ارجوكوا متناموش، عاوز اشترى كاويتش وجنوط

**Ahmed.Fahmy** · 26-06-2011 10:13 AM

يا جماعة باختصار كدا

انا عاوز اشترى 4 فرد كاويتش 17*225*45 وجنط 17 لعربية اوكتافيا A4

الكاويتش
* أول مرة يتغير واللى راكب فيها 15*195*65 بريللى P6000 وهى فرده جميلة بس بحس لو دوست على صرصار فى الشارع والعربية عفشتها اصلا ناشفة جدا وعاوز اركب حاجة تريحنى من النشوفية والاصوات والتزييئ.

الجنوط
* انا كنت جايب جنوط 15 VRS تايوانى من ارابكوم من سنتين بس عاوز اغيره علشان العربيه فيها بادى كيت ومحتاجة جنوط 17 علشان الشكل يكمل بالمرة، كمان واحد صاحبى اشترى 4 جنوط Used جامدين جدا بتوع اودى ومافيهومش خربوش من الحرفيين.

السؤال بقى:
.... عاوز كاويتش يكون طرى ومريح ومكويس ما يعملش بلالين وسعره مش غالى بالمقاس اللى مكتوب فوق ولو الاقتراح معاه السعر بيقى تمام اوى.

.... هل الجنوط المستعملة دى فكرة كويسة وللا بلاش منها ولو مش كويسة انا بحب الجنوط اللى زى الصورة الللى تحت كدا فيها حتة طالعة لبره منين اجيبها وتعمل كان ونوع ايه احسن.

وطبعا طالما هلبس فى مبلغ هل الكلام دا هيزود الثبات وللا مش اوى؟
وربنا يستر علشان شكلى هلبس جــــــــــــــــــــــــ ــــــمد اوى :(

**Ahmed.Fahmy** · 26-06-2011 09:47 PM

شكرا يا باشا على ردك
انا شوفت منه 17 وكان جاااااااااااااااااااااااا ااااامد جدا
طيب وباقى الحااجات

**Ahmed.Fahmy** · 27-06-2011 10:17 AM

يا جدعان كلكوا نمتوا؟

**Mohamd_Saad** · 27-06-2011 02:59 PM

السلام عليكم
قبل تغيير المقاس ادخل على هذا الموقع واعرف الفرق فى محيط العجلة والتغيير فى السرعة وممكن تعرف انسب مقاس كاوتش للجنوط المرغوبة بدون تغيير فى اساسيات الكيلومتر/ ساعة وارتفاع الكاوتش علشان عدم الاحتكاك بالرفرف
وربنا يوفقك
http://www.kouki.co.uk/utilities/vis...ize-calculator

**Ahmed.Fahmy** · 27-06-2011 08:24 PM

المشاركة الأصلية كتبت بواسطة nfs_206

المقاس اللي حضرتك طالبه ده لازم يكون غالي
ما شاء الله هيليق عليها بس ليه عرضت أوي كده ؟ مش هتأثر علي العفشه كده !؟
المهم هتلاقي المقاس في بريدجستون تقريبا شفته هناك
انا كنت سائل علي 205/55/15 بوتنزا ادرينالين كان عامل 850 الفرده الواحده !!! من غير ضرب ولا شتيمه بس :]
الجنوط بقي بأمانه ارابكوم بأحس حاجته حلوه بس أسعاره في العالي أوييييي!!
حماده غزي بتاع بورسعيد شفت عنده علي ال fb جنوط حلوه بس أسعار ما أفتيش شوف اللي يعجبك و كلمه اسأله كان فيه كلام انه فتح محل في مدينه نصر عند الاسواق الحره كلمه و خد العنوان بالضبط و روح اتفرج مش هتخسر حاجه

الف شكر يا افندم على الرد الجميل
بصراحة انا قولت اللى يخليتى اجيب 215 ما اجيب 225 ويبقى ثبات اكبر وشكل اجمد (أصل انا بحب الكاويتش العريض جدا :)).
فى واحد صاحبى قاللى هات بريدج ستون جامد فعلا بس فى واحد بردو قاللى الهانكوك اطرى.
حماده غزى انا على معرفة بيه وFriend على الFB (لسه كمان جايب من عنده فوانيس ليدات) وهو فتح المحل فعلا ولسه مباركله عليه.

بس فعلا فرق الاسعار من حماده غزى عن ارابكوم كبير.

**Ahmed.Fahmy** · 27-06-2011 08:42 PM

المشاركة الأصلية كتبت بواسطة hossam99

السلام عليكم
أنصح حضرتك بالبريدجستون
كاوتش ناعم لأبعد درجه و ملوش صوت نهائي
(لسه مغير من أسبوع)
4 فرد(185/65/15) أستاندرد الإلنترا يباني من فرع بريدجستون شارع مراد و الفرده بـ565 جنيه و المقاس( 195) ياباني كان بـ605 الفرده (تقريبا)
لكن المقاس المطلوب هايزيد طبعا عن كده

ملحوظه:المقاس المطلوب هو هايعلي الثبات و الإتزان لكن هاينشف العفشه أكثر

أما الجنوط أنا للأسف معنديش خبره في أسعارها أوي أو أنواعها
و بالتوفيق إن شاء الله

الف شكر يا افندم على الرد الجميل
يعنى المقاس دا هيخلى العفشة اخشن من دلوقتى؟

**Ahmed.Fahmy** · 27-06-2011 08:43 PM

المشاركة الأصلية كتبت بواسطة mohamd_saad

السلام عليكم
قبل تغيير المقاس ادخل على هذا الموقع واعرف الفرق فى محيط العجلة والتغيير فى السرعة وممكن تعرف انسب مقاس كاوتش للجنوط المرغوبة بدون تغيير فى اساسيات الكيلومتر/ ساعة وارتفاع الكاوتش علشان عدم الاحتكاك بالرفرف
وربنا يوفقك
http://www.kouki.co.uk/utilities/vis...ize-calculator

الف شكر يا افندم على الرد الجميل
انا دخلت لقيتها تيبيكال الستوك ولا اختلاف فى السرعة تماما