ارجوكم دلونى

**xman103666** · 27-06-2011 12:14 AM

ارجوكم دلونى عايز اجيب عربية اتوماتيك تكون حالتها كويسة وتكون تكيف وبوار وتكون معقوله فى اسعار قطع الغيار بقالى 6 شهور مشعارف ارسى على نوع معين ولا لاقى عربية ارجوكم دلونى احترت وحتار دليلى ولو فى حد عنده عربية كويسه يقولى ارجوكم
السعر فى حدود 35000 الى
40000
ارجوكم دلونى يرب الاقة حل لحرتى عندكم وارجو اليقولى نوع او يرشحهولى يقلى المزايا والعيوبي

**Bassem Raafat** · 27-06-2011 03:46 PM

هيونداى إكسيل أو دايو لانوس 1

**MoStAfA MaHmOuD** · 27-06-2011 03:58 PM

هيونداى إكسيل
مع ان ناس كتير مش بتفضل الاوتوماتيك فى القديم

**aboomar22** · 27-06-2011 04:07 PM

طالما عايز اتوماتيك وعربية مش غالية يبقى خليك فى اليابانى او الالمانى ممكن من اليابانى هوندا سيفيك ex موديل 90/ 93 او تويوتا كرولا موديل 89 /90 اللى هو قبل الملكة لو المانى ممكن اسكودا فابيا مو 2000/ 2003 حلوة قوى بس قطع غيار غالية شوية غير كده يبقى زى استاذ بسام ماقال اكسيل او لانوس 1 بس معلش سؤال ليه اتوماتيك مش مانيوال يعنى انا عندى راىء طالما بتشترى موديل اكتر من 10 سنوات يبقى المانوال عملى اكثر يعنى بتبتدى تظهر مشاكل فتيس او مارش يعنى المانول هتديها زقة لما توصل لاقرب كهربائى الاوتو مش هينفع

**xman103666** · 28-06-2011 03:01 AM

انا عايز اتوماتيك لانى جديد فى السواقة ولما بدات انزل الشارع واسوق اتخنقت جدااااااااااااااااا لكن لما جربت ععربية واحد صحبى اتوماتيك لقت الحكاية سهلة ومعقوله شويه عشان كده حبيت اجيب اتوماتيك ولحد دلوقتى مشلاقى ولا حاجه ودخت السبع دخات فيرب الاقى حاجة كويسة
ارجو المساعدة

**mahmoodallam** · 28-06-2011 07:28 AM

بص بيتهيألي ما تزنقش نفسك في نوع معين
انت في النهاية الحالة هي الللي تحكم
وضروري جدا ما تشتؤيش الا عربية حالتها على الاقل جيدة جدا
أنا أرشحلك
سيفيك 1990 أو 91
أو بروتون ويرا