السلام عليكم ورحمة اللة
انا عضو جديد واشتريت والحمد للة سيارة تويوتا 97 وعندي مشكلة وجود زيت فتيس بينقط اسفل السيارة ارجو الافادة في ذلك الموضوع
عرض للطباعة
السلام عليكم ورحمة اللة
انا عضو جديد واشتريت والحمد للة سيارة تويوتا 97 وعندي مشكلة وجود زيت فتيس بينقط اسفل السيارة ارجو الافادة في ذلك الموضوع
الكارتيرة
اشمعنى حضرتك تنبات انه زيت فتيس ؟؟ مش ممكن يكون زيت ماتور ؟
بص يا باشا بالنسبه لاى تسييل روح لميكانيكى فورا ويفحصهالك بس خلى عينك حاضره معاه علشان مايحورش
لازم حضرتك تتاكد الاول ده زيت فتيس و لا موتور و بعدين حضرتك ما حددتش العربية مانيوال و لا اتوماتك لكن هاقولك على كل الاحتمالات
لو الزيت زيت موتور ووصل للكمية الكبيرة ديه انك تشوفه منقط تحت العربية يبقا اكيد زيت الموتور هاينقص عندك و هاتكون العربية بتجيب زيت من كذا حتة:
كرتيرة الموتور أو اويل سيلات ناحية سير الكاتينة أو اويل سيل كرنك خلفى و ده ارخمهم
لو بتجيب بقا زيت فتيس يبقا هايبان من مقاس الفتيس الاوتوماتك انه بينقص و ده سببه بيكون كرتيرة الفتيس و هاتقدر تشوفها و العربية مرفوعة و ريحتة مختلفة عن زيت الموتور
اما بقا ارخم حاجة لو كانت العربية مانيوال زى حالتى كده و ده اللى حصل معايا كانت بتجيب زيت فتيس مانيوال و ده ريحته بردك مميزة جدا قريبة من ريحة زفارة السمك لدرجة ان القطط كانت بتتمسح فى العربية على طول ده بقا يا اما جاى من الكبالن و ده امره سهل شوية اويل سيلات او جاى من عمود الشجرة بتاع الفتيس و ديه هاتضطر لو عايز تريح دماغك ترمى الفتيس كله و تجيب واحد استيراد بدل ما تقعد تفك الفتيس و تصلح فيه و هايرجع يجيب تانى و يغرق اسطوانة الدبرياج و يموت عزم العربية و ده اصعب و ارخم مشكلة فى موضوع تسريب الزيت ده ربنا يسهل و ما تكونش هيا اللى عندك ان شاء الله لانها اضطرتنى لتغيير الفتيس مع انه كان ممتاز و ما فيهوش اى مشكلة بس خليته عندى قطع غيار