البومة بتمسك معايا حرارة ... بدووووون أي سبب ...!!!!!

عربيتي 2005 بومة 1600 أوتو خليجي
بقالي يومين كل ماخرج بيها تكون زي الفل .. بعد ساعتين تلاتة كده مشي ألاقي عداد الحرارة ضاااااااارب في العاااااااالي و خلااااص بيدخل على المنطقة الحمرا ... أمشي بالراحه شوية و اركن و أفتح الكبوت .. ألاقي فعلا حرارة زيادة حاسس بيها و صوت طقطقة بسيط .. أشيك على مياة الريدياتير و مستوى الزيت و كل حاجة تمام !!!! دور العربية و أنا واقف كده برضه ماسكه حرارة ... ابص على مراوح الريدياتير ألاقيهم مش شغالين .. أمشي شوية تنزل الحرارة شوية .. و تعلى تاني .. أجري شوية تنزل شوية ..و ترجع تاني !!!!
إيه الهبل ده ؟؟؟
أنا العربية بقالها 6 سنين عمرها ما مسكت حرارة ... و على فكره أمبير الحرارة مش بايظ ولا معلق لإني بركن العربية بالليل و اصحى الصبح أسخنها ألاقيها بارده جداااااااااا و الأمبير تحت و تمام و طبيعي و أسخنها دقيقتين و أطلع و زي الفل ... و بعد كام ساعة تمسك حرارة ؟؟؟؟
فيه حد فاهم حاجة ؟؟؟

يمكن ردياتير عايز يتنظف او فبه حاجه مش بتخليه يبرد كويس

اكشف ع طرمبة المية يا باشا كدة ممكن يكون العيب منها ولا حاجة

ممكن يكون الثرموستات بايظ مش بيخللى المروحة تشتغل او المروحة نفسها شيك على الفيوزات وراجع الكهربائى

[عربيتي 2005 بومة 1600 أوتو خليجي
بقالي يومين كل ماخرج بيها تكون زي الفل .. بعد ساعتين تلاتة كده مشي ألاقي عداد الحرارة ضاااااااارب في العاااااااالي و خلااااص بيدخل على المنطقة الحمرا ... أمشي بالراحه شوية و اركن و أفتح الكبوت .. ألاقي فعلا حرارة زيادة حاسس بيها و صوت طقطقة بسيط .. أشيك على مياة الريدياتير و مستوى الزيت و كل حاجة تمام !!!! دور العربية و أنا واقف كده برضه ماسكه حرارة ... [ابص على مراوح الريدياتير ألاقيهم مش شغالين] .. أمشي شوية تنزل الحرارة شوية .. و تعلى تاني .. أجري شوية تنزل شوية ..و ترجع تاني !!!!
إيه الهبل ده ؟؟؟
أنا العربية بقالها 6 سنين عمرها ما مسكت حرارة ... و على فكره أمبير الحرارة مش بايظ ولا معلق لإني بركن العربية بالليل و اصحى الصبح أسخنها ألاقيها بارده جداااااااااا و الأمبير تحت و تمام و طبيعي و أسخنها دقيقتين و أطلع و زي الفل ... و بعد كام ساعة تمسك حرارة ؟؟؟؟
فيه حد فاهم حاجة ؟؟؟


يا اخى الحل انت قلتة بنفسك المروحة مش شغالة يعنى مية الريدياتير مبتبردش ولما تمشى شوية الهواء بيبردها بس ترجع تسخن تانى بعد فترة والله اعلم

طالما مفيش تسريب ميه شيك على الطرمبة والمراوح

كنترول مراوح عايز يتغير

بالنسبة لمروحة الرادياتير مش بتشتغل اول ما الماتور يشتغل و ده طبيعى... المروحة بتبتدى تشتغل اول ما الماية اللى فى الرادياتير تسخن و المفروض فيه ثرموستات بينظم الموضوع ده... و انا عندى كده... اول ما بدور الماتور بلاقى المروحة مش شغاله... بس بتشتغل بعد شوية

غالبا اللي عندك ترموستات الكوع اللي بيقفل لحد اما العربية تسخن....قافش وهو السبب

سلك الردياتير هتحس بفرق شديد
اتاكد من عمل المروحة اول اما العربية تسخن...وشوف طرمبة الميه شغالة كويس وللا بتخروش