عرض للطباعة
انا اشتريت عربيه نيسان صني2010 امبارح بس بعد ماشتريتها لاحظت الاتي كل ماابطل العربيه للركنه وانزل منها اسمع صوت تكتكه من الجهه اليمني للكبوت هل ده عادي في الصني والا العربيه فيها حاجه عايزة تتظبط وعلي فكره يا جماعه العربيه عامله 22000 كيلو صوت التكتكه ده بيستمر لمده اكثر من دقيقه ويقل تدريجيا ثم يتوقف ارجو المساعده من الخبراء
بص يا باشا .... صوت التكتكة ده صادفته انا و اخويا في عربية 128 ... وساعتها حد فسرهولنا ان العربية بتسخن فالزيت بيغلي ويتكتك كده ... وانا بامنة ماكنتش مقتنع بالتفسير ... بس قلتلك اللي اتقالي ... مبروك عليك و ربنا يجعلك فيها بركة ويكفيك شرها
ممكن يكون صوت التكتكة ده بتاع المروحة ,, لأن المروحة بتشتغل أتوماتيك عن طريق الحساس لما بتزيد الحرارة ,, وده اللى بيخليها بعد ما تبطل يقل الصوت تدريجى لحد ما يقف ,, وده بيحصل معايا فى اللانسر عادى ,, ولو أنتا عايز تتأكد من كلامى بعد ما تبطل ارفع الكبوت وشوف أكيد هتلاقى المروحة شغالة لحد ما هتقل تدريجى لحد ما تقف عشان الحرارة طبعا بتبقى عالية مع المشى فى اليومين دول ,,, تحياتى ,,,,,,,,,ومبروك عليك العربية ,,,,,,,
اقتباس:
المشاركة الأصلية كتبت بواسطة mahamede
هيا الصنى بتسخن للدرجه دى ؟؟ غريبه
انا باخد القاهره والجيزه رايح جاى لـــف فى عز الزحمه والحر ومبيحصلش ان المروحه بتشتغل
شوف يا باشا
انتا اول ما تركن .. ترفع الكبوت وتركز مع الصوت .. عشان تعرف جاى منين بالظبط
ممكن يكون من اسلاك البطاريه
ممكن يكون غليان الزيت
ممكن يكون من المروحه وفى الحاله دي لو انت مكنتش مشيت بيها مشوار طوووووووويل فعلاً
ممكن يكون عندك حاجه فى الراداتير ( دورة التبريد )
وان شاء الله خير وسليمه يا باشا
اقتباس:
المشاركة الأصلية كتبت بواسطة kamatsho
يا باشا بنسبة 90 % هيكون الصوت من المروحة ولو الأستاذ صاحب الموضوع عايز يتأكد ينزل دلوقتى حالا ويجرب ويشوف ,, بالنسبة بقى لموضوع ان النيسان بتسخن بسرعة ولا لا ,, فى الجو بتاع اليومين دول طبيعى أى عربية بتسخن للدرجة دى سواء كانت نيسان أو غير نيسان ومش لازم يعنى أن العربية تسخن لما الواحد ياخد مشوار كبير ده أنتا لو لفيت لفة بس فى أى شارع فى القاهرة سواء كانت عربية جديدة أو قديمة هتسخن طبيعى والمراوح هتشتغل,, بجانب أنه ممكن تكون المشكلة عنده من الريداتير أو كتاوت الحساس بتاع المروحة ,,,تحياتى ,,,,
لو فعلاً من المروحه زي ما حضرتك بتقول ... يبقى فيه حاجه غلط فى دورة التبريداقتباس:
المشاركة الأصلية كتبت بواسطة mahamede
بقول لحضرتك يا باشا انا بلف القاهرة والجيزه فى عز الحر والزحمه ... ومبيحصلش ان العربيه تسخن للدرجه دى
او مؤشر الحراره يرفع ... الحمد لله
الحمد لله يا باشا ,, وانا بقول ان ده مجرد احتمال ,, وزى ماحضرتك بتقول فى حاجة غلط فى دورة التبريد وأنا برشح بنسبة 95 % مش 90 % ان لو المشكلة من المروحة يبقى الحساس هوا اللى فيه المشكلة وهيكون عايز يتغير ,, تحياتى ,,, وربنا يديم المودة ,,,,,,,,,,,,,اقتباس:
المشاركة الأصلية كتبت بواسطة kamatsho
مروحة ايه ياجماعه بس
صوت التكه ده من الفرن بتاع الشكمان وبيبقى موجود فى اغلب العربيات الجديده
اقتباس:
المشاركة الأصلية كتبت بواسطة moustafa_saad
أستاذ مصطفى باشا ,, أحنا قولنا أحتمال ,, بس شكل كدا الاحتمال بتاع المروحة ده مش مضبوط ,, بس ممكن حضرتك تفهمنى موضوع فرن الشكمان ده عشان مش عارف أفهمه ,,, تحياتى أستاذى العزيز ,,,,,,,,,
الموضوع ده عندنا فى كل عربيات اللوجان علشان لسه طبعا انت عارف انها جديده
فرن الشكمان بيتمدد مع الحراره ولما بتبطل العربيه بيبداء يعمل الصوت ده وسالنا فى التوكيل قالوا ان ده بسبب ان العربيه لسه جديده وحيختفى مع الوقت وفعلا فى زمايل لينا اللى قطعوا كيلو مترات كتير الصوت اختفى عندهم والكلام ده فى كل العربيات الجديده تقريب ومفيش منه ضرر ولا قلق نهائى ان شاء الله
احتمال تاني
طرومبة المياه شوفها كده ؟؟
شوف الموضوع ده
http://www.nilemotors.net/Nile/228582-a.html
أنا مع الاستاذ مصطفى سعد كل العربيات فيها الموضوع ده وده بيكون من درجة الحرارة ومفيش أى حاجة تانية غير كده .. مفيش أى حاجة غير طبيعية فى العربية
رأى الأستاذ مصطفى مظبوط ان فعلا صوت التك تك تك متقطع دا بيبقى من فرن الشكمان وبيهداء تدريجى خلال دقيقه من بعد ايقاف السياره ودا فعلا موجود فى كل العربيات بس فى ودن تجيبه وودن متجيبوش