عرض للطباعة
السلام عليكم
عربية اخويا لانوس 2007 عاملة 45 الف كم تم عمل صيانة كاملة على ال 40 الف كم في التوكيل
بالأمس لمبة التشوك نورت وفي نتشة في السحب يا ترى ايه يكون السبب ودي اول مرة تعملها
العربية من ساعة ما جبها وهو بيستعمل بنزين 92 على طول ومحافظ جدا على العربية وجميع
الصيانات تقريبا قبل معادها وفي التوكيل
السلام عليكم
غالبا بوجيهات واو كبلات البوجيهات ولو انت مغيرهم مع الصيانة ممكن يكون فى واحد بايظ او مش راكب كويس افحص بسرعة
طيب يا ريت تحكى ملابسات الموضوع من أوله... يعنى الظروف اللى حصل فيها الموقف دا.. يعنى كانت الساعة كام تقريبآ.. علشان نعرف الجو كان عامل ايه... العربية كانت بتجرى ولا الدنيا زحمة... العربية كانت مخنوقة اوى وزى ماتكون عايزة تبطل ولا عادى..؟
لأن كل تفصيلة حضرتك هتذكرها هتساعدنا
والله الموفق
م/أحمد نبيل
مادام اللمبه نورت يبقى روح اعملها سكان عند اى حد بتاع سكانر و اعرف العيب من ايه ممكن يكون من حساسات معينه
ممكن يكون حساس الشكمان
هو تقريبا بالامس الساعة 11 بليل عادي كان خارج في مشوار بجوار المنزل
وحصل كدا ومكنش في زحمة ولا اي حاجة تذكر دا مشوار جنب البيت مفيش 5 دقائق
وحصل كدا بس هي العربية بتتركن وقت طويل يعني ممكن تعمل 300 كم في الشهر كلوا
عمل كده عندى مرة فى الجولييت - وكان العيب الماب (علبة سوداء فى منتصف صدر العربية الجولييت طبعا) محتاجة تتغير - إنت ما قولتش أنهى عربية اللى فيها العطل؟