سؤال: نوبيرا م ولا صني اوتو

معلش هو سؤال ممكن يبدو ساذج شوية بس أهو لازم اسأله
أنا بستخدم النوبيرا وسايب الصني لما اخويا بيرجع من السفر اسبوع في السنة ولا حاجة
المهم قلت حبيع واحدة من ال 2 .. ولما يرجع ممكن يأجر

أنا ولو إن معايا مفتاح ال 2 الا إن عمري ماخدت الصني غير أما كانت النوبيرا بتتصلح ودي كانت مرة واحدة عشان كان عندي معاد

المقارنة للوهلة الاولى ممكن تحسم للصني لكن ارجوك راعي الملاحظات بعيدا عن الأداء وكده:

النوبيرا: اهدى في اسعار قطع الغيار - مانيوال (دي لوحدها +10) - حفظتها - عارف مواعيد صيانتها وكده - من الاخر بتاعتي

الصني: طبعا بخاف عليها من المطبات والطريق والخربوش بيها بيجنني
اوتو .. امل من كده متلاقيش
لكن مثلا جودة الصنع جوه الصالون والبودي عجباني
وعارف إنها عربية أحسن - فرق سعر و تجميع

مش حطول عليكم
صني 2005 سوبر صالون اوتو (ياباني)
نوبيرا 2 2003 فل أبتين مانيوال (مصري)


ملاحظة: أنا بعدت عن الأداء وكده عشان مش فارق معايا وملاحظتش فرق كبير (مبجريش قوي)
كمان أنا عارف إن ال 2 مش فئة سعرية واحدة

أنا ناوي ابيع الصني..في أي أراء أخرى؟

بالتوفيق ان شاء الله

اقتباس:

---

المشاركة الأصلية كتبت بواسطة elpasha1

بالتوفيق ان شاء الله

---

مقلتليش رأيك يا باشا :grin54:

إضافة: على فكرة أنا غلطان هي اغلب الظن اكس صالون مش سوبر صالون

بص انا معايا نوبيرا 2 بصراحه العربيه ملهاش حل فى كل حاجه . سحب ممتاز و ثبات رائع ع السرعات العاليه و كمان قطع غيار متوفره فى كل مكان و باسعار معقوله جدا , كل الميكانيكيه ممكن يشتغلو فيها لسهولتها تكييفها ممتاز جدا , بس النيسان انا ماركبتهاش و معرفش عنها حاجه بصراحه و لكن طبعا اكيد النيسان تتفوق ع النوبيرا فى انها يابانى 100 فى 100 و ده معناه خامات افضل و جودة تقفيل اعلى و عمر افتراضى اعلى و لكن اللى اعرفه ان النيسان اعادة البيع فيها صعبه شويه لانها مش مرغوبه اوى مش زى النوبيرا ممكن تبيعها فى اى وقت بمنتهى السهوله . من رأيى اقتنى النوبيرا علشان انت خلاص اتعودت عليها و حفظت اللى فيها و عرفت مميزاتها و عيوبها و لاتنسى صلاة الاستخاره

شكرا لإضافتك يا أستاذ سامي وانا فعلا بحب النوبيرا جدا وعارف كل حاجة في عربيتي حتى الكلام اللي مش بيتقيد في الصيانة
يعني مثلا العجلة الورا شمال واخدة 8 خوابير وإلخ... لكن الصني مستعملة سابقا 6 سنين ولا أعرف عنها حاجة

لكن الفارق موجود وهوا ده اللي مخلي في صراع في دماغي

ولو كانت النيسان كانت مانيوال كان الموضوع بقى أسهل لكنها اوتو والمرة الوحيدة اللي خدتها فيها كان طريق طويل وكنت حنام منها

اقتباس:

---

العربيه ملهاش حل فى كل حاجه . سحب ممتاز و ثبات رائع ع السرعات العاليه و كمان قطع غيار متوفره فى كل مكان و باسعار معقوله جدا , كل الميكانيكيه ممكن يشتغلو فيها لسهولتها تكييفها ممتاز جدا

---

مؤيد

بص حضرتك استخدامك للعربية اية؟
لو جوة البلد اكتر يبقى الصنى تكسب عشان اوتو و الزحمة و قرفها
لو برة البلد النوبيرا احسن بتديك شد و اللى انت عاوزوه
بالنسبة لرايى الشخصى
الصنى افضل بامانة عن النوبيرا من حيث الصاج و العزل و كل حاجة
من الاخر بيع النوبيراا (انا معايا نوبيرا على فكرة)

بصراحة مابتحركش بالعربية غير في المشاوير الطويلة فـمعظمها طرق سريعة أو سفر عشان كده بقول إني افضل المانيوال
وفعلا الاوتو جوه البلد رحمة لكن دي مش حالتي

وشكرا يا باشا حاخد رايكم كلكم في الحسبان

اقتباس:

---

اللى تعرفه احسن من اللى ما تعرفوش لأن دى عربيتك و عارف كل خباياها

---

واللهِ هو ده السبب في الحيرة دي
لولا كده كنت لخصت وبعت النوبيرا

المشكلة إن الفرق مش مهول عشان الواحد ياخد قرار مرة واحدة
الفرق موجود بس مقبول

من وجهة نظري ان حضرتك تقتني النوبيرا ..............و عاوز اضيف حاجه و الله اعلم بصحتها انا قلهالي مدير مبيعات في احدى توكيلات نيسان بالخليج
الراجل ده قالي ان في مصر العربية الصني مش ياباني 100 × 100 فيه اجزاء منها لازم تتجمع في مصر
و الله اعلم ..

