تم الاعلان عن ان العلاوة الاجتماعية الجاية هتكون 30 % ، فهل الكلام ده ينطبق على القطاع العام و الخاص و هل العلاوة على اساسي المرتب ولا على الاجمالي الشامل؟
عرض للطباعة
تم الاعلان عن ان العلاوة الاجتماعية الجاية هتكون 30 % ، فهل الكلام ده ينطبق على القطاع العام و الخاص و هل العلاوة على اساسي المرتب ولا على الاجمالي الشامل؟
العلاوة للحكومة و القطاع الخاص
*******
و بتتحسب علي اساسي المرتب و ليس الاجمالي
طيب هل شركات القطاع الخاص ملزمة بأعطاء العلاوة دي للموظفين؟
غير ملزمـــة
العلاوة بتكون دايما على الراتب الاساسي وليس الشامل :(
وغالبا حتكون حكومة بس لكن اي قطاع خاص حب يطبقها حيعملها بس معتقدش انه حيكون ملزم بها.
مش دي المشكلة ... المشكلة بقى هل تعتقدوا فعلا ان 30% دي كافية لتعويض ارتفاع الاسعار الجنوني ؟ :confused::confused:
اعتقادي الشخصي ان الزيادة دي لابد وان يتبعها زيادة في اسعار جميع السلع وزيادة في ضرائب الاجور :eek::eek: .. يعني بمعنى اصح ... كأنك يا بوزيد ما غزيت واالي بتديه الحكومة باليمين لازم حتاخده بالشمال .. والايام خير برهان. :rolleyes::rolleyes:
ترى ماهو رأيك ؟؟ :confused:
المهم كما قلنا سابقاً 000 الاسعار متغلاش بعد يوم من الزيادة 000 بالاضافة الى الزيادة لاتنطبق على القطاع الخاص لانه غير محكوم بقرارات حكومية او رئاسية وقد ناشدهم الرئيس فى الزيادة واعتقد انهم لن يقوموا بأى زيادة دون زيادة اسعارهم او خدماتهم 000 لابارك الله فيمن يرفع الاسعار على الناس
اثبت العلم الحديث ان الحداية ما بتحدفش كتاكيت
اتفق معك :D ... بل اثبت ايضا العلم الحديث انها لما بتحدف .. بتحدف الطعم علشان السنارة تغمز وبس :D
تم حذف هذا الجزء لتعارضه مع قواعد وقوانين المنتدى،
نتبيه للعضوة بالتفضل بقراءة قوانين المنتدى والإلتزام بها
الإدارة
حد فاهم حاجة :eek::eek: انا بجد متلخبطة قوي :confused::confused:
ضحكتني والله يا حسام مع ان الموضوع ميضحكشي خالص ولكن العكس تماما
ولكن بما ان المثل في محله فلازم اضحك
المشكلة يا جماعه ان 30 % دول بما انه ولا حاجه خالص لأنهم على الأساسي بتاع الناس والأساسي لغالب موظفين الحكومة المطحونين غالبا بيبقى من 120 الى 300 جنيه بالكثير يعني في الحكومة
يبقى اكبر واحد هياخد 90 جنيه زياده انتم متخيلين الكلام
واللي هياخد الـت 90 جنيه ده اللي هو مثلا مدير يعني مش عامل مثلا
والانكن بقه ان ابقوا قابلوني لو شوفتوا زيادات كمان 20 سنه وهيذيلوا الناس بالزياده دي كمان طول العشرين سنه
والله حاجه تقرف
وعمــــــــــــــــــــــ ــار يـــــــــــــا مصـــــــــــــــــــــــ ــــــــــــر
وارحمنـــــــــــــــــــ ــــــــــــا يــــــــــــا رب العالمـــــــــــــــين
بما أني موظف حكومة صِرف
وبما أني أعمل بأحد الهيئات الحكومية المتوسطة المستوى
يعني لا أنا شغال في التعليم ولا شغال في رئاسة مجلس الوزراء
