يعنى ايه حماية دولية؟
يعنى ايه حماية دولية؟
يا جماعة اقباط المهجر دول الاقباط المهاجرين خارج مصر يعنى سابوها فمالهمش دعوة بمصر
احنا هنا مسلمين ومسيحيين عايشين و زى الفل
ايه الناس الغريبة دى هما مال ........
عاملين زى ما انادى واحد جارى فى الشقة اللى جانبى اقوله الحق فى ابويا اللى في السويس اللى بقالى 50 سنة ماشوفتهوش بيتخانق
لأ وكمان ابعتهولو وانا ماروحش
بجاحة ووقاحة
قال يعنى هما متضررين من حاجة
دول شوية عملاء قالولهم اعملوا كذا عشان نسيبكم تعيشول هنا لكن هما لا يهمهم مصر ولا مسلمين ولا حتى مسيحيين
انا مسيحي و ارفض تدخل الغرب في شؤون مصر الداخليه و ارفض تدخل اقباط المهجر
الله وحده هو الحامي و الحافظ لعبيده(مسلمين و مسيحيين)
بالهدوء بس بعد اذنكم و بدون انفعالات زائده بلا داعي, اسمحولي اسأل سؤال بسيط لو سمحتوا....
احنـا مالنـا !!!!!!!!!؟؟؟؟؟؟
يعني دول اقبـاط (( المهـجر ))... مش اقبــاط مصـر... يبقى احنا هنا في مصر متضررين من ايه؟؟؟
لو كل طلب بيتقدم سواء جوه مصر او براها, بيتم النظر فيه, و يستجاب ليه, و بيمشي عادي ببساطه كده
ماكانش حد غلب, و كنا بدل ما نعمل ثورة, نقدم طلب باسقاط النظام و الجهة المقدم ليها الطلب هتقوم باللازم !!!!!
لازم نفكر بشكل اكثر هدوء, و لا ننساق وراء كل خبر ينشر, او شئ يحدث بدون تفكير عملي و عقلاني...
ربنا يحفظ مصر و يحفظنا جميعاً من الفتن و شرها...
الطلب علشان ينظر ( وليس يوافق عليه ) فى أمره من الأمم المتحده يجب أن يكون موقع من 3 مليون
التوقيعات دلوقت 2.9 مليون
هما كلهم برا مصر ؟
على العموم الموضوع ده محسوم فى حاله واحده
لو البابا شنوده أصدر بيان بأسم الكنيسه يرفض الكلام ده
يا ترى هيحصل ده ولا لأ ؟
ده رد على صفحة الطلب الخائن ده وعجبنى
الأقباط والكنيسة ترفض فرض اي حصار او قطع معونة وحد يقول لمصر مش من حقك تصدري والكنيسة القبطية اعلنت هذا صرحتا اكثر من مرة عندنا مشاكل وعندنا تيارات متطرفة لازم اخواتنا المسلمين هما الى يقفوا معنا ويتصدوا للتيارات المتطرفة عندنا مشاكل اه بس نحلها مصر مش ممكن تكون سودان وتتقسم او افغانستان وفيها ارهاب او اليمن تدعم متطرفين مصر اللى احنا عايزنها مصر صناعة ومصر تصدير ومصر تعليم ومصر فن ومصر ابتكار كفانا تطرف وتعصب
وده كلام من شهر من جبرائيل
هدد المحامي القبطي نجيب جبرائيل، رئيس منظمة الاتحاد المصري لحقوق الإنسان، بأنه سيلجأ لطلب الحماية الدولية للأقباط لو لم يتم تنفيذ كافة المطالب التي ينادي بها الأقباط في مصر.
جاء ذلك خلال المؤتمر الذي عقد صباح اليوم بمقر المنظمة، تحت عنوان: "المؤتمر العالمي لمناقشة حال وأحوال أقباط مصر بعد ثورة 25 يناير" لمناقشة أوضاع الأقباط في مصر بعد الثورة وأحداث إمبابه وتطورات قضية كاميليا شحاته.
وخرج المؤتمر بعدة توصيات، كان أهمهما، مطالبة المجلس العسكري بالإعلان بكل صراحة وحزم عن موقفه من وضع أقباط مصر وما يعانونه، وتشكيل لجنة تقصي حقائق تضم نائب رئيس مجلس الوزراء وعضوية نجيب جبرائيل واثنين من المجلس القومي لحقوق الإنسان وأحد أعضاء المجلس العسكري، وذلك للوقوف على حقيقة الاعتداءات التي شهدها الأقباط الفترة الماضية بدءا من حادث دير الأنبا بشوي وصولا إلى مظاهرات السلفيين التي حاصرت الكنيسة وأحداث إمبابه.
كما طالب المؤتمر في توصياته، بأن يعين أحد لواءات الجيش الأقباط كعضو في المجلس العسكري، وأن يتضمن الدستور الجديدة مادة صريحة تنص على أن "مصر دولة مدنية"، وأن يتضمن الإعلان الدستوري مرسوما ينص على كوته للأقباط والمرأة والشباب.
وطالب أيضا بالإفراج الفوري عن جميع المعتقلين الأقباط الذين تم إلقاء القبض عليهم في أحداث أبو قرقاص وماسبيرو، وبضرورة تقديم المحرضين على المظاهرات التي حاصرت الكاتدرائية للمحاكمة وكل الذين اعتدوا الأقباط وقاموا بمنع المحافظ القبطي اللواء ميخائيل من مباشرة عمله إلى محكمة عاجلة وعلنية