انا يا جماعه محتاجه معلومات عن الدايو رايسر من حيث قطع غيارها وجوده السياره
يا ريت اللى يعرف ميبخلش عليا وشكرا لكم
عرض للطباعة
انا يا جماعه محتاجه معلومات عن الدايو رايسر من حيث قطع غيارها وجوده السياره
يا ريت اللى يعرف ميبخلش عليا وشكرا لكم
قطع غيار الموتور والعفشه نفس قطع غيار الانوس
الفوانيس وكده حاجتها مخصوصه ليه ومتهيالي نادره شويه
كعربيه مجملا حلوه بالنسبه لعصرها ونفس الانوس بس دي كانت تقفيل كوري
شكرا للرد وياريت سعر تقريبى لها موديل 1994 ومسقط لها موتور لانوس 1998
حوالى 35 الف
قطع غيار الموتور و العفشة تقريبا لاى عربية مش مشكلة كبيرة لانها متوفرة جديد و استيراد و بالنسبة للدايو ريسر زى ما تفضل احمد باشا موتور و عفشة قطع غيارها لانوس
- الفوانيس بتاعتها برده مش مشكلة هتلاقيها
- المشكلة فى بقية الحاجات زى الاكسسوارات و الفبر و الصاج دول هيكونوا صعب شوية .... لا هيكونوا صعب شويتين لانى كنت بافكر اشترى العربية دى و عملت عليها بحث لمده اسبوعين على قطع غيارها و لما قليت قطع غيارها قليلة اشتريت دايو اسبيرو
- اماكن قطع غيار الرايسر :
الجديد
- التوفيقية خالد لطفى
- سرور فى شامبليون و عمارات الميريلاند
- شارع دمشق و هناك هتلاقى اكتر من واحد
- هيرو فى الحرفيين
الاستيراد
- رامبو & ابو رامى فى الحرفيين
- حمادة الدوينى فى الوكالة و الحرفيين
- الشيخ مكى فى الوكالة
- سوسو فى المريوطية
و نصيحة ليك طبعا لازم و حتما و لا بد تكون حالتها حلوة جدا يعنى بالبلدى كدة لو لاقيت فيها حاجة ناقصة او مش شغالة و صاحبها قالك دى تتعمل ب 100 و لا 200 جنيه تروح تسال عليها الاول عشان متتدبسش و متقلقش لانه ممكن يقعد شهر على ما حد يسأل فيه
- بالنسبة لسعر العربية 26000 لو مانوال & 28000 لو اوتوماتيك
- طبعا متنساش لما تيجة تبيعها هتتعب شوية .... لا هتتعب شويتين
و اتمنى اكون افادتك
السلام عليكم و رحمة الله و بركاته
أنا ليا خال, كان معاه العربية دى مو 1993 أتوماتيك هاتشباك و كانت عربية راااااااااائعة, و فضلت معاه 8 سنين تقريبا و نظرا لعدم توافر قطع غيارها بشكل واسع و كان بيتعب على مايلاقيلها حاجة :crying2::crying2: , قرر أنه يبيعها و اشترى مرسيدس 200 معدلة مو 1981.
فأنا من رأيى أنك ماتشتيريهاااااااااااااااش , لأنك حتى لو ماتعبتيش فى قطع غيارها, هتتعبى فى اعادة بيعها.
بالتوفيق ان شاء الله.