وبما إني مش أول مرة الريس يزودني علاوة خاصة ولاحظوا في خطابه إنه قال بعد الكلام على العلاوة علطول : "على أن تبحث الحكومة عن موارد"
وطبعاً مفيش موارد غيرنا فكله هيطلع على جتتنا
وعلى فكرة أنا عرفت من والدي إن هناك بعض الزيادات على ضرائب الأرباح للشركات وكذلك الدمغة النسبية على القروض وزيادات أخرى وده يفسر معنى الموارد
وكمان أنا لما زدت السنة إلي فاتت نزلت إستقطاعات جديدة لم يسمع عنها أحد قبل إستقطاعها وكلها تصب في صناديق كفالة وزمالة ومعاش تكميلي وما إلى ذلك تعرفوا حصيلة زيادة الأساسي كانت كام 15 جنية والحمد لله وأصبح الأساسي 386 جنية والحمد لله
فأنا مش عارف أفرح ولا أزعل ولا عارف أعمل إيه في البلد ديه
على العموم هقول نفس الكلام الكئيب تاني وإن كنت شايفه واقعي جداً
البلد دية مش نافعه إلي يعرف ينطلق ولو حافي ينطلق ويتوكل على الله
وإلي ميعرفش ممكن يشوفله مدفن عشان العملية بأت واحد
سؤال أخر موظف القطاع الخاص "المعقول" عايز يزيد مع الحكومة لية
يا ريت إلي بيقبضله مبلغ حلو في القطاع الخاص يستحي من الله قبل ما يستحي من موظفي الحكومة الغلابة إلي زيي
والسلام
طبعاً لا بد أن نذكر عشان منزعلش حد إن هيستفيد من الزيادة عدد مهول بكل ما تحمله الكلمة من معنى من موظفي الحكومة العاطلين عن العمل بالفعل وهما قاعدين على مكاتبهم "البطالة المقنعة" وهم لا يقلوا عن 50% من موظفي الحكومة طبقاً لإحصاء شخصي 99% منهم طبعاً من النساء وحسبي الله ونعم الوكيل
انا اويدك بشدة
و للعلم لسه منزلش اى منشور للتنفيذ بالنسبه للقطاع الخاص بس هى بتتحسب على الاساسى التامينى مش على كل الاساسى يعنى اقصى رقم على ما اعتقد 750 يبقى باللتالى الحد الاقصى للعلاوة حيكون 225 جنيه بس فيه دايما بند صغير بيكتب فى اخر كل منشور زى دة
* ينفذ هذا القرار من ساعتهعلى القطاع الخاص ويقرر حسب ظروف كل منشاه بمعنى اصح من حق كل منشاه انها تطبق القرار او تطنش او ممكن تقلل النسبه
الصراحة كان الله فى عون موظفى الحكومة فعلا 30% دية مش هتزيد عن 100 جنية لأنها بتبقى على الأساسى
أحنا عندنا فى القطاع الخاص الزيادة عادية خالص وملهاشى دعوة بالكلام دة
انا بقى شغال فى شركة استثمارية تعمل فى مجال البترول و لكن 90 % منها مملوك لشركة قابضة للبترول و الباقى لشركة خاصة و العلاوة الجديدة دى حاتزود المرتب 85 جنيه أول عن أخر
بالنسبة للعلاوة اللى فاتت 2007 المرتب زاد 35 جنيه ولكن زادت الاستقطاعات اللى هى متمثلة فى معاش تكميلى و تامين ادخارى و تأمين و معاش و بعد حساب الفرق لقيت ان صافى الزيادة الشهرية فى مرتب اخر الشهر هى 5.8 قرش و الله العظيم و احلف على المصحف هما 5.8 قرش بس
لا تعليق
انت يا باشا بصيت لجزء المليان ومبصيتش للجزء الفاضي .. يعني اكيد المستثمر ده (قطاع الخاص) مش اغني من الحكومه فبيدي فلوس اكتر للي شغالين عنده لوجه الله
شوف اللي في القطاع الخاص واللي انا واحد منهم بيشتغلو كام ساعه وبيعملو ايه والرقابه علينا ازاي وكميه الشغل قد ايه والله دانا ساعات بحس اني شغال صخره وانت عارف ده كويس
انا فاكر اني كنت شغال في شركه قبل كده خاصه في قسم معين كنا كلنا 3 قايمين بالقسم كله وكميه شغل مهووووله ولو حد مننا غاب يبقى نهار الاتنين التانين مش معدي من كتر الشغل ونفس المكان في شركه حكوميه نفس المجال وفي نفس القسم كان فيه بتاع 12 واحد نصهم مش موجودين والنص التاني نايمين مع ان حجم الاعمال عندهم مكنش يجي بحجم الاعمال في الشركه الخاصه اللي كنت فيها
يعني بحسبه بسيطه اوي ممكن تعرف الفرق والاوفر والافضل ومتقولش في الاخر ان القطاع الخاص بياخد فلوس فيسكت
على فكره انا اكتر واحد ثورجي في الشغل عندنا ودايما بتكلم وووووو لنا الله
ماعتقدش ابدا ان الشركات اللي زينا هايطبقوها
دول واخدينا فحت وردم
-------
خالد سخرة بالسين مش صخرة
ها ها ها
ليه الظلم بتاعكوا ده بس
خلاص تفاصيل العلاوة نزلت في الجرنال النهارده
العلاوة بحد أدنى 32 جنيه وحد أقصى 201 جنيه (لوكلاء الوزارات)
ألف ألف مبروك لوكلاء الوزارات.. ولا حول ولا قوة الا بالله
العلاوة الجديدة: الدرجة الممتازة 180 والعالية 156 والمدير العام 135 والاولي 106 والثانية 85 والسادسة 38 5/1/2008 9:45:00 PM
http://www.masrawy.com/images2008/yb...cm6-119730.jpg الدكتور يوسف بطرس غالى وزير المالية
القاهرة - أكد الدكتور يوسف بطرس غالى وزير المالية انه فى ضوء تنفيذ تكليفات الرئيس مبارك للحكومة بزيادة العلاوة الاجتماعية بنسبة 30 فى المائة وزيادة المعاشات وحافز العاملين بالمحليات والمقررات التموينية الاضافية فسوف تتحمل الخزانة العامة نحو 5ر12 مليار جنيه .
وقال وزير المالية -فى بيان صحفى أصدره الخميس ونقلته وكالة أنباء الشرق الأوسط -إن العلاوة الاجتماعية الجديدة والتى يستفيد منها 9ر5 مليون موظف بالجهاز الادارى للدولة والمحليات والهيئات الاقتصادية ستبلغ مخصصاتها المالية نحو 2ر6 مليار جنيه وذلك فى أكبر زيادة فى الأجور فى تاريخ مصر ، كما أن أصحاب المعاشات ستزيد مخصصاتهم المالية من الخزانة بنحو 5ر3 مليار جنيه .
وأضاف الوزير أن هذه العلاوة التى قررها الرئيس مبارك ستحقق دخولا اضافية للمستفيدين لاتقل عن 38 جنيها شهريا فى المتوسط للعاملين بالدرجة السادسة و 180 جنيه شهريا فى المتوسط للعاملين بالدرجة الممتازة و 156 جنيه شهريا فى المتوسط للعاملين بالدرجة العالية و 135 شهريا فى المتوسط للعاملين بدرجة المدير العام و106 جنيهات شهريا فى المتوسط للعاملين بالدرجة الاولى..
و 85 جنيها شهريا فى المتوسط للعاملين بالدرجة الثانية و 63 جنيها شهريا فى المتوسط للعاملين بالدرجة الثالثة و47 جنيها شهريا فى المتوسط للعاملين بالدرجة الرابعة و 41 جنيها شهريا فى المتوسط للعاملين بالدرجة الخامسة و 38 جنيها شهريا فى المتوسط للعاملين بالدرجة السادسة.
وبالنسبة لزيادة الحافز للعاملين بالمحليات والتى طلب الرئيس مبارك زيادته لاقصى حد ممكن .
