السلام عليكم
كنت عايز اعرف اسعار مواتير الجولف
اللى اعلى من 1600 سى سى
و اخبار كل واحد ايه
و قطع غياره متوفره ولا لا
و ايه اخبار سعر ال 2e
و قطع غياره و الكلام ده
ارجو الاهتمام و الرد
عرض للطباعة
السلام عليكم
كنت عايز اعرف اسعار مواتير الجولف
اللى اعلى من 1600 سى سى
و اخبار كل واحد ايه
و قطع غياره متوفره ولا لا
و ايه اخبار سعر ال 2e
و قطع غياره و الكلام ده
ارجو الاهتمام و الرد
الموتور ال 2eبفتيسه بعفشته بدفيرته ممكن يعمل فى رينج 6500ج ويفضل تاخد نص على بعضه وتتفق مع التاجر انك هترجعلو الصاج
وتاخد انت كل البهاريز اللى جواه
الف شكر يا باشا على الاهتمام
بس مفيش موواتير سعرها ارخص من كده
مووووووووووووووووشششششششش ششش :D :D
انت جييييت ف ملعبى بقى :D
تعالى اقولك كلمه ففففففف ودنك :D
ع الميل يا كبير :d
مووش انتا هتغير ولا ايه
ولا ناوى تركبه في البيتل
-----------------
محمد سالم
ههههههههههه
ماشى يا ميزو والله اول واحد فكرت فيه
بس قولت اشوف الناس هنا فى المنتدى ايه النظام
استاذ سالم
اخبار حضرتك ايه ؟
لا انا مش ناوى اغير
بس شوفت امبارح كليب
مجننى و لحس الربع اللى فاضل ف دماغى
1303
مركب موتور الجولفال 2e
اللى هو 2000 سى سى
و هنا ف مصر
و انا بحاول بكل الطرق اوصل للولد ده
لانى كنت قابلته قبل كده
بس كان لسه معملش التعديل ده فى العربيه
و بصراحه العربيه بالموتور ده
مقولكش على اللى بتعمله
بيجيب ال 160 مرتاااااااااح
و بيعديها كمان بكتير
يا ريت تبعت لينك الكليب ده
لو الموضوع ينفع يبقي تمام اوى
مش علشان السرعة
لاء موتور الجولف ارخص بكتير و تكنولوجيا احسن وهيبقي اوفر من موتور البيتل اللى عامل زى بلاعة البنزين
والتجار بتوع الاستيراد يقولك 7000 جنيه وكلهم نصابين
--------------------
محمد سالم
هو بصراحه سحب و جرى و تخميس و دلع
بس سعره يعمل كام
على سب اول رد
ب 6500 جنييه
يبقى نفس السعر بتاع ال 1600
بس مع فرق كل حاجه
ده لينك الفيديو على الفيس بوك
Log In | Facebook
انا شفت الفيديو
دا ال 2e خلاها دمار شامل
بجد تسلم ايدك
انا فرحان جدا ان شاب مصرى قدر يعمل الشغل الجامد ده
ياريت نقدر نوصل ليه ونعرف منه الشغل اتعمل ازاى
---------------
محمد سالم
والله و انا فرحت جدااااااااااااااااااااااا بالموضوع ده
و انا دلوقتى وصلتان واحد من صحابى بتوع البيتل
يعرف الولد ده شخصيا لانه معاه فى الجامعه
بس هو مسافر حاليا بره مصر
و اول ما يرجع ان شاء الله هايكون فى لقاء معاه
و لو عرفت اصور تفاصيل تانيه
مش هتاخر ولا هتردد ثانيه واحده
و ان شاء الله يبقى فى تقرير عن الموضوع ده
بس هو يرجع بالسلامه ان شاء الله
بجد الفيديو انا بتفرج عليه 5 او 6 مرات يوميا
عملى تربنه فى دماغى
اصل انا بحب الجرى اوى
و دى الحاجه اللى كنت بحس بعجز شويه فيها مع البيتل
بس مع التعديل ده ولا اى عجز
ده انا اطلع مع بى امات مايهمنيش :)
ياا جماعه اناا اعرف سمكرى بيعدل حوض المتور بتاع بيتلز وعلشان تركب متور جولف بس ايلى اعرفه انه بيتركب مواتير معينه للجولف تقرييبااا جولف 2 . بس علتى فكره التعديل مش بيضر العربيه فى شكلهااا ولااا حاجه ولا اكن د شايف حاجه
السمكرى دااا اسمه خالد فى السيده زينب وداا رقمه لو عايز تعرف اكتر. 0129825544
مفيش مشاكل خالص ولا شكر قله بس انااا جيلللك من طرف وائل او احمد بتاع فولكس الاحمر فى اسود:b4_033:
انا كلمت خالد السمكرى النهاردة
وقاللى انه عمل التعديل ده فى اربع عربيات قبل كدة
والموضوع بيحتاج حداد وسمكرى وميكانيكي بيشتغل فى المواتير الجولف
هتكون شاري الموتور وحطه عنده
السمكرى هيقطع حوض الموتور
والحداد هيعمل قاعدة للموتور حديد متثبتة فى الشاسيه
وهيكون معاه الميكانيكي علشان المقاسات وطريقة تثبيت المتور تبقي صح
وبعد كدة السمكرى هيقفل صاج بدل اللى شاله علشان المتور طبعا اكبر من الاصلي
ولما سالته عن التكاليف قاللى اقابل صاحب الورشة وهو هيقولي تفاصيل اكتر والاسعار
ياريت لو حد معدى على السيدة زينب يسأله
الورشة امام مطعم الجحش بيفتحوا من اول 10 الصبح
-----------------
محمد سالم
رغم انى معنديش بيتلز الا انى بعشقها وموضوع تسقيط الماتور ده يبئا جامده جدا بس موضوع الموتور ده مش هيبئا ليه سلبيات من ناحية السخونة بمعنى ان موتور البيتلز تبريد هوا ومصمم ان يكون ورا انما الجولف اعتقد مش هيكون تبريد هوا ولا ايه ياريت تفهمونى؟
ملكشى دعوه بقى با السخونه انتا حيبقى زيك زيى عربيات تانيه
الريداتير هيتحط ادام وهيتعمله شبكة علشان الهوا يدخله وطبعا مروحته كهرباء
اما الموتور نفسه فى حركة دخول وخروج الهوا الدخول من الفتحات اللى تحت الزجاج الخلفي
والخروج من اسفل حوض الموتور او من فتحات الكبوت
هو عامتا فكرة تركيب موتور تبريد مية موجودة بكثرة برة
وعندنا فى المايكروباصات كتير جدا مركبينه
وفى اول الموضوع هتشوف لينك لفيديو واحد مصرى عامله فى بيتل
وانا لما سالت السمكرى قاللى انه عملها قبل كدة 4 مرات
يعنى الموضوع ينفع بازن الله
-------------------
محمد سالم
ياريت ياجماعه اللي يوصل لاي معلومه في الحوار ده يبلغنا
بس الردياتير هيتحط فين يا جماعة قدام مفيش مكان و غطا الموتور هيقفل ازاى بعد كدة اكيد مش هنسيب الموتور عريان وبالنسبة للصيانة العدية بعد كدة زى تغيير بوجيهات ظبط كهربا اى حاجة المكان هيبقى ضيق اوى عايزين نسال ع التفاصيل دي بردو اهم من اى حاجة مش عشان نغير بوجيهات هنسقط الموتور يعنى ولا اييييييييية؟؟؟؟
دا دليل ان الموضوع ناجح ان شاء الله
دى عربية بيتل في مصر موديل 1972
موتور جولف 1800 cc موديل 90
http://i51.tinypic.com/zv1vfl.jpg
http://i52.tinypic.com/10nus15.jpg
-----------------------
محمد سالم
يا شباب خالد دة حمار ورغاى وكلامة بيصفى على الربع الاتفاق بتاع الشغل تستلم وتتابع نلاقية معملش حاجة دا طلع عين اهلى فى شغل السمكرة العادى انل تعديل بقى هيعمل فية اية ولولا بتاع الدوكو حبيب الحج وعارف اننا مبنحبش الكروتة ومبنبخلش على العربية بحاجة بقى كل ما يلاقى حاجة فى العربية مش تمام برجع تانى لخالد زفت دة ويعملها ويخدها بتاع الدكو ويرجع يشتغل يلاقى حاجة تانية يقوم يرجع للزفت خالد تانى وفى الاخر خدناها لواحد تانى راجع عاليها كلها وللاسف هو استاذ سمكرة فولكس بس عيبة الوقت ودة الى خلانى اوديها عند خالد
السلام عليكم
انا جديد ويشرفني ان اكون معاكم في المنتدي الجميل دة انا معيا بيتلز موديل 1300من 12 سنة تقريبا وهي كانت بتاعة والدي وأدهالي بعدما بعت 128 بتاعتي انا عايز اسقط لها المكنة دية بس هاتفع مع فتيس العربية ولا في مشكلة و العفشة الأمامية لازم تظبط بردو ولا لا
السلام عليكم
أولا أحب أقول إن البتلز بحترمها بطريقه لا توصف
ثانيا لي تعليق علي التعديل
بعيدا عن إن شاسيه العربيه دي هايستحمل فهو هايستحمل و عندها أستعداد تشيل أي موتور
لكن الموتور ده هايبقي من غير خط العادم يعني صوته هايبقي مزعج جدا و عالي فلو حد حب يعمل التعديل ده يخلي باله إن العربيه مش هاتبقي للإستخدام اليومي (هاتبقي للدلع يومين في الأسبوع في تمشيه بعيد عن الزحمه )
و لا أنا غلطان
كلامك صح الصح بس ممكن يركب شكمان ويتعدل ويبقي صوتها أحسن و أداء عالي ولا ليك رأي تاني
بس العلبتين هايعملو صوت عالي
في مايكروباصات فولكس كتير جدا مركبين موتور جولف وهما شغالين صوت الموتور هادى جدا كانه راكب فى جولف
-------------------
محمد سالم