والله الحل الامثل هو الغاء الميكروباص

**momomomomo** · 26-06-2011 01:43 PM

والله الحل الامثل هو الغاء الميكروباص بشتي أنواعه فهو السبب الرئيس في عطله المرور والتعويض بدلا منها بأتوبيسات تتبع هيئه النقل العام ويارب المشكله ديه تتحل لانها بجد تعبتنا جدا

**MOUSTAFA_SAAD** · 26-06-2011 05:17 PM

طيب ماهى الاتوبيسات بتسبب ازمه برده خصوصا لو عددها زاد بحجمها الكبير

**raedegypt** · 27-06-2011 12:03 AM

تفعيل خط المترو للعبور مرورآ بالسلام وربطه بشكبه مترو لمصر الجديدة اعتقد دة سيخفض الحركه فى الشوارع كثير . سحب كل السيارات التى لاتستعمل من الشوارع بعمل فحص دورى للسيارات ورخصه سنويه وتجدد وتفحص سنويآ . اى مالك لسيارتين دفع ضريبه رفاهيه 5000 ج للحد من اعداد السيارات. تقسيم لضريبه السيارات حسب الفئه اللتريه وحسب حجمها ومساحه اشغالها لطرق مثال ضريبه اشغال الكارينز ضعف اشغال الفيرنا واللانوس واشغال الفيرنا اكبر من اشغال اى 10 او بيكانتو علشان نشجع السيارات الصغيرة بالشوارع وخاصآ لو ندرس السيارات وحركتها طوال الوقت تجد ان معظمها بصاحبها او معه زوجته فلماذا الكبير وتوفير الوقود واستهلاكه فى السنه

**medododo** · 27-06-2011 12:08 AM

ماشي ده حل والحل التاني يعملوا الشوارع دورين
يعني شارع الهرم يبئى دورين فوء الملاكي وتحت النقل العام والميكروباص
مع توفير منازل للملاكي علي الشوارع الفرعية
+ مترو الانفاق يتمد في أي حتة ينفع يتمد فيها
لحد 6أكتوبر
وللقاهرة الجديدة

انا عارف اني بحلم

بس بجد الفلوس اللي اتنهبت كانت تعمل اكتر من كده

**hossam_elwani** · 27-06-2011 01:14 AM

انا عايز اعرف هيا امريكا فيها مكروباظ؟؟؟؟؟؟؟؟؟؟؟؟

**sara2001** · 27-06-2011 01:57 AM

ياريت وبالذات الميكروباصات الكبيره بتاعة الدقي
بحس ان عددها اكتر من الناس اللي ماشيه في الشارع
وبيقفوا في مطلع ومنزل الكوبري وفي ملفات اليوترن عاااادي جدا

**amohsen** · 08-07-2011 06:48 PM

الميكروباص مينفعش يتلغي بأي حال من الأحوال، مش علشان كل الناس اللي هنا عندها عربيات يبقى نلغي الميكروباص بتاع الغلابة
أولا الميكروباص بيروح كل الأماكن، وأسرع بكتير من المواصلات العامة لأن بياخد طريق مباشر وناس كتير جدا بتعتمد عليه إعتماد كلي
ثانيا الميكروباصات شغالة في أي وقت مش زي المواصلات
الحل أننا نشوف طريقة نخلي السواقين يمشوا قانوني، ومش سواقين الميكروباص بس لأ لأن كل الناس اللي بتسوق في مصر بتخالف القوانين بس بنسب متفاوتة

**abdalah_hashem** · 08-07-2011 07:13 PM

ينفع تتلغى فى حالة واحدة بس ان اتوبيسات النقل العام تتزود عددها تلات او اربع مرات العدد الموجود حاليا
ويتم حط خطة جديدة لمسارات الاتوبيسات بحيث تبط كل الاماكن ببعضها فتنحصر الميكروباصات على المناطق الريفية او المناطق النائية جدا اللى النقل العام فيها هيخسر كتييييير

**Elawany13** · 09-07-2011 11:40 AM

المشاركة الأصلية كتبت بواسطة raedegypt

تفعيل خط المترو للعبور مرورآ بالسلام وربطه بشكبه مترو لمصر الجديدة اعتقد دة سيخفض الحركه فى الشوارع كثير . سحب كل السيارات التى لاتستعمل من الشوارع بعمل فحص دورى للسيارات ورخصه سنويه وتجدد وتفحص سنويآ . اى مالك لسيارتين دفع ضريبه رفاهيه 5000 ج للحد من اعداد السيارات. تقسيم لضريبه السيارات حسب الفئه اللتريه وحسب حجمها ومساحه اشغالها لطرق مثال ضريبه اشغال الكارينز ضعف اشغال الفيرنا واللانوس واشغال الفيرنا اكبر من اشغال اى 10 او بيكانتو علشان نشجع السيارات الصغيرة بالشوارع وخاصآ لو ندرس السيارات وحركتها طوال الوقت تجد ان معظمها بصاحبها او معه زوجته فلماذا الكبير وتوفير الوقود واستهلاكه فى السنه

ضرايب ورسوم تاااااااااااااانى وتلات ورابع
ايه يابشمهندس
انت معانا ولا معاهم