طريقة سحب الهواء من دورة الباور

السلام عليكم شباب الهوندا... عندي استفسار بسيط بخصوص طريقة سحب الهواء من دورة الباور - ودورة المياه (محدش يفهمني غلط أنا اقصد اللي هيا بتاعة العربية مش بتاعة البني آدميين) :argue1:
يا ريت لو حد عنده معلومات عنهم وعن طريقة سحب الهوا منهم يفيدني ويفيد المنتدي كله ولكم جزيل الشكر

اولا بالنسبة لسحب الهواء من علبة الباور :

1- هتفتح الكابوت وتشيل غطاء خزنة الباور

2- هتدور العربية ويكون المحرك فى درجة حرارتة الطبيعية

3- هتجيب الدركسيون الى اقصى الشمال والى اقصى اليمين مش شرط طبعا اى اتجاة فيهم الاول وهتكرر الموضوع دة ثلاث مرات

4- بعد كدة يتم ابطال السيارة وتكرار نفس المحاولة مرتين فقط طبعا الدركسيون هيبقى تقيل جدا وانت بتلفة وماتقلقش مافيش اى ضرر

5- بعد كدة يتم تزويد الزيت اللى طلع برة وتظبطة على مقاس ال max

---

#e85858

بالنسبة لسحب الهواء من دورة التبريد :

بالنسبة للex هتلاقى عندك طبة من جنب وش التاكيهات بتتفتح وانت بتزود المياة وبتفضل تخرج المياة مع الهواء وبعد كدة تقفلها

اما بقى ال Si

1- هتفتح غطاء الردياتير وتجيب زجاجة 1.5 لتر بتاعة مياة غازية مملوءة مياة

2- هتحط الزجاجة فى قلب زور الردياتير وتسيبها مع نفسها لحد ماتعمل تبادل مابين الهواء والمياة فهتلاقى اللى حصل ان الزجاجة فضيت المياة فى الردياتير , والزجاجة بقت مشبرة من جوة نتيجة لصعود الهواء مكان المياة

ملحوظة : الكلام دة يتعمل والسيارة باردة تماما

تسلم ايدك يا سمسم وشكراً لردك المفيد دائماً..
بالنسبة لسحب الهواء من دورة الباور حضرتك قولتلي (هتدور العربية ويكون المحرك فى درجة حرارتة الطبيعية) يعني سخن ولا بارد
بالنسبة لسحب الهواء من دورة المياه حضرتك قولت(ملحوظة : الكلام دة يتعمل والسيارة باردة تماما) ده بالنسبة لل ex ولا الsi يعني أدور العربية وقبل ما تسخن أسحب منها الهوا ولا ما ادورش العربية أصلاً بس متهيألي لو العربية مش دايرة طرمبة المياه مش هاتبقي شغالة والمياه مش هاتتسحب يعني دورة المياه مش هاتبقي شغالة وبالتالي مش هايطلع الهواء.. ده مجرد رأي يا سمسم باشا وانتا عليك التصحيح أوعي تزعل مني)

شاكرين مهللين

اقتباس:

---

المشاركة الأصلية كتبت بواسطة modyturbo

تسلم ايدك يا سمسم وشكراً لردك المفيد دائماً..
بالنسبة لسحب الهواء من دورة الباور حضرتك قولتلي (هتدور العربية ويكون المحرك فى درجة حرارتة الطبيعية) يعني سخن ولا بارد
بالنسبة لسحب الهواء من دورة المياه حضرتك قولت(ملحوظة : الكلام دة يتعمل والسيارة باردة تماما) ده بالنسبة لل ex ولا الsi يعني أدور العربية وقبل ما تسخن أسحب منها الهوا ولا ما ادورش العربية أصلاً بس متهيألي لو العربية مش دايرة طرمبة المياه مش هاتبقي شغالة والمياه مش هاتتسحب يعني دورة المياه مش هاتبقي شغالة وبالتالي مش هايطلع الهواء.. ده مجرد رأي يا سمسم باشا وانتا عليك التصحيح أوعي تزعل مني)

---

1- درجة الحرارة الطبيعية لما يتسخن الماتور

2- بالنسبة لنقطة زجاجة المياة انا قولت يتعمل والسيارة باردة تماما ودة بس عشان ضمان سلامة المحرك مش اكتر , وطبعا بالنسبة للاتنين عادى

ينصح انك تعمل الخطوة بتاعة الزجاجة كتير هتلاقى نفسك استفدت من حاجتين عملت نظافة للمياة عن طريق تجديد المياة وكمان خرجت الهواء

وبردة معلش انا عايز اعرف حاجة انت حاسس بأية فى العربية عشان تقول فية هواء فى الدورة

أنا حاسس بحاجات كتير يا سمسم بصراحة فقولت أي حاجة تسند اللي ما تتسماش اللي أنا راكبها دي ومش لا قي معاها حل

اقتباس:

---

المشاركة الأصلية كتبت بواسطة modyturbo

أنا حاسس بحاجات كتير يا سمسم بصراحة فقولت أي حاجة تسند اللي ما تتسماش اللي أنا راكبها دي ومش لا قي معاها حل

---

انت معاك عربية بسم الله ماشاء الله وحش
متهيالى بس موضوع خنقة السحب بس هو اللى عندك ولا فية حاجة تانية

ولو فية اى حاجة قول وان شاء الله نحلها

علي العموم يا سمسم إنشاء الله أنا هاغير الموبينة وبإذن الله العربية تفوق ويا رب العيب يكون منها بس يا رب,,,,,