل كام تليفون و قالى البلف موجود فى التجمع الخامس و لو رحت هيركب فى 10 دقائق، و فعلا رحت و ركب فى ربع ساعة و شحنوا فريون، ان شاء الله هجرب بكرة فى السفر.