عايز أعرف رأيكوا في الأفيو أوتوماتيك الجديدة؟
امكانياتها ومعدل استهلاك البنزين و موتورها واعتماديتها وكل حاجة عنها بس تكون عن تجربة
وعرض منصور شيفرولية هيخلص امتي؟
عرض للطباعة
عايز أعرف رأيكوا في الأفيو أوتوماتيك الجديدة؟
امكانياتها ومعدل استهلاك البنزين و موتورها واعتماديتها وكل حاجة عنها بس تكون عن تجربة
وعرض منصور شيفرولية هيخلص امتي؟
السلام عليكم
مش حضرتك كنت بتقارن فيرنا أوتو مع ساجا أوتو ؟
شكلك لسه محتار , ربنا يهديك للقرار السليم و توفق فى الشراء ان شاء الله .
عموما جارى معاه أفيو أتوماتيك موديل 2009 و بيشكر فيها بس هو استخدامة قليل جدا للعربية و ان شاء الله هتستفيد من أعضاء القسم أكتر
أيوة يا غالي كنت بقارن بينهم. ولقيت ان كل عربية زي ما ليها مميزات ليها عيوب قد تكون كبيرة بالنسبة لي
فقلت ممكن أتصرف وأجيب الأفيو ونبقي مسكنا العصايا من النص. لأني بشتري عربية فمحتاج اتأني 100 مرة قبل ما أجيبها
وياريت أعرف رأي حد من أعضاء شيفرولية يكونوا جربوا العربية؟ ومميزاتها وعيوبها؟
5 سنين مع الافيو الكورى بس مانيول
عربيه تعبانه تعبانه...تعبانه
فيرنا 1600 احسن منها مليون مره
الفيرنا احسن من الافيو وفرق الفلوس ليس للاحسن وفرها لنفسك احسن . ماتور الفيرنا 1600 والافيو 1500 والاتنين تقفيل مصرى وهيونداى افضل من الشفروليه
في لينكات في التوقيع بتاعي دوس عليها و عيش و خد القرار
أوباااااا كل ده في الأفيو !
احنا أسفيييين يا ساجااا
كورى 2009 وزى الفل معايا عامل بيها 60 الف ولم تحتاج سوى الصيانات الدورية فقط ولو رجع بيه الزمن تانى كنت هشترى افيو بردوه
فعلاً الأفيو دى عربيه غريبه ، سواء كانت مصرى أو كورى ، ناس بتشكر فيها جداً وناس مش مرتاحه معاها خالص .
وأنا واحد من الناس كنت ناوى أجيبها بس ربنا رزقنى وعرفت أجيب الأوبترا .
وبالتوفيق .
العربية معايا من مارس 2010 . و الله بلا مبالغة كرهتنى فى حياتى كلها . دى عربية بنت تييييييييييت .
عفشة ناشفة .
العربية ثباتها زفت معومة على طول .
اقل مطب يخليها تخلف زوايا .
تكييف زبالة .
اصوات تزييق من الأبواب و التابلوة .
الدركسيون تحس انه سايب فى ايدك .
غير معاملة التوكيل يكرهك فى نفسك و يحسسك انك من العبيد أو من زنوج امريكا .
نصيحة خالصة بلاش منها دا اللانوس كانت موديل 99 و برقبتها .
أنا لسة مجرب إمبارح أفيو 2011 كاملة أوتوماتيك
كانت معايا طول النهارلا تقريباً لغاية صلاة العشاء
كل ده لف في القاهرة
وخلاصة تجربتي السريعة للأفيو ال 2011 الأوتوماتيك:
-1- عفشة ناشفة جداً وهي أنشف عفشة عربية ركبتها في حياتي (على المطبات السوست ناشفة فبتحس بهبدة المطب كأن مفيش سوست أساساً)
-2- التكييف ممتاز جداً لدرجة إننا كنا عاملين سرعة المروحة على 2 ومقدرناش بعد شوية نستحمل لبرد ووطيناه على 1.
-3- الزجاج الكهرباء بتاع الزجاج الأيمن كان معلق ولا عايز يرفع ولا ينزل وكنت بستخدم الزرارير في باب السواق
-4- في أصوات غريبة ضعيفة ولكن اللي بيحس بالعربية قوي هيسمعها والعربية ماشية.
-5- قعدة الكرسي الأمامي وجعتلي ضهري وحسيت إن الكرسي منظر وخلاص ومفيش فيه أي راحة لدرجة إني حسيت إن كرسي الشاهين ممكن يكون زيه و احسن منه
-6- الحقيقة مكنتش مبسوط من سواقتها رغم إنها مكملتش 1500 كيلومتر من الزيرو لكن أنا مش هوا ده اللي أنا منتظره من عربية زيرو
لذلك أنا بقول من هنا
أيوه
من هنا
الأفيو ستدخل في منافسة مع السيارت الصينية أمثال بي واي دي وجاك واسبرانزا وهيما وغيره
وغالباً ستكون في ذيل القائمة
آخر ملاحظة
أا كنت ركبت زمان لانوس 2003 وسافرت بيها وإرتحت فيها أكثر من الأفيو
والسلام عليكم ورحمة الله وبركاته
-
سسسسسسسسسسسسسسيئة جدااااااااااااااااااااااا اااااااااااااا
ما اجتمع قوم على باطل