سؤال: نوبيرا م ولا صني اوتو

**رزق** · 27-06-2011 08:38 AM

معلش هو سؤال ممكن يبدو ساذج شوية بس أهو لازم اسأله
أنا بستخدم النوبيرا وسايب الصني لما اخويا بيرجع من السفر اسبوع في السنة ولا حاجة
المهم قلت حبيع واحدة من ال 2 .. ولما يرجع ممكن يأجر

أنا ولو إن معايا مفتاح ال 2 الا إن عمري ماخدت الصني غير أما كانت النوبيرا بتتصلح ودي كانت مرة واحدة عشان كان عندي معاد

المقارنة للوهلة الاولى ممكن تحسم للصني لكن ارجوك راعي الملاحظات بعيدا عن الأداء وكده:

النوبيرا: اهدى في اسعار قطع الغيار - مانيوال (دي لوحدها +10) - حفظتها - عارف مواعيد صيانتها وكده - من الاخر بتاعتي

الصني: طبعا بخاف عليها من المطبات والطريق والخربوش بيها بيجنني
اوتو .. امل من كده متلاقيش
لكن مثلا جودة الصنع جوه الصالون والبودي عجباني
وعارف إنها عربية أحسن - فرق سعر و تجميع

مش حطول عليكم
صني 2005 سوبر صالون اوتو (ياباني)
نوبيرا 2 2003 فل أبتين مانيوال (مصري)

ملاحظة: أنا بعدت عن الأداء وكده عشان مش فارق معايا وملاحظتش فرق كبير (مبجريش قوي)
كمان أنا عارف إن ال 2 مش فئة سعرية واحدة

أنا ناوي ابيع الصني..ياريت أعرف ارائكم؟

**bero0o0o0** · 27-06-2011 09:58 AM

يا نهار اسود و كمان سوبر صالون!!!!!
يا باشا المقارنة دي ظالمة جدا
انا عارف ان حضرتك جربت الاتنين و بتقول مش حاسس بفرق لكن كلنا ركبناهم كتير بردو و بصراحة فيه فرق في كل حاجة
حتى موضوع قطع الغيار ده مش ازمة لان قطع غيار الصني رخيصة بردو بالنسبة للجديد
و موضوع الاوتوماتيك ده انا واحد عمري ما اعتبره عيب ابدا بالعكس يا باشا ده في ناس ماترضاش تركب غير اوتوماتيك
بص يا باشا من الاخر لو انت عايز تاخدها من منظور اقتصادي بيع الصني هاتجيبلك سعر احسن من النوبيرا
لو حضرتك عايز تخلى معاك العربية الافضل (من وجهة نظري الشخصية عشان ماحدش يزعل) يبقى بيع النوبيرا و اركب الصني ركوبة تانية خالص عن تجربة ده غير الثبات و الامان و الصاج و ال abs و الموتور طبعا اللي مش محتاج كلام
و ربنا يوفقك يا باشا للي فيه الخير

**رزق** · 27-06-2011 10:06 AM

ألف شكر يا باشا أنا فعلا عايز رأيك

وانا عارف إن اختياري مش منطقي قوي عشان كده سألت هنا عشان حد يرجعلي عقلي

هل أي حد اتحط فالموقف ده واختار العربية اللي داخلة دماغه ولا دايما العربية الأحسن والأغلى؟

**Ashraf_Ibrahim** · 27-06-2011 11:40 AM

حرام يا صديقي تبيع السوبر صالون !
بيع النوبيرا طبعا وخليك مع الصني
لابد تختار العربية الأفضل لأنك لو بعت الصني دي خسارة كبيرة جدااااااااااااااااااااااا ااااااااااا

**medododo** · 27-06-2011 11:43 AM

المشاركة الأصلية كتبت بواسطة ashraf_ibrahim

حرام يا صديقي تبيع السوبر صالون !
بيع النوبيرا طبعا وخليك مع الصني
لابد تختار العربية الأفضل لأنك لو بعت الصني دي خسارة كبيرة جدااااااااااااااااااااااا ااااااااااا

+1111111111111111

**رزق** · 27-06-2011 12:06 PM

ألف شكر ل حضراتكم ,
4-0 للصني

طب هل في عيب فيها اخلي بالي منه عشان أعرف من دلوقتي؟

إضافة: على فكرة أنا غلطان هي اغلب الظن اكس صالون مش سوبر .. هل ده يغير من الرأي؟

**Ashraf_Ibrahim** · 27-06-2011 12:38 PM

المشاركة الأصلية كتبت بواسطة رزق

ألف شكر ل حضراتكم ,
4-0 للصني

طب هل في عيب فيها اخلي بالي منه عشان أعرف من دلوقتي؟

إضافة: على فكرة أنا غلطان هي اغلب الظن اكس صالون مش سوبر .. هل ده يغير من الرأي؟

سواء اي اكس صالون او سوبر صالون برده مش هيفرق من الرأي حاجة
المقارنة بين الاتنين ظالمة ومش في صالح النوبيرا خالص
الني تكتسح بكل المقاييس على فكرة
سواء ثبات او ارتفاع العربية او الموتور او رفاهية الركوب او العزل الصوتي او او او او
كل اوجه المقارنة في صالح الصني بلا ادنى شك
توكل على الله ولو ناوي تبيع النوبيرا توكل على الله
انما الصني اوعا تفكر تلمسها اصلا دي متتباعش يا عزيزي
دي تحمد ربنا انها معاك ومتفرطش فيها خصوصا انك بتقول انها ياباني يعني مش ملعوب فيها بأيدي مصرية كمان
ربنا يباركلك فيها يا رب