تحذير من محل الرومانى للكاوتش (شبرا)
السلام عليكم ورحمة الله وبركاته
كنت عند الرومانى اللى فاتح جديد فى شارع شبرا الخلفاوى باشترى كاوتش المهم انه الوحيد اللى لقيت عنده المقاس اللى انا عاوزه بعد عناء ولف اكتر من كذا شهر عليه (15-205/55) المهم اتفقت على ان سعر الفرده 550ج وبعد انتظار حوالى ساعه الا ربع على ما الطقم وصل من المخزن قلبت فى الكاوتش وفضلت ادور على تاريخ الانتاج ابصله وارجع ادور وارجعله تانى ومش مصدق ان ده التاريخ بس للاسف هو (3306) المهم سالته هو تاريخ انتاجه كام فضل يدور باردو كتير وفى الاخر قالى 2009 قولتله فين 2009 دى فراح مشاورلى على رقم كبير مكتوب على الكاوتش قولتله امال الرقم ده بتاع ايه ده كده شهر 8 2006 فالراجل قالى عادى قولتله ازاى عادى هو صلاحيه تخزينه كام سنه قالى 7 سنين قولتله عيب لما يكون مكان ليه اسم وفروع وبيستورد جنوط لحسابه ومايكونش عارف مده تخزين الكاوتش اد ايه
قولتله التخزين كان من اختصاص الدهشوم وابو دفاس وقلبنا الموضوع ضحك وعديتها لقيته بيقولى هاحسبهالك ب500ج قولتله ولو ب ب 50 مش هاخدها وحرام عليك تبيعه لحد مش عارف
قالى لا لا لا انا هارجعه ومش هابيعه
انا قولت ابلغكوا علشان الحذر مطلوب حتى لو كان الشخص او المكان معروف