انا عندى مشكلة فى مؤشر الحراره بعد ما يسخن يرجع المؤشر ينزل تانى كأن العربية باردة واحيناً يرجع يزيد تانى لوحدة
افيدوني ممكن تكون المشكلة إيه بالظبط
عرض للطباعة
انا عندى مشكلة فى مؤشر الحراره بعد ما يسخن يرجع المؤشر ينزل تانى كأن العربية باردة واحيناً يرجع يزيد تانى لوحدة
افيدوني ممكن تكون المشكلة إيه بالظبط
يأما حساس الحراره بيبعت قرايات غلط للكنترول وبالتالى بتأثر على العداد يأما العداد نفسه فى مشكله وفى كل الأحوال مش هتبان معاك الا لما تحط العربيه على جهاز كشف الأعطال وهو هيحددلك العيب فين على طول
الف شكر
معلش استفسار تاني ميين عنده الجهاز فى الأسكندرية ؟
فى عند هريسه ودا عند محطه مصر وفى عند الشيخ ابراهيم ودا فى المساكن اللى موجوده بعد ماتطلع من نفق المندره بتاع القطار
اشكرك بشدة
و اوعى حد يضحك عليك فى المصنعية انت ممكن تغيرها بسهولة جدا مكانها تحت غطاء الموتور لونها اخضر ترفع القفل تشيلها تستنى الميه تخلص تركب الجديدة تركب القفل تملى مياه رادياتير تاني (ياريت تكون العربية باردة) و بس خلصت لو الميه حمرا و غالية حط حاجة تحت حاجة الميه تقع فيها و بعدين املاها تاني و بالتوفيق
بعد اذن استاذ محمد خليك عند هريسه احسن من الشيخ ابراهيم ده كفايه مشواره و ممكن تروح يقولك مش فاضى والله انهارده
معلش يا باشا هو حضرتك اتعاملت مع الشيخ واتعاملت مع هريسه لو اتعاملت مع الاتنين مكنتش حطيت الرد ده الشبخ من اخر البلد لمكانه لو مشيت بحر حتاخد حوالي 15 دقيقه هريسه لو دخلت محطة الرمل عشان تروحله نص ساعه ... فرق المصنعيااااااااات كبير والفهم في الشغلانه أكبر ... واحد صاحبي اشتري بولو راح عند هريسه قالوه العربيه تمام مفيش يومين وبيكلمني وديناها عند الشيخ طلعت عفشة العربيه مش عفشة بولو اساساً دية تجربة واحده من تجارب كتير ( للمعلوميه بعد يومين أما كلمني كان حصل كارثه أني بيضة المقص فرطت على 140 وربنا ستر لأني الوقت كان باليل والشارع واسع بسبب العفشه طبعاً اللي أي صبي فولكس شافها حيعرف انها مش بتاعتها )