ياريت حد من الناس الخبراء يقولى راية فى الهوندا الhrv علشان قدامى واحدة 2005 ماشية 135 الف وراشة من برة ب 82 الف بس حالتها كويسة
بس لما سالت قالولى السعر غالى والعربية وحشة وبلاش تشتريها وملهاش قطع غيار فى مصر
ارجو الافادة
شكرا مقدما
عرض للطباعة
ياريت حد من الناس الخبراء يقولى راية فى الهوندا الhrv علشان قدامى واحدة 2005 ماشية 135 الف وراشة من برة ب 82 الف بس حالتها كويسة
بس لما سالت قالولى السعر غالى والعربية وحشة وبلاش تشتريها وملهاش قطع غيار فى مصر
ارجو الافادة
شكرا مقدما
زى ما قالولك بالظبط
شكلها حلو بس انا الهوندا عموما مش ليا فيها ومش بتدخل دماغي اي حاجة اسياوية بصراحة
انت ممكن ب 75 تجيب عربية bmw 318 اخر التسعينات وهتبق عربية تحفة واحسن واشد من اي عربية اسياوية ممكن تجيبها
وقطع غيارها متوفرة يمكن اغلي من الاسياوي سنة بسيطة بس قطع غيارها معمرة 3 او 4 اضعاف الكوري والاسياوي عموما لانها الماني وفي الاساس البافارية كانت شركة لصناعت الطيارات ايام الحرب تقريبا فا تلاقي دقة وقوة في التصنيع جدا
ودي صورة للعربية
http://carphotos.cardomain.com/ride_...0006_large.jpg
http://2.bp.blogspot.com/_0LXwB2xJfZ...le_20228_1.JPG
الاسيوي مش كلة زي بعضة و ماينفعش نقول ان الياباني زية زي الكوري او الصيني, و الهوندا عامة عربيات حلوة جدا و حمالة جدا و ماتوقفش بيك لو بتهتم بزيتها و مياة الردياتير و بس حتى, انا قعدت 17 سنة راكب هوندات (سيفك و اكورد) و العربيات دي معمرة في قطع الغيار و موفرة بنزين و متينة و مريحه و الاتش ار في كويسة و كل حاجة بس حاتتعبك في قطع الغيار و الصيانة بتاعتها و هي مش متينة زي بقية العربيات ال 4*4 البودي يتاعها و الاكصدامات ضعيفة قوي يعني ينتفي غرض المتانة بالمقارنة بنفس الفئة, و لو حضرتك حددت احتياجك للعربية بغرض اية ممكن نفيدك اكتر, هل هي سيارة عائلية و للا سفر كتير و للا للسفاري و لا طبيعه استخدامك او احتياجك لل 4*4 حايكون اية ؟
السياره دى فيها عيب جامد قوى - هو الفتيس بتاعها (سى فى تى) (cvt) وده بيخرب بسرعه لأنه مش بيستحمل ثقل السياره لأنه مصمم للسيارات الخفيفه وراكب فى السيتى وشغال لأانها خفيفه - وسعر الجير ده بكام بقى ....... 45 الف جنيه !!
الحاجه التانيه السياره دى مش بتاعت شد وجرى يعنى تخنقك - نصيحه لك ابعد لو كان فيه الخير ما كان رماه الطير - صاحبها عارف اللى فيها وعلشان كده بيبيعها بالسعر ده وده مش منطقى لأن المفروض انها تعمل اكتر من كده لكن السوق فاهم اللى فيها ومش بيشتروها وعلشان كده سعرها واقع - انساها - سلام