علي ما أعتقد الأول للإستخدام العادي و ملوش صوت و أنعم
أما الثاني أقوي و للإستخدام الرياضي
(تقريبا)
عرض للطباعة
التورنزا أنعم و أهديو راحه ده بالاضافه انها سوبر سيلت
البوتنزا low profile يعني 55 و انت نازل ف أقل في الراحه بس م أقولكش بقي الثبات عامل ازاي كفايه الفيديو بس أغلي بحوالي 100-150 جنيه في الفرده الواحده
المقاس اللي انت طلبه ده ال225/45 مش أقل من 850-900 الفرده ان ما كنش أغلي
ال205/55/15 بوتنزا عامل 735 أو 835 حاجه كده !!
التورانزا بقت ب800 والبوتنزا ب950ج مقاس 16/205/55
محمد محمد : انا لسه سائل من شهر باين هي غليت ؟
طب يا جدع سيبني أفرح انا و أبو زياد ما تقولناش في وشنا كده :]
أبو زياد : شكلنا هنحوش حبه حلوين لما زيزو يبقي 4-7 شهور كده :]:]
انا موافق علي موضوع زياد يغيره :]
أكون انا كمان اتجوزت و خلفت و يتعاملوم هما بقي مع بعض
انا هأجنط ان شاء الله 16 و الجنط اللي فيها أصلا 15 يوجد فرق ارتفاع و عرض بس نجيب تمن ال4 و بعدين ندور علي الخامس :]
ممكن هأخترع و أركب فرده استبن تبقي نفس العرض و أظبط مقاسها عشان تبقي نفس الارتفاع عشان لو غيرتها و مافيش مكان قريب أصلح فيه بس مش هتبقي نفس النقشه و ده المشكله ....
ادي اخره اللي يدخل هندسه بيعد يخترع و يفكر !!!
ماشي يا محمد محمد
ما تزقش بس عرفنا انه غلي :'(
حسبي الله و نعم الوكيل
بما انى عندى المقاسين
الفابريكة 195\65\15 ومركب جنوط مومو 225\45\17
طبعا ايا كان نوع الكاوتش اللى هتجيبة هيكون ناشف وهتحس باى حاجة فى الطريق
يعنى اعمل حسابك ان العربية هتكون انشف من الاول هتحتاج تحسس عليها فى المشى وبالذات لو شوارع مكسرة وطبعا المطبات والنقر والذى منة تاخد بالك منهم كويس جدا علسان الجنط ميتنيش
من الاخر الجنط دة مش بتاع جرى فى مصر عايز تجرى يبقى فى طريق مفتوح وتكون عارفة علشان المطبات والنقر
طبعا هيبقى حمل على العفشة ومع الوقت هيأأثر عليها وهتحتاج تربط على فترات اقل
فى المقابل العربية لزقة فى الارض وشكل جامد
الكاوتش فى منة انواع كتير اللى فاكرهم
رودستون كانت تقريبا 500
بريدجستون ادرينالين حوالى 1200 جنية
اولا شكرا على ردك المريم
1200 هو عمال يغلى هنا على المنتدى بمعدل 100 جنيه فى اليوم
امممممممممممممممم
1200 X 4 يعنى 4800
امال هنجيب الجنوط بكام :untitled 1:
ممكن تقوللى لو انت مجنط قريب الجنوط المومو بكام وصينى وللا ايطالى؟ والرودستون دا ايه؟ والهانكوك بقى بكام؟
:B4_611:
اخبار جديدة
امبارح سألت عن الكاوتش عند محل فى الحى السابع م نصر
الكومهو 17/225/45 الفردة بــ 650 والكونتينينتال نفس المقاس بــ 1000 جنيه
بردو مصمم علي ال low profile بس انا مش ضدك والله ولا ليا مصلحه بس وجهه نظري في الاتي الكاوتش الرفيع ده هتحس بالطريق كانك ماشي لابس جزمه فلات و بعدين اسأل صحاب السيراتو الجنط ال17 عامل ايه معاهم و البلالين و شوارع المحروسه الجميله بالمطبات الجميله
خليك في ال55 بحيث انك تبقي واخد شكل الكاوتش الرفيع و في نفس الوقت العفشه ما تنشفشي و تبقي متعبه و ده رأي شخصي انا عن نفسي ان شاء الله ناوي علي ال205/55/15 عشان لا أبوظ عفشه ولا أكره نفسي في الشوارع المكسره و ده أقرب مقاس للفبريكه عشان ما أقصرش عمر العفشه
انا كريم يا راجل يا طيب زي ما مكتوب في التوقيع يا أبو زياد :d:d:d
اشكاله تحفه طبعا انا بأتحسر لما بأشوف الجنوط عند حماده غزي عشان الالنترا أخرها 16 بس متهايقلي ممكن تشوف شكل جنط 16 و تطلب هو يجيبهولك مش متأكد بس اسأل فيها ده بس طبعا كله بتمنه
أيوا بس فلات عن فلات يفرق لما تجيب فرده ب1000 و تاخد نقره ولا حفره تجيب بالونه في الكاوتش و تضطر تغيره ......و يردو ما جبتليش المقاسات من عندك في العربيه
و معلش علي التأخير بس بأنزل الموقع و كمان خدت أجازه فكنت بعيد عن النت و المنتدي خالص و ربنا يوفقك في اختيارك ان شاء الله و مبروك مقدما علي الكوتشي الفلات لجديد ;)
انا اسق يا كريم باشا
العتب على النظر
انت بتقلقنى من ال17 بس مشكلة ال A4 ان ابعادها رخمة اوى 5X100 والاشكال فيها بسيكة جدا فلو شفت ال16 هلاقى شكل او اتنين بس
وبدعين انا عندى جنظ 15 يعنى مش هحس بفرق جامد لو غيرت ل16
انا اللى مكتوب عندى على غطا التنك
r15/65/195
r15/65/205
r16/55/215
بس انا شفت ناس كتير على النت مركبه لغاية 18 معظمهم والVRS بتنزل ب17، مس عارف اعمل ايه..
