السلام عليكم
انا عايز اشتري عربية تمبرا بس الصراحة ما بفهمش اوي في العربيات بشكل عام و شفت عربية تمبرا بتاعت شركة عرضاها للبيع و مواصفاتها كاللاتي :
1- 1600cc
2-موديل 1998 (يعني تجميع مصري ) - اللون كحلي
3- الحالة العامة (تكييف - بور- سنتر - زجاج كهرباء)
4-- جسم السيارة من برة شكلة نظيف ما عدا بعض الحدوش
5- الفرش من جوة (الكراسي اللي قدام مبهدلين شوية - بس اللي ورا كويسيين)
6- تابلوة انالوج مش ديجيتال
لما دورت العربية قامت معايا علي طول بون اي مشاكل و لا دوست اي بنزين رغم اني حسيت في الاول انها عايزة سنة بنزين بس قامت عادي صوت الماتور ناعم بس كانت لمبة البطارية منورة علي طول و لمبة الزيت مش منورة؟؟
شغلت التكييف (تاتش) بعد مادورت بدقيقة و اشتغل كويس ما حستش باي فرق في صوت الماتور
حركت الطارة اقصي اليمين و اقصي اليسار ناعمة جدا و ما فيش اي اصوات و اتكتكة
الماتور عامل 171 الف كيلو
فتحت الشنطة و بصيت تحت و جنب و مكان العجلة الاستبن شايف انها نظيفة
فتحت كبوت الماتور الصوت ناعم و المكان نظيف ما عدا شوية معرفش اقول علية زي عرق علي الماتور او زيت خفيف
حطيت ايدي علي الشكمان و هي دايرة لحظيا بدون زيادة البنزين كان فية دفع معقول و طلعت ايدي نظيفة تماما
و بعدين انا اسمع ان التمبرا اللايطالي احسن من المصري؟؟

اية رايكوا؟؟؟ ارجوا الافادة السريعة
و يا تري العربية دي تساوي كام بسعر السوق