اعمل استخارة بما انك محترار في الاثنين
بس من رايئ بيع النوبيرا وخلي الصني
لاحظ وجود اير باج في الصني مش موجود في النوبيرا وفرامل الصني احسن من النوبرا بمراحل ناهيك عن حجات تاني كتير
اعادة البيع في النوبيرا كويسة عشان تمنها في متناول شرائح تكتبر من الناس اما الصني سعرها غالي

انما راى الصنى طبعا علشان اتوماتيك هو الواحد لسه هيسوق مانيوال فى البلد دى على فكره انا معايا صنى 2007 وانا ببيع حاليا علشان سبب واحد بس وهو انها مانيوال مش اكتر علشان اجيب عربيه اتوماتيك صدقنى الاتوماتيك افضل كتير وقطع الغيار مش غاليه ذى ما انت متوقع خالص خالص والثبات كويس جداااااااااااا وعربيه ممتازه بكل المقاييس بس عيبها الوحيد انها بتاكل بنزين شويه عن الانوس ال كانت معايا يعنى ممكن تعمل 11.5 كيلو فى التر معرفش ايه ظروف النوبيرا معاك

اقتباس:

---

المشاركة الأصلية كتبت بواسطة sala7

من وجهة نظري ان حضرتك تقتني النوبيرا ..............و عاوز اضيف حاجه و الله اعلم بصحتها انا قلهالي مدير مبيعات في احدى توكيلات نيسان بالخليج
الراجل ده قالي ان في مصر العربية الصني مش ياباني 100 × 100 فيه اجزاء منها لازم تتجمع في مصر
و الله اعلم ..

---

شكرا لرأيك يا أستاذي
كلام الراجل صح بس ده بعد 2005 كله تجميع مصري والله أعلم

اقتباس:

---

المشاركة الأصلية كتبت بواسطة mohamedbook

اعمل استخارة بما انك محترار في الاثنين
بس من رايئ بيع النوبيرا وخلي الصني
لاحظ وجود اير باج في الصني مش موجود في النوبيرا وفرامل الصني احسن من النوبرا بمراحل ناهيك عن حجات تاني كتير
اعادة البيع في النوبيرا كويسة عشان تمنها في متناول شرائح تكتبر من الناس اما الصني سعرها غالي

---

واللهِ ححاول استخير فالموضوع ده
هي الفكرة كل واحدة فيها ميزات كتيرة - لكن شوية على الورق وشوية لأ
يعني فرامل وأمان الصني أحسن
لكن النوبيرا تتصلح عند أي ميكانيكي - كله بيفهم في الدايو وانا افضل الميكانيكي على التوكيل بعد الضمان
كمان قطع غيرها ارخص بكتير - التجارية أو الاصلية

اقتباس:

---

المشاركة الأصلية كتبت بواسطة احمد المصرى

انما راى الصنى طبعا علشان اتوماتيك هو الواحد لسه هيسوق مانيوال فى البلد دى على فكره انا معايا صنى 2007 وانا ببيع حاليا علشان سبب واحد بس وهو انها مانيوال مش اكتر علشان اجيب عربيه اتوماتيك صدقنى الاتوماتيك افضل كتير وقطع الغيار مش غاليه ذى ما انت متوقع خالص خالص والثبات كويس جداااااااااااا وعربيه ممتازه بكل المقاييس بس عيبها الوحيد انها بتاكل بنزين شويه عن الانوس ال كانت معايا يعنى ممكن تعمل 11.5 كيلو فى التر معرفش ايه ظروف النوبيرا معاك

---

شكرا يا أستاذي
هي المانيوال والاوتو أظن أمزجة يعني أنا المانيوال وتشبيع الغيارات وكده اعشقه
إنما الاوتو بالنسبالي بيخليني عايز أنام

في ناس تقول على الاوتو إنه مريح - زي حضرتك - وإن المانيوال متعب
وده صحيح برده المانيوال بيبهدل رجل الدبرياج .. لما تكون بتسوق جوه البلد

أشكرك على رأيك وفعلا أنا حابب أسمع ارائكم جدا عشان في حاجات قولتوها مجتش على بالي خالص

هي النبرة برده 11 لتر/كيلو بالتكييف وطريق سريع + شوية مدن

إضافة: معلش اللي معاه نيسان اوتو...الفتيس بيتعب من الكيكداون برده ولا عادي ولا إيه النظام؟

اقتباس:

---

المشاركة الأصلية كتبت بواسطة رزق

معلش هو سؤال ممكن يبدو ساذج شوية بس أهو لازم اسأله
أنا بستخدم النوبيرا وسايب الصني لما اخويا بيرجع من السفر اسبوع في السنة ولا حاجة
المهم قلت حبيع واحدة من ال 2 .. ولما يرجع ممكن يأجر

أنا ولو إن معايا مفتاح ال 2 الا إن عمري ماخدت الصني غير أما كانت النوبيرا بتتصلح ودي كانت مرة واحدة عشان كان عندي معاد

المقارنة للوهلة الاولى ممكن تحسم للصني لكن ارجوك راعي الملاحظات بعيدا عن الأداء وكده:

النوبيرا: اهدى في اسعار قطع الغيار - مانيوال (دي لوحدها +10) - حفظتها - عارف مواعيد صيانتها وكده - من الاخر بتاعتي

الصني: طبعا بخاف عليها من المطبات والطريق والخربوش بيها بيجنني
اوتو .. امل من كده متلاقيش
لكن مثلا جودة الصنع جوه الصالون والبودي عجباني
وعارف إنها عربية أحسن - فرق سعر و تجميع

مش حطول عليكم
صني 2005 سوبر صالون اوتو (ياباني)
نوبيرا 2 2003 فل أبتين مانيوال (مصري)


ملاحظة: أنا بعدت عن الأداء وكده عشان مش فارق معايا وملاحظتش فرق كبير (مبجريش قوي)
كمان أنا عارف إن ال 2 مش فئة سعرية واحدة

أنا ناوي ابيع الصني..في أي أراء أخرى؟

---

في حاجه تانيه في صالح النوبيرا وهي وسع الصالون بتاعها وفي نفس الوقت النيسان صالونها أضيق وأنارأيي تخلي النوبيرا معاك. وربنا يوفقك للخير

معلش عاوز اضيف إضافة صغيرة
الفتيس الاوتو مريح جدا وده كلام صحيح لكن للأسف تصليحه مش سهل و بتدوخ في التصليح
الحاجه المهمه انه لو قبل انه يتصلح مبيرجعش زي الاول و المشاكل بتفتح فيه و بتضطر تغير الفتيس كله بردوا
وده مش في كل الاحول لذيذ

العربية الصنى مش يابانى 100% ..بتتجمع فى 6 اكتوبر تيسان مصر و باين قوى التقفيل بتعها لما تقرنها بنيسان تيدا.
انا فى رأى هى مش تفرق كتير عن النوبيرا او الاوبتر غير المكنة بتاعتها يابانى

يا عمنا
يعني الاول ما قلتش ليه ها تبيع عربيه اخوك كده وتخليه يركب عربيه ايجار
....... وكانه مالوش راي او اراده
والاصدقاء اللي هنا طيبيين اوي ياخال

.
.
.

اقتباس:

---

المشاركة الأصلية كتبت بواسطة samrash

العربية الصنى مش يابانى 100% ..بتتجمع فى 6 اكتوبر تيسان مصر و باين قوى التقفيل بتعها لما تقرنها بنيسان تيدا.
انا فى رأى هى مش تفرق كتير عن النوبيرا او الاوبتر غير المكنة بتاعتها يابانى

---

الكلام ده مظبوط يا باشا بداية من 2006
العربية موديل 2005 وهي كانت اخر دفعة مستوردة

ياعمنا
يعني الاول ما قلتش ليه ها تبيع عربيه اخوك كده وتخليه يركب عربيه ايجار
....... وكانه مالوش راي او اراده
....... والاصدقاء اللي هنا طيبيين اوي ياخال

.
.

ههههه معلش أنا حبيعها بموافقته يا باشا مش من وراه
وهو مش فارقة معاه أنهي اللي تتباع وأنهي تفضل

عشان اللي قاعدة دي ولا بتتساق وقيمتها بتنزل يوم عن التاني

حضرتك بيع الاتنين واشترى تويوتا كورلا 2001 الى 2006 اتوماتيك

أنا جه في بالي نفس الكلام ده بس الوالد رفض "اللي نعرفه أحسن من اللي منعرفوش" لحسن نبيع دول اللي مفهمش مشاكل ونجيب واحدة فيها

كمان مظنش إن الكورولا أحسن من الصني ولا أنا غلطان؟

احنا عندنا كورولا واسعه ومريحه واقتصاديه جدا فى البنزين بالنسبه للنوبيرا و الصنى همه حريقه بنزين بالنسبه ليها واعطالها تقريبا مافيش وتكييف فوق الممتاز هيه تقل عن النوبيرا والنبسان فى الثبات فقط

انا شايف انك حسمت الخلاف فى الموضوع دا بأنك مرتاح للنوبيرا و بتسأل منتدى الدايو
يعنى توكل على الله

بصراحة أنا سألت هنا وهناك
عشان الموضوع مش بسيط