مفاتيح علي كل شكل

**hazem_khidr** · 06-06-2007 02:20 PM

زمان كانت مفاتيح العربيات تقليديه و تكاد تكوت متشابهه الي حد بعيد بين الشركات المختلفه .
وانا بدور انهارده لقيت شويه صوره لمفاتيح حديثه اتمني انها تعجبكم

**hazem_khidr** · 06-06-2007 02:22 PM

من المفاتيح

**hazem_khidr** · 06-06-2007 02:23 PM

\............

**bassam nagy** · 06-06-2007 06:42 PM

يارب اوعدنا نمسك مفتايح زى دوول

**vooooo** · 06-06-2007 07:09 PM

ممكن أشترى المفتاح بس ؟ و اخلى العربيه بعدين؟
طبعآ حاجه جميله

ليا سؤال بالنسبه لمفتاح الفولفو
ليه المفتاح جزئين؟ و لو كده ليه مفيش سلسه تربطهم
ولا دول بمغناطيس لا سمح الله؟
حد يفيدنى يا جماعه علشان انا بحب الفولفو و موضوعها يهمنى

**hazem_khidr** · 06-06-2007 07:13 PM

انا مش عارف التفسير الصراحه بس انا اعتقد ان الجزء الرفيع دا بيبقي في العربيه بتثبته فيها و الجزء المستطيل دا بيبقي في جيبك و بيبقي في ربط بينهم عن طريق موجات و بكده تقدر تفتح العربيه مجرد ما بتقرب منها و تدورها من غير مفتاح يعني كله الكتروني زي الرسيدس مثلا ال sl 500 دي بدور بنفس الطريقه في كارت بيبقي في جيبك و دا اللي بيعرف العربيه عليك و بتقدر تتحكم فيها بنفس الاسلوب

**vooooo** · 06-06-2007 08:04 PM

والله كلامك معقول يا أستاذ حازم

تكنولوجيا برضه
و الأوبشن ده ثمنه كام فى العربيه؟
ده لو مفتاح باظ أو ضاع صاحب العربيه يلوص بقى
الحمد لله على المفاتيح التقليديه اللى منغير تشفير

**hazem_khidr** · 06-06-2007 08:08 PM

علي فكره التكنولوجيا دي بره تعتبر حاليا ببلاش يعني مش تتكلف كتير.زي الزجاج الكهربا اول ما نزل شوف كان بيزود كام علي العربيه و دلوقتي بقي بكام و شوف ال ABS كان اول ما نزل هو و الاير باج كانوا بكام و دلوقتي بكام و بكره حيبقي بكام التكنولوجيا اول ما بتطلع بتبقي غاليه و بعدين بترخص و بتبقي شئ عادي
بس ما تتعشمش اوي و تقول قريب تركب الحاجات دي في مصر :)
يا باشا انت عايش في بلد بتعتبر حزام الامان كماليات و بتجمركك عليه :mrgreen:

**Abdallah** · 06-06-2007 09:15 PM

صحيح انا عربيتى اتجمركت على السنتر هههههههههههههه

**hazem_khidr** · 07-06-2007 04:36 AM

صحيح انا عربيتى اتجمركت على السنتر هههههههههههههه

و الله يا باشمهندس عبد الله واحد فعلا حكالي من كام سنه انهم جمركوا حزام امان العربيه عنده و اعتبروه كماليات!!!!!!!!!! و انت كمان بتقول بيجمركو السنتر ؟؟امال لو شافو مفتاح زبي دول حيعملو ايه؟؟
مش بعيد يفتكروك جاسوس و دا جهاز الارسال بتاعك زي جمعه الشوان و يبلغو عنك :mrgreen: