الزجاج الامامي اتكسر وانا في اسكندرية-ركبت زجاج امان وماتركبوش جريش

**prisoner** · 29-06-2011 10:56 AM

المشاركة الأصلية كتبت بواسطة karim_monir

الفيلم ممتاز خاصة لما تكون مشغل التكيف
راجع من اسكندرية اتحركت 3:30
شغلت التكيف على اول درجة تسقيع ومروحة درجة واحدة
وكنا بنسقع
ماتحسش بالاختلاف قوي وهي واقفة في الشمس
تلاقيها مش سخنة قوي بس سخنة برضه
لكن وانت ماشي هايل
ميزة كمان
مسك الازاز انه يتفتح الشرخ رغم اني راجع سايق 120 متوسط
وكام كيلو كدة وصلت ل 140 كنت بعدي تريلات ونزلت تاني

الثلاثي كويس بس خايف من السليكون
محدش يعرف السليكون سيكا الانجليزي الاقيه فين

تمام يعنى الفيلم يستاهل ان الواحد يعمله طيب كويس لان عربيتى بتوقف فى الشمس كتير رغم ان بحط شماستين بس الحرارة بتكون شديدة على ما بخلص شغللى جزاك الله خيرا والف حمد الله على السلامة ومعلومة مهمة جدا موضوع السيليكون انا كنت فاكر ان اى حاجة تسد تحياتى

**Karim_Monir** · 29-06-2011 11:16 AM

اخيرا ركبت الزجاج امس
اتصل بي صديق مهندس كهرباء كان يعمل في شركة مصرية حاصلة على توكيلات فرنسية للشركات اللي بتعمل الافران الحرارية
صديقي حاليا في السعودية وكلمني دولي امس عشان يقولي ماتركبش عند جريش
عشان من ساعة ما دكتور جريش مات ومراته مسكت المصنع ومعظم المهندسين الاكفاء مشيو وحال المصنع بيتدهور
ومفيش مكن جديد بيدخل ولا صيانة للافران الحرارية بانتظام ولا اي تطوير في صناعة الزجاج
الزجاج هندهم تربليكس وقاللي على حاجة كانت لو لقيتها تعرف ان الزجاج مش حلو
بليل لما نور عربية يضرب في عينك في المقابل تلاقي مية الزجاج فيها ريجه خفيفة قوي
ودي كانت موجودة فعلا في الزجاج اللي كنت مركبه
وقاللي دور على زجاج بتاع مصنع امان لانهم فعلا احدث مصنع في الشرق الاوسط وواخدين شهادات كتير وعندهم احدث اجهزة وافران
وبناء على توصيات كتير لاحسن ناس بتركب زجاج قالولي انزل عند السباعي
وده المحل بتاعه في الشارع اللي على ناصيته ادريان اللي جنب بنزينة موبيل في صلاح سالم
الجريش الامامي ب 300 و امان ب 350 بالعافية
وماشالش السليكون السيكا اللي راكب عندي حط سليكون اماراتي عليه

ميه الزجاج فعلا رايقة جدا خاصة بليل وجربته في المقابل فعلا مفيش الريجة الخفيفة
حبيت انقل التجربة بالكامل

**Elawany13** · 29-06-2011 11:22 AM

شكرا على المعلومة يا استاذ كريم

**ZALABANY** · 29-06-2011 11:33 AM

مبروك على تركيب الزجاج يا باشا وسبحان الله الموضوع بتاعك ده طلع اختبار كويس لفيم صن تك في موضوع كسر الزجاج لأن دي الحاجه اللي ما كنتش اختبرتها بنفسي

**SYD** · 29-06-2011 02:23 PM

الف مبروك الزجاج وشكرا علي التحذير والمعلومة الجامدة

بس حضرتك هل في خطورة من الزجاج السيكوريت ؟؟؟

الله المستعان
،
،

**aif** · 29-06-2011 02:32 PM

مبروك كريم
هارد لك الناموسة

**Donzi** · 29-06-2011 03:25 PM

شكرا على المعلومات و مبروك على الزجاج الجديد و ابعد عن الناموس و اتقي شره بقى

**Karim_Monir** · 29-06-2011 04:43 PM

ZALABANY جتلك مصلحة :-)

SYD طبعا السيكوريت خطير جدا لانه لو لا قدر الله الخبطة جامدة بيتفتفت جوة العربية

شكرا على مباركاتكم
Donzi قررت اشيل علبة فيت في العربية عشان اوفر من تغيير الازاز :-)
او اجرب عليهم السلف دفينس
او اضربها بالالكتريك :-)

-

الموضوع: الزجاج الامامي اتكسر وانا في اسكندرية-ركبت زجاج امان وماتركبوش جريش

LinkBack

أدوات الموضوع

عرض

-

-

-

-

-

-

المواضيع المتشابهه

ايه الفرق بين زجاج جريش وامان وزجاج التوكيل ؟؟

تجربيتي : مع زجاج دكتور جريش (للتويوتا يارس) !!!

غيرت قزاز عربتك لامان ولا دكتور جريش ولا ركبت الاصلي !

لازجاج الامامي اتكسر........ الحقوني

الحمد لله - الزجاج الامامي اتكسر

الكلمات الدلالية لهذا الموضوع

المفضلات

المفضلات

ضوابط المشاركة