وقال الدكتور بطرس غالى فى بيانه إن الحافز سيرتفع من 25%الى 50% من الاجر الاساسى،على أن تتولى الخزانة العامة دفع الفرق بين نسبة الحافظ الذى يحصلون عليه والنسبة الجديدة،حيث سيتم تخصيص مابين 3ر1 مليار جنيه الى 5ر1 مليار جنيه بالموازنة لتغطية تكاليف هذا الحفاز، يذكر أن العاملين بالمحليات يبلغ عددهم نحو ثلاثة ملايين عامل.
وأضاف وزير المالية أنه تقرر زيادة المخصصات المالية لتمويل زيادة المقررات التموينية الاضافية ببطاقات التموين من السكر والارز والزيت بنحو 6ر1 مليار جنيه،فى اطار حرص الرئيس على تخفيف الاعباء عن محدودى الدخل بصفة أساسية.
من جانبه...أوضح السيد محمود الشاذلى رئيس قطاع الموازنة العامة بوزارة المالية أن وزير المالية يقوم حاليا بوضع القواعد التنفيذية لصرف العلاوة الاجتماعية التى قررها الرئيس مبارك ليتم توزيعها على كافة الوحدات الادارية والهيئات الاقتصادية والوزارات والمحافظات لصرفها مع مرتب شهر مايو 2008.
تجدر الأشارة إلى أن هذه المبالغ التى سيحصل عليها العاملون تمثل علاوة ثانية خلال العام المالى الحالى ، حيث سيتم الصرف قبل الموعد المعتاد للعلاوة الاجتماعية بشهرين وذلك لاول مرة فى تاريخ مصر وبذلك يكون العاملين بالدولة قد صرفوا 15% علاوة اجتماعية فى أول يوليو عام 2007 و 30% فى أول مايو الحالى أى حصلوا خلال هذه الفترة على 45% زيادة فى المرتبات.
وفى أول يوليو المقبل سيتم ضم العلاوة الاجتماعية للأجر الاساسى والتى سبق أن حصل عليها العاملون من خمس سنوات كما هو متبع، وما يستتبع ذلك من زيادة فى المكافأت والجهود غير العادية والحوافز والمكافأت التشجيعية وما يرتبط بالأجر الاساسى من بدلات ومكافأت، م.ح.و
وأضاف رئيس قطاع الموازنة العامة بوزارة المالية أنه بالنسبة لاصحاب المعاشات والمستحقين عنهم تجرى الان الدراسات اللازمة لتحديد نسبة الزيادة فى المعاش والتى تتناسب مع عطائهم وبما يسمح بمعيشة كريمة لهم.
وفيما يلى جدول يوضح قيمة العلاوات الاجتماعية والتى ستصرف مع راتب مايو الحالى تبعا للدرجة الوظيفية بالجنية المصرى
الدرجة الوظيفية متوسط الاجر الاساسى قيمة العلاوة 30% شهريا
الممتازة(وكيل أول وزارة) 600 180
العالية (وكيل وزارة ) 520 156
المدير العام 450 135
الأولى 354 106
الثانية 284 85
الثالثة 209 63
الرابعة 155 47
الخامسة 137 41
السادسة 128 38
يا باشا من غير حلفان صادق ربنا يكون في عونا الحال من بعضه وبعدين لو حتى زدت المبلغ كامل يعملوا ايه دول وإنتا متجوز ربنا يكون في عونك
أستاذ خالد عادل متزعلش مني
أنا عارف وإعترفت إن في موظفين حكومة مريحيين أوووي
وكمان أنا كنت قطاع خاص قبل ما أروح الحكومة
أنا حالياً بشتغل من 8 الصبح لحد 6 مساءاً وأحياناً بأخد أجازاتي الجمعة والسبت الحمد لله وأسمي موظف حكومة والناس بتفتكر إن كل موظفين الحكومة مرتاحين
القطاع الخاص فعلاً سخرة لأنه بيعتبر الموظفين عبيد "شغالين عنده" مع إن المفروض إنكم "شغالين له" وطبعاً هناك فرق
بس لو كان في ثمن عادل لهذه السخرة فأهلاً ومرحباً وهو ده المقصود مش السخرة بدون ثمن
ايده مرتبي هيزيد 63 جنية
احمدك يارب
وده بقى اصرفه ازاي اجيب بيهم اية :mad::mad::mad:
تجيب بيهم الأتى:
- 10 ك لحمة
- بقالة شهرين
- بنزين يكفيك سنة
- كسوة صيفى
- شقة 180 متر
- تفرش الشقة
- تتجوز و تعمل فرح جامد
- تعلم ولادك فى مدارس محترمة
- تغير عربيتك
- تتجوز تانى من كتر الفلوس
- تطلع معاش و انت مستريح علشان معاشك كببببببببير
- تسيب الباقى لأحفاد احفادك يعيشوا فى عز
أهم حاجة بقى انك تصحى بسرعة دلوقت من النوم علشان تقريبا هيفرضوا ضرائب على النوم علشان يدبروا تكاليف العلاوة الجديدة
خلاص يا حسام ما تبسطهاش اكتر من كده
انا كده مبسوط والحمد لله
ده انا نويت اتبرع ب 10 % لجمعيات الخيرية
:mad::mad:
يا جماعة بطلوا افترااا بقى واحمدوا ربنا وبوسوا إيديكوا شعر ودقن
معروف أن العلاوة الاجتماعية تضاف إلى المرتب بعد عشر سنوات . هيفوتوا هوا .
