فى تلك الظروف المنيلة بنيلة التى تجتازها الأمة :)
صحينا على محنة جديدة :) نمر العربية اتسرقت :crying2:
تفتكروا اللى سرقها ممكن يكون غرضة ايه ؟؟ وممكن يعمل بيها ايه ؟؟
سترك يا رب
عرض للطباعة
فى تلك الظروف المنيلة بنيلة التى تجتازها الأمة :)
صحينا على محنة جديدة :) نمر العربية اتسرقت :crying2:
تفتكروا اللى سرقها ممكن يكون غرضة ايه ؟؟ وممكن يعمل بيها ايه ؟؟
سترك يا رب
لا حول ولا قوة إلا بالله
أهم حاجه اعملي محضر سرقه
لازم محضر باسرع وقت ممكن
احمد ربنا انها جت على النمر
جرى على قسم الشرطه اعمل محضر علشان تامن نفسك لان اللى سرقها اكيد حيهرب بيها حاجه او حيعمل مصيبه
قدر الله و ما شاء فعل و الحمد لله انها جت على قد النمر
بس اعملوا محضر بسرعة
انشاء الله خير (ولو اني ما اعتقدش انه هيعمل بيها خير)
بس انت لازم تعمل محضر فقد في القسم ونيابة المرور فورا
والله المستعان
،
،
عملنا محضر فى القسم فعلا
لكن مش فى نيابة المرور !!!
القسم مش كفاية والا ايه ،، لازم نيابة المرور كمان ؟؟
القسم عشان الشق الجنائي لو لا قدر الله حصل بيها مصيبة ولا حاجة
ونيابة المرور عشان تاخدي جواب تمشي بيه لحد لما تجيبي نمر جديدة وتدفعي ضريبتهم وبردو تغيري النمر في الدوسيه وقصة المرور دي
اعتقد لازم النيابة كمان وفورا
والله المستعان
،
،
هوا معرفش يسرق العربيه
قالك احرق قلبك شويه واسرق النمر
النمر دى هتحط على عربية متهربه غالبا من ليبيا علشان يعرف يمشى بيها لحد مايضرب لها ورق ويبعها او او تتباع قطع غيار حضرتك روحتى عملتى محضر كده كويس حضرتك تروحى مباحث المرور فى وحدة التراخيص اللى حضرتك تابعة لها وتبلغيهم
حتي النمر عادت بتسرق, الواحد بقي عاد يخاف علي نمره :(
اذيك يا زينة .الحمد لله انها جت على اد كده .
وكويس انك عملتوا محضر زى ما قالوا بقية الزملاء .
معلش بقى .لو علمتم الغيب لاخترتم الواقع
كل واحد يخلي باله من لاغليغه
معلشي يازينه فداكي النمر
والحمد لله انها جت على النمر والعربيه موجوده
ألف حمداً لله على زقزوقة يا زينة الله وفداكي النمر طالما عملتي محضر
وياريت تحرصي على زقزوقة وربنا معاكي ومعى الجميع
انا لسه خلصان من الحوار ده من شهر
النمر بتاعتي اتسرقت ولاكن الامامية فقط
المهم هقولك على اللي هيتم
الاول هتعملي مذكرة فقد في القسم
وبعدين هتروحي المرور اللي تبعه
هتروحي شباك التجديد
هيطلب منك فحص ايوه فحص حتى لو لسة فاحصة من يومين
وشهادة مخالفات
هتفحصي وتسسلمي شهادة المخالفات وتدفعي تمن النمر الجديدة
وبالتوفيق في المشوار المزعج ده
طالما عملتي محضر متقلقيش ده اهم حاجة عشان الحالة الجنائية
روحي بقي المرور اللي تبعه عشان تاخدي نمر جديدة
و غالبا اللي سرقها عشان تتحط ع عربية متهربة او يعمل بيها مصيبة
وبالتوفيق ان شاء الله
لاحول والا قوة الا بالله ربنا يعوض عليكى ان شاء الله بس هوة فعلا النمرة بتتغير بالمرة والا بتطلع واحدة نفس النمر ؟
شكرا لكم جميعا على أهتمامكم ونصايحكم ،، ربنا يعديها على خير
الله يسلمك يا نيفو ،، الحمد لله على كل شئاقتباس:
اذيك يا زينة .الحمد لله انها جت على اد كده .
اقتباس:
معلشي يازينه فداكي النمر
شكرا يا سارة ،، ربنا يخليكى
هههههههههههههههه :grin54: ربنا يستر
شكرا لحضرتك ربنا معانا جميعا
لكن مين زقزوقة دى ؟؟ هههههههههههههههه :grin54:
قصدك " مبروكة " عربيتى العزيزة ،، الحمد لله مبروكة بخير
دى عربية أخويا بس الرخصة بأسمى :crying2: :)
"" زقزوقة "" تمشى معاها برضك لأن أخويا مزقزقها على الأخر :oops1:
شكرا لحضرتك ،، أخويا ماشى فى الاجراءات ،، ربنا يسهل وأخلص الامتحان اللى باقى ونكملاقتباس:
روحي بقي المرور اللي تبعه عشان تاخدي نمر جديدة
وبالتوفيق ان شاء الله
مش عارفة لازم نغير النمرة القديمة والا نطلع نفس النمر ؟؟
لا حول ولا قوة إلا بالله
الحمد لله قضاء أخف من قضاء
النمر اللى اتسرقت النمر القديمة
ولا الجديده الزرقاء ؟
القديمة :) بس تفرق يعنى ؟؟
اللي أعرفه النمر بتتغير خالص
وبيعدين لو اللي خد النمر عمل بيها مخالفة مين اللي هايشلها ؟
النمر بتتغير
الله يكون فى عونك
السؤال دة اكيد حضرتك ماتقصدوش، صح ؟
ازاي يعني هاخد نفس النمرة الي اتسرقت ؟؟؟؟؟
ويبقي في عربيتين ماشيين بنفس النمر ؟؟؟
ولو انا اتمسكت في كمين وقالولي انك الحرامي هثبت ازاي ان انا صاحب الحق وهو الحرامي؟؟؟؟
ولو حصل مخالفة علي النمرة القديمة مين الي هيدفعها انا ولا الحرامي ؟؟؟ وياتري المخالفة اتعملت علي النمرة الي معايا ولا الي معاه ؟؟؟؟
اسف علي الأطالة والمتاهة الي دخلنا فيها
والله المستعان
،
،