استعد بقى ممكن ننزل الشهر الجاى وللا حاجة
ولا يهمك يا أبو زياد مفيش أسف بين الاخوات
لا الشهر الجاي ايه, الكاوتشات اسعارها عماله تغلي و حاجه يعني تحرق الدم و لسه ما شفتش جنوط شدتني !!
انا كمان مزنوق في الكاشات و شهر رمضان كل سنه و انت طيب ;)
أجي معاك أتشرف بمعرفتك و لف مع بعض اشطه نروح أرابكوم و محل حماده غزي الجديد اللي في مدينه نصر عند الاسواق الحره بس تجيب زياد معاك لكن شرا انا لسه شويه عليا للاسف
المقاسات بقي علي ال 17 زي ما انت عاوز
195/55/17
215/50/17
225/50/17 و ده العربيه هتعلي تقريبا 7 مم يعني أقل من 1سم
225/45/17
مش بأقلقك والله بس أنا بأحط نفسي مكانك و بأقولك اللي انا كنت هأعمله و علي العموم لو نزلنا و شدنا جنط 16 و عجبك هاته و المقاس ساعتها يبقي
225/55/16
225/50/16
و بردو " دبل تشيك " علي المقاسات اللي بأكتبها
يا كيمو تسلم ايديك
وكل سنة وانت طيب
انت تنور يا باشا والشرف لى انا
ان شاء الله لما اجى انزل هقوللك وننزل مع بعض
بص انا لقيت على الtire calculator الحاجات دى
Specification Sidewall Radius Diameter Circumference Revs/Mile Difference
195/65-15 5.0in 12.5in 25.0in 78.5in 807 0.0%
225/50-17 4.4in 12.9in 25.9in 81.2in 780 3.5%
225/45-17 4.0in 12.5in 25.0in 78.5in 808 -0.0%
225/55-17 4.9in 13.4in 26.7in 84.0in 754 7.1%
225/50-16 4.4in 12.4in 24.9in 78.1in 811 -0.5%
النسبة لازم ماتكونش اكتر من +/- 2.5%
يعنى انسب حاجة 225/45-17 و 225/50-16
وربنا يسهل
انا عندى ال 225\45\17
طبعا شكل جامد , بس اعمل حسابك تمشى بالراحة ومفيش جرى واعمل حسابك ان المساعدين اللى اودام هيتظبطوا يعنى هتغير على فترات اقل
نصيحة ابعد عن نقشة الشجرة , صوتها خشن
العربية لازقة فى الارض
هتحس بشوية تنطيط خفيف فى مطبات الهوا
الجرى لو طريق نضيف وانت متأكد غير كدة لأ هتبهدل الجنط والعربية , المقاس دة مش صغير
الفكرة مش 16 ولا 17 الفكرة فى ارتفاع الفردة يعنى نسبة الارتفاع للعرض كام دى اللى هتفرق اكتر
كل لما الارتفاع يزيد هيدى فرصة اكبر للفردة لامتصاص الصدمات وطبعا انت مش حر فى ارتفاع الفردة لأنك مرتبط بالقطر الخارجى لمقاس الفردة الاصليىة
الحقنىيا كيمو شكلى هبدأ احوش من اول وجديد
شوفت اللى حصللى
http://www.nilemotors.net/Nile/235563-a.html
يا عم و تسأل ليه ده انا أبويا اللي اسمه أبويا و جايب العربيه ة بيدفع أقساطها لما بيركب معايا. كريم اقفل النور اصل نورها مش عارف ايه الرد البديهي ما تصلي علي النبي يا حاج عشان ما يحسد المال الا صحابه و أمي لما بتركب معايا بتسمي و تقول ما شاء الله
ميش غير ابن ال ........* عندي في الشغل باصصلي علي العربيه مره كاوتش و مره اكصدام حد ريح عليه !!ف بأعامله أقل من الشحات اللي في الشارع لغايه ما بطل يتكلم معايا ." ده مندوب عندنا في الشركه "
المهم الحمد لله علي كل شيء و فدا شعره من راس زياد و بدل الجنوط ادبح بتمنها كله حاجه أو اتبرع و رمضان داخل و شغل القرأن في العربيه كتير و ربنا يرزقك من وسع و يعوضك ان شاء الله