عايز usb modem تصفح فقط كنت سمعت عن ابو 19 جنيه لو اشتركت فيه بعد ما استخدم الميجا بتاعتى النت هيفصل ولا ايه ؟؟ وبكام usb modem ؟؟
عرض للطباعة
عايز usb modem تصفح فقط كنت سمعت عن ابو 19 جنيه لو اشتركت فيه بعد ما استخدم الميجا بتاعتى النت هيفصل ولا ايه ؟؟ وبكام usb modem ؟؟
ممكن رد ؟؟؟
متابع.......................
سعر المودم 99 جنيه
شبكة اتصالات اقل باقة عندها هى ال19 جنيه
شبكة فودافون اقل باقة عندها ب 25 جنيه بس كان فى عرض اول 6 شهور خصم 50% يعنى الشهر ب 12.5 لمدة اول 6 شهور
بس معرفش العرض ده شغال ولا خلص
بعد ما الميجات تخلص هتنزل سرعة النت لسرعة النت بخط التلفون الارضى اللى هى 56 كيلو.ب
و السرعة اولا و اخيرا تعتمد على التغطية و السرعات المتاحة عندك
يعنى السرعة عندى بتتاثر من وقت لوقت و من مكان لمكان داخل الشقة
مالاخر لو براوزنج بس
اخبار - فيس بوك - منتديات خفيفة زى مايل موتورز كدة يبقى اتكل على الله و هات
انما الداونلوود و الاستريمنج اليوتيوب و الحجات الاونلاين يبقى مش هينفعك خالص
بس لو هتموت اوى عاليوتيوب زى حالاتى يبقى تتحلى بالصبر و تشغل الفديو و تسيبه ربع ساعة كدة يكون خلص
والله الموفق
يعني لو واحد فيس وتويتر وشوية اخبار والداونلود بيعملوا من البيت يعني مجرد عشان في الصيف والساحل وكده اجيب اليو اس بي بـ 99 والباقة بتاعت اتصالاات بـ 20 جنيه !! بس الباقة دي شهرية ولا حسب استخدامي ولا وضعها ايه يا فندم ؟
بص بقى
انا كنسلت تى داتا وهشترك فى لينك
قولت اجيب يو اي بى لغايه اما الخط يتركب اشتريت يو اس بى فودافون 7.2 بـ 90 جنيه وشغلتها وكانت تمام اشترك فى الباقه الى بـ 50 جنيه وعاملين عرض 50% خصم لمده شهرين يعنى دفعت 25 جنيه ومشترك فى الباقه البراوزر انا قولت بقى عدى الـ 500 ميجا والسرعه هتنزل وبتاع المهم الـ 500 ميجا خلصو فى 4 ساعات عندى المهم مش عارف بقى حصل ايه انا جبتها من 4 ايام وخلصت حاليا 3 جيجا والسرعه جباره ومش بتقطع علما بأن الشبكه هنا مش عليها ضغط والاشاره بتبقى جيده جدا او ممتازه . يارب تفضل على كده
مش عارف بقى السرعه هتنزل ولا ايه
طيب لو فى شهر مشتركتش فى الباقه ايه الى هيحصل ؟؟ وبيتشحن ازاى ؟؟
الباقة لو مجددتهاش بالشحن مش هتشتغل
اشحن وقت ما تحب
و ماتشحنش لما تبقى مش عاوز
بس لو الخط فضل اوف لمدة 3 شهور هيتلغى
و ساعتها هتشترى خط داتا جديد ب 5 جنيه
بالنسبة لحوار عدم نزول السرعة
انا ف اول شهرين فعلا السرعة منزلتش و كان البراوزنج و الداونلوود خرافى
بس ف الشهر التالت من اول يوم لقيت الباقة خلصت و السرعة نزلت و بعتولى مسج انى خلصت الميجات الاساسية و سيتم نقلى للسرعة لبطيئة
اتصل بيهمم سالت عالرسالة
قالولى ان الرسالة دى كانت مفروض تتبعتلك من بدرى بس السيستم كان بيتجدد
فانتو اشحنو و عيشو
السرعة جامدة يبقى الحمدلله حظنا حلو
السرعة نزلت يبقى حقهم برضه و نعيش على قد فلوسنا
انا فودافون