يعني بعد 10 سنين من دلوقتي المرتب الأساسي هيزيد 38 جنيه بحالهم هتتحسب عليهم الحوافز والبدلات والذي منه .
يعني هنتشبرق هنتشبرق .
مفيش أخبار عن زيادة علاوة الأعباء الاجتماعية على كل من تعول ..
سمعت أخبار كدة إن كل مولود هيزيد 15 قرش .
يعني المولود الذكر هيبقى دعمه 1 جنيه بدل 85 قرش
والأنثى 175 قرش بدل 160 قرش حالياً .
يللا هيصوا
على فكرة دي مش تريقة هي دي الحقيقة المرة
تقبلوا خالص مودتي
عائشة عبدالهادى : خطاب الرئيس مبارك فى عيد العمال سينعكس إيجابا فى دفع الانتاج 5/3/2008 1:05:00 AM
http://www.masrawy.com/images2008/aisha_tcm6-967171.jpg عائشة عبدالهادى وزيرة القوى العاملة والهجرة
القاهرة- أكدت عائشة عبدالهادى وزيرة القوى العاملة والهجرة أن الخطاب الشامل الذى ألقاه الرئيس حسنى مبارك فى عيد العمال وما تضمنه من مفاجآت سارة للعمال سوف يساهم بشكل كبير فى رفع المعاناة عنهم ويحقق الاستقرار المطلوب فى علاقات العمل وايجاد نوع من السلام الاجتماعى مما ينعكس ايجابا فى دفع عجلة الانتاج وتحقيق معدلات النمو المطلوبة .
وقالت الوزيرة - فى تصريح لها الجمعة ونقلتها وكالة أنباء الشرق الأوسط- إن الوزارة ستضع كل ما جاء من توجيهات وتعليمات فى خطاب الرئيس مبارك الذى انحاز فيه لعمال مصر فى شكل خطط وبرامج تكون بمثابة برنامج عمل لها فى الفترة المقبلة.
وأشارت الى أن الدعوة التى وجهها الرئيس مبارك للشباب فى مصر بضرورة الاقبال على سوق العمل دون تردد أو خجل والتعامل مع الحاضر بأدواته وأساليبه الحديثة وعدم التعامل معه بعقلية الماضى تحتاج الى تحرك مجتمعى جاد نحو تغيير وتطوير ثقافة العمل لدى الشباب من الخريجين المتاحة على أساس احترام وتقدير أى مهنة طالما عمل شريف..
وتجنب صاحبها الانتظار فى طابور البطالة وذلك لتشجيع الشباب على الالتحاق بفرص العمل المتاحة فعليا لسوق العمل الداخلى والخارجى .
وأوضحت أن الوزارة سوف تستكمل تنفيذ وتفعيل خططها فى مجال توفير فرص العمل محليا وخارجيا وتكثيف برامج التدريب المهنى والتحويلى لاكساب الشباب مهارات وخبرات تمكنهم من الالتحاق بتلك الفرص .
وأشارت الى أنه عقب انتهاء مجلس الشعب من إصدار القانون الخاص بالعلاوة الاجتماعية سوف تبدأ الوزارة فى اتخاذ الخطوات اللازمة للاعداد لتوقيع الاتفاقية الجماعية السنوية بشأن قواعد ومعايير صرف العلاوة للعاملين بالقطاع الخاص من خلال التزام أصحاب الاعمال والعمال بالتوقيع على الاتفاقية .
من جانبه ، وصف حسين مجاور رئيس الاتحاد العام لنقابات عمال مصر خطاب الرئيس حسنى مبارك فى عيد العمال بأنه خطاب تاريخى أثبت انحياز الرئيس الى جانب العماللافتا النظر الى أن الرئيس منح عمال مصر مكاسب جديدة غير متوقعة وهى العلاوة الاجتماعية بصورتها وتوقيتها الجديد .
وقال مجاور - فى تصريح مماثل - إن الرئيس مبارك أعطى توجيهات فورية بصرف عمولة الخدمة للعاملين بالمنشآت السياحية وبسرعة عقد اجتماع بين اتحادات الصناعات والعمال والغرف التجارية لتحسين أجور العمال فى القطاع الخاص .
وأضاف أن الرئيس مبارك يؤكد دائما حرصه على العمالة غير المنتظمة وحصولها على حقوقها وأنها سوف تستفيد من التعديلات الجديدة على نظامى التأمينات الاجتماعية والتأمين الصحى حيث سيحصلون على معاش مناسب ورعاية صحية شاملة .
وأشار الى أن الدكتور أحمد نظيف رئيس الوزراء وافق على عقد اجتماع برعايته مع رجال الاعمال للاتفاق على تحديد الحد الادنى للاجور فى القطاع الخاص بما لايقل عن 20 جنيها يوميا أى بمعدل 600 جنيه شهريا ليصبح هذا الامل حقيقة واقعة .
وأوضح أنه تم تشكيل لجنة برئاسته لمتابعة تنفيذ ما تم الاتفاق عليه مع الوزراء المعنيين والتنظيم النقابى العمالى تحت رعاية الدكتور نظيف لتنفيذ مطالب التنظيم النقابى العمالى ، لافتا الى أن اللجنة العليا للمعاشات الاستثنائية برئاسة الدكتور يوسف بطرس غالى وزير المالية وافقت على زيادة الحالات التى تستحق معاشات استثنائية من المرضى لتشمل 30 مرضا ، اضافة الى المعاش الاساسى .
وأشار الى أن رئيس الوزراء سوف يعتمد الاسبوع المقبل أكبر حركة ترقيات للعاملين بالدولة وتشمل 400 ألف عامل اعتبارا من أول يوليو المقبل يستفيد منها الذين أتموا المدد القانونية للترقية من 30 يونيو 2008 .
-----------------------------------------------------------
الناس دى بتنام ازاى؟، أكيد من التخمة زى د. محسن ده:
الفول واللحمة
عن موضوع الفول واللحمة
صرح مصدر ال مسئول
ان الطب اتقدم جدا
والدكتور محسن بيقول
ان الشعب المصري عموما
من مصلحته يقرقش فول
حيث الفول المصري عموما
يجعل من بني ادم غول
تاكل فخدة في ربع زكيبة
تسمن جدا تبقي مهول
ثم اضاف الدكتور محسن
ان اللحم دي سم اكيد
بتزود اوجاع المعدة
وتعود على طولة الايد
وتنيم بنى ادم اكتر
وتفرقع منه المواعيد
واللي بياكلوا اللحمة عموما
حيخشوا جهنم ده اكيد
يا دكتور محسن يا مزقلط
يا مصدر يا غير مسئول
حيث ان انتوا عقول العالم
والعالم محتاج لعقول
ما راي جنابك وجنابهم
في واحد مجنون بيقول
انتوا سيبونا نموت باللحمة
وانتوا تعيشوا وتاكلوا الفول
ما راي جنابك وجنابهم
مش بالذمة كلام معقول !!