المشاكل اى ممكن اقع فيها لما ابيع عربيتى

**dr_radioooooo** · 26-06-2011 01:09 PM

ان شاء الله انا نويت ابيع عربيتى
و كنت عايز اعرف خطوات البيع من ناحية العقد و التوكيل
وايه هية المشاكل و النصب اللى ممكن تحصلى و ازاى أأمن نفسى كويس
غالبا اللى هياخد العربية هعمله توكيل لان العربية فيها لسة رخصة سنة

اخر سؤال
ليه فى بعض الناس لما بتبيع العربية بتشترط التسجيل

معلش و كنت طولت عليكوا بس اخوكوا جديد فى موضوع البيع ده

**engaass** · 26-06-2011 01:27 PM

يفضل البيع بالتوكيل لتأكيد اثبات نقل الملكية ونقل المسئولية من تاريخ البيع او انك تبيع بتوكيل وتمضى المشترى على ايصال باستلام العربية من تاريخه
ايضا فى حالة البيع بالتوكيل وشرائك سيارة اخرى هتدفع ضريبة رفاية لان العربية المباعة هتفضل باسمك فى المرور
خلى بالك من ان فلوس العربية تكون مزورة
يا ريت لو حد يعرف اكتر يقولنا

**dr_radioooooo** · 27-06-2011 12:25 AM

الخطوات اللى انا اعرفها ان البيع هيبقى بعقد ابتدائى و هعمل توكيل للمشترى
و هجيبله شهادة مخالفات و هكتبه ايصال باستلام العربية بالتاريخ و الساعة
و ان شاء الله استلام الفلوس يكون فى البنك عشان تتحط علطول فى الحساب
فى كده حاجة ناقصة
ويا ترى هاخد صورة من التوكيل و العقد ولا اصول

**engaass** · 27-06-2011 01:24 AM

هتاخد صورة التوكيل واصل العقد بس كده لو اشتريت عربية تانية هتدفع ضريبة رفاهية لان العربية المباعة هتفضل باسمك

**rompo10** · 27-06-2011 01:57 AM

ضريبه الرفاهيه من السياره الثالثه

**dr_radioooooo** · 27-06-2011 10:02 AM

طب افرض اللى اخد العربية عمل بيها مصيبة
وكشفوا عن النمر طبعا هيلاقوا الرخصة باسمى
ازاى ميبقاش عليا اى مسؤولية قانونية

**mohamed_rhem** · 27-06-2011 10:15 AM

المشاركة الأصلية كتبت بواسطة rompo10

ضريبه الرفاهيه من السياره الثالثه

اسمحلي اوضح انها من الثانية وانا عندي عربيتين وبدفع ضريبة ترفيهيية

ضريبة الرفاهية من السيارة الثانية وتحسب علي الاعلي في السعة الترية

**mohamed_rhem** · 27-06-2011 10:30 AM

المشاركة الأصلية كتبت بواسطة dr_radioooooo

طب افرض اللى اخد العربية عمل بيها مصيبة
وكشفوا عن النمر طبعا هيلاقوا الرخصة باسمى
ازاى ميبقاش عليا اى مسؤولية قانونية

شوف قدامك اعده حلول

1- تقول حبيع بعقد مسجل وفي الحالة ده بيبقي تقييم العربية علي الاساس ده انه حيرخص وحيفحص ونقل ملكية

2- تبيع بتوكيل ولو اتمضي منه المشتري بيقي قدامة 30 يوم لانه يبيع لنفسه او لغيره ولازم يسجل

3- تبيع بتوكيل للبيع للنفس فقط

4- تبيع بتوكيل مفتوح وده اخطر حاجه وغالبا التجار بيشتروا بالتوكيل ده

اللي فيه البيع للنفس وللغير والتعامل مع المرور الخ

وطبعا من حقه يعمل توكيل تاني واللي التعمله توكيل يعمل بدوره توكيل

حتي اذا مرت السنه تلاقي واحد اصلا متعرفوش جاي يقولك سجلي العربية لو صادفته مشكلة

فأفضل الحلول حل رقم 1 وده حيضيع سنة كان حيستفيد بها مجانا وحيقولك ما استفيد بيها طبعا ده فلوس انت اللي دفعتها مش هو

او رقم 2 علشان يلحق لو في حاجه في العربية محتاجه تتظبط علشان الفحص الجديد

ولو اضطريت لحل رقم 3 اكتب البيع للنفس فقط اما رقم 4 فده مستبعد تماما

وطبعا تخلص الموضوع مرة واحده منعا للمماطلة والتلاكيك

يعني متاخدش منه اي فلوس الا كاملة وفي الشهر العقاري

تكون مجهز شهادة المخالفات و البيات وتاخد فلوسك وتخلص

وتخرج نفسك من حوار ابقيلك فلوس علي ما تجيب شهاده المخالفات ولما تجبها يقوك وديت العربية لميكانيكي

وقالي فيها وفيها وعايزة وعايزة والشغل ده

وحاول تبيعها لزبون مش تاجر وابعد عن اي حد متردد

وفي النهاية ربنا يوفقك

تحياتي

ابو اياد من قسم الديهاتسو

-

-

الموضوع: المشاكل اى ممكن اقع فيها لما ابيع عربيتى

LinkBack

أدوات الموضوع

عرض

المشاكل اى ممكن اقع فيها لما ابيع عربيتى - انشر الموضوع فى :

-

-

-

-

-

-

المواضيع المتشابهه

الحمد لله التوكيل ظبطلى العربية من كل المشاكل اللى فيها

عربيتى ااسبيرانزا m11 فيها بعض المشاكل ارجو الافاده

بعض المشاكل فى عربيتى الهوندا ارجوو الرد السريع من الخبراء

مطلوب نصحى بأحسن سعر ممكن ابيع بيه عربيتى البولونيز

محتاج رأيكم "ممكن تفكروا معايا,,ابيع عربيتى ولا لآ

الكلمات الدلالية لهذا الموضوع

المفضلات

المفضلات

ضوابط